5
1 Curuangah dawtngaimi tiale dinhmun in Pathian nun cawngtule ii uh,
2 cun Khrih ni a man daw ih kan caah Pathian hemih piakmi rimhmui leh raihrik ah a piaktiak mangin dawtnak in nungcang uh.
3 Mithiangpawl lakih thilmawi a ik mangin, nan lakah numipami sualkhatnak leh acumangla ih zohmawi lonak pakhat hman, iklole duhhamnak cu a min hman sim thok a i lo.
4 Hngalthu, atthu leh puarthauhtiak thianglo tipawl khaw om hrimhrim thok lo an ii, acupawl can-ah lungawithusim tu om sawn seh.
5 Numipami sualkhattu, a thiang lomi, a duhhammi (mepabiami tican) cu Khrih leh Pathian ih uknak sungah roco ding ituhman an ngei lo tihi tiahfiang uh.
6 Ahuhman ni ivongva lomi aanka in tan deuhtia hngai hlah seh, icatile ahipawl ruangah hin a ii Pathian thinsiatnak cu thucangngailo tupawl parih a phat.
7 Curuangah anmah rum komremtia hlah uh.
8 Icatile voikhat lio ah cun khuamaw nan ita, ihmansela atu cu Bawipa sungah tleunak nan ii. Tleunak ih tiale nun in nung uh -
9 icatile tleunak ih vuang cu a Žhami leh adingmi leh a taktak timi an zate sungah hmuh an ii.
10 Pathian lunghmui zawng itu a ii ti hmuhsuak zuam uh.
11 Khuamaw ih santlai lomi rianŽuanpawl ah tel hlah uh, acucan ah phozaar hoila zong uh.
12 icatile acumang minungle ni athupte in an vuakmi cu a min sim hman ningzakaw a ii;
13 ihmansela tleunak ni a lansakmi izongza cu hmuhkhawhmi ah an cang,
14 icatile hmuhkhawhmi ah a cangmi izongza cu tleunak a ii. Curuangah,
“Amemi, Žhangtia!
mithipawl lakin tho,
cun Khrih cu na parah
a tlaang thok,”
tiah a ti.
15 Nan nuncan zia ah ralring uh, miaa mang iloin miting mangin nung uh.
16 Atu hi san sia an ik ruangah nan caanŽha ngeihmi Žhate in hmang uh.
17 Curuangah aa hlah uh, Bawipa ih dawtzawng itu a ii timi tu tiahthiam uh.
18 Zu ri hlah uh, icatile rawhcahnak a ii, Thlarau rum tu khat sawn uh.
19 Pakhat leh pakhat thangŽhatnak hlapawl leh Pathian biaknak hlapawl leh thlaraula hlapawl in biatia in, Bawipa hemah nan thintakin hlasa in awnmawi tum uh.
20 Kan Bawi Jesuh Khrih ih min in Pa Pathian hemah caan kip in izongza caah lungawithu sim ringring uh.
(Kol 3:18-19)
21 Khrih nan upat ruangah pakhat leh pakhat thuthu ih om thiam uh.
22 Nupile hngai, Bawipa ih thu in nan nun mangin nan pumah ih thu in nung uh.
23 Icatile Khrih cu Rungtu a iknak ruangpun, pawlpi ih lu a ik mangin pumah cu nupi ih lu a ii.
24 Pawlpi cu Khrih ih thu in a nun mangin, nupile khaw izongza ah nan pumahle ih thu in nung ding nan ii.
25 Pumahle hngai, Khrih ni pawlpi a daw ih a caah a piaktiak mangin, nan nupile daw uh.
26 Amah ni pawlpi cu a anka ih huham in a thianhlimsak, cun ti in a Žawlnak thawngin a thiansak,
27 cucu pawlpi hi amah Khrih hem leello ah a mawinak hmawh in soisel awk leh dawisawng leh kim lonak itumang khaw omlote in a thianghlimmi leh dotlami a iknak dingah a ii.
28 Acu mangin, pumahle ni khaw anmah ih ruangpun an dawt mangin an nupile an dawt awk a ii. A nupi a dawtu cu amah leh amah a daw tia.
29 Icatile huhman ni amah ih ruangpun cu a hua thah lo, Khrih ni pawlpi a cawmdawl ih a zothlat mangin a cawmdawl ih a zothla tia.
30 Keimi cu a ruangpun ih tiksaŽhenpawl kan ii.
31 “Hi thu ruangah pami ni a nulepa mata hngai lei khawh a nupi hemah a kom thok, cun an pahnih cu punsa khat ah an cang thok.”Ref 5:31 Seem(Gen) 2:24
32 Hihi thuthuk ngaite a ii ih kei ni cu Khrih leh pawlpi parah ka hmang.
33 Nangmi pakhat vek ni cu nanmah leh nanmah nan dawttiak mangin nan nupi nan dawt awk a ii, cun nupi ni khaw a pumah a upat awk a ii.