1 Ahi thu ruangah a ii kei Paul hi nangmi Zentail-mipawl can-ah Khrih Jesuh ca-ih thawngtlapa ka ik. 2 Icatile nanmah Žhatnak caah Pathian ni hi rianŽuan hi a velngeihnak in a ma Žuansakmi a ii timi leh 3 acungla ah aanta tlawmte ih ka ngan tak mangin, thuthuk cu phuanlannak thawngin ka hemih tiahsak a ik zia nan za rom kau thok. 4 Acucu nan relnak ni Khrih ih thuthuk ka tiahthiamnak hi ruatthiam dingah a tan bawn hngai thok. 5 Atu Thlarau thawngin a thianghlimmi a tirhthlahpawl leh profetpawl hemih phuanlan a ik vel mangin hlandeuh sanpawl ahcun minungpawl hemah tiahsak a ita lo. 6 Acucu Zentail-mipawl cu thuthangŽha thawngin rocopi, ruangpun pakhat ih sungtelpawl leh Khrih Jesuh sungih thutiam Žomtupawl an cang tinak a ii. 7 Hi thuthangŽha riantu ka can hi a huham rianŽuannak thawngin a ma piakmi Pathian velngeihnak laksawng mangin a ii. 8 Mithiangpawl zate ah a tenautleng mang i hman ningla, Zentail-mipawl hemah hrawlsuah-khawh lomi Khrih ih lennakpawl ih thu phurh hngai dingah leh, 9 thil zate a vuatu Pathian sungah san tlungpi sung thuhmi thuthuuk ih khuakhangmi itu a ik micang ni hmu ih vua dingah hi velngeihnak hi piak ka ita; 10 cucu vancung hmunpawl ih uktupawl leh thungeitule hemah Pathian ih tinnak a phunphun cu pawlpi thawngin tiahsak a iknak dingah a ii. 11 Ahihi Khrih Jesuh kan Bawipa sungah Žuansuak a imi kumkhua tumtahnak mangin a ii, 12 amah sungah ralŽhatnak leh lunglumnak rum amah zumnak thawngin Pathian hem hnaihkhawhnak kan ngei. 13 Curuangah nanmah ca-ih ka tuarnakpawl parah nan thindeng lo dingah thla ka cam; nan sunparnak an ii.

14 Ahi thu ruangah hin a ii, 15 van leh vulei ih innsang cang ni an min an latnak hram, Pa, hmaiah ka khuk ka bil. 16 A sunparnak ih lenzia mangin a Thlarau thawngin nan sungla iknak cu huham rum thazaang a tan piak hngai ih, 17 dawtnak sungah hrambinin Žanhmun nan khuar mangin, Khrih cu nan thinlung sungah zumnak thawngin a leennak dingah thla ka cam. 18 Mithiangpawl zate rum a kauhnak, a saunak, a saannak leh a thuknak tiahthiam khawhnak huham nan ngeih ih, 19 Pathian ih kimnak zate rum nan khah nak ding leh Khrih ih dawtnak nan tiahnak dingah thla ka cam. 20 Atu ah cun kan sungih rianŽuantu huham thawngin, kan dil khawhmi, iklole kan ruah khawhmi zate hleih ih tlamtling khuakhua in a Žuansuak khotu Pathian hemah 21 sunparnak cu pawlpi leh Khrih Jesuh sungin san hmawhhmawh, kumkhua om ringring kau seh. Amen.