3
1 Curuangah kan tuar zo ti lo tikah, kanmah ceu Athens ah man mata dingin kan ruatcat;
2 culeh Khrih ih thuthangŽha simthannak ah kan unau leh Pathian caah rianŽuanpi Timote cu, nan zumnak thaŽhawngsak ding leh tha tan pia hngai dingah kan thlah.
3 Acucu hi hremnakpawl ruangah ahuhman hnin nan ik lonak dingah a ii. Ahihi lairelpiak kan ik mi cu a ii ti nanmah hrimhrim ni nan tiah kau.
4 A ngaingai ahcun, hremnak tuar thok kan ii ti cu nan hem kan ik lio ah khin kan tan sim cia; acuti cun a cangsuak, nan tiah mang a i kau.
5 Ahi thu ruangah hin ka in zo ti lo tikah, nan zumnak thuhla hmusuak dingah Timote ka thlah; khawtimaw in tukforhtu ni tan tukforh hngai in kan rianŽuan hoitlawi ih a can pang ding ka phang.
6 Ihmansela Timote cu nan hemin a man pha pekte, cun nan zumnak leh dawtnak thuthangŽha a man phurh. Tan hmuh hngai kan dawt mangin man hmuh nan dawt leh lungawinak rum a man cinken ringring khaw a man sim.
7 Ahi thu ruangah, ulenauhngai, kan thinhar leh hremtuar caan ah nanmah thuhla ah nan zumnak thawngin tha kan ngah.
8 Icatile Bawipa sungih din Žho nan peh ahcun kan nung vel tinak a ii.
9 Nanmah ruangih Pathian hmaiah kan ngeihmi lungawinak hmawhhmawh caah khawti in Pathian hemah lungawinak daihkauin nan caah sim thun kho thok nahmen hu maw?
10 Hmai hoitia ih kan tan tuah khawhnak ding leh nan zumnak sungih abaumi itupoh tungdingŽhan dingah tiin sun leh zan thintakte in thla kan cam.
11 Atu cu kan Pathian leh Pa amah hrimhrim leh kan Bawi Jesuh ni nan hemah kan lam man hruai hram seh.
12 Nan caah dawtnak ah kan len ngai mangin, pakhat leh pakhat, cun mi zate hemah dawtnak ah karhsin leh lianngai in Bawipa ni tan vua hngai hram seh.
13 Cun kan Bawipa Jesuh a mithiangle zate rum an phat tikah nangmi cu kan Pathian leh Pa hmaiah mawhngeilo i dingin Bawipa ni nan thinlung cu thianhlimnak in Žhosak kau seh.