1 Curuangah, Pathian naktiahnak in hi rianŽuan ngei ik nihmawh, kan thin a deng lo. 2 Ningzah ruangih kan thuhmi thilpawl cu kan hnong rom; depdet hmanrau iseh, Pathian thu peengkau vuak iseh, kan al; langhnganih thutak simnak in Pathian hmuhhnganah micang ni Žha ih hmuh dingin zong kan om. 3 Kan thuthangŽha cu khum a ik hmanah a rawkralcuahco tule caah khum a ii. 4 Acupawl ih thuhla ahcun, Pathian hmuihmel a i mi Khrih ih sunparnak thuthangŽha ceeu hmu thiam lo dingin hi vuleipi ih khuazing ni zumlotupawl an mit a cawtsak hngai. 5 Icatile keimi cu kanmah ih iloin; Jesuh Khrih cu Bawipa a ii ih, keimi cu Khrih ih ruangah nan sal kan ii ti kan simphuang. 6 Icatile, “Khuamaw lakin ceunak tlaang seh,” a titu cu Pathian a ik ruangah, amah cu Jesuh Khrih hmel ah acuangmi Pathian sunparnak ceeu man pia dingah kan thinlung sungih a tlaang tu a ii. 7 Ihmansela keimi cu hi acuangcemi huham hi kan hemin suak loin Pathian ta a ii ti fiansak a iknak dingah hi hlawnthil siahnak phalei uumpawl kan ii. 8 A lam cang in hartuarsak kan ii, rialmaan zong cu ka i lo; kan lung a hnok, kan thin zong cu a deng lo; 9 hrem kan ii, zamtak zong cu kan i lo; thawi ngalh kan ii, siatsuah zong cu kan i lo; 10 kan ruangpunpawl sungah hin Khrih ih nunnak cu hmuhkhawh in vuak a iknak dingah kan ruangpun ahhin Jesuh ih thihnak cu kan phur berbo. 11 Icatile a thikhomi kan tiksa sungah hin Jesuh ih nunnak cu hmuhkhawh in vuak a iknak dingah kan nun lio ahhin keimi cu Jesuh ruangah thihnak hemih ap kan i berbo. 12 Curuangah thihnak ni kan sungah rian a Žuan ih, nangmi sungah zong cu nunnak ni a Žuan. 13 Ihmansela, “Ka zum ih curuangah ka ang,”Ref 4:13 Saam 116:10 timi Lai Thianghlim mang zumnak thinlung siksik kan ngeih ruangah kan zum ve. 14 Culeh Bawi Jesuh a thawhsak tu ni keimi khaw Jesuh rum a man thawhsak ve thokih, nangmi rum a hmaika ah a man phatpi thok ti kan tiah ruangah kan ang. 15 Icatile naktiahnak cu mi tlung sinsin hemih a punzai ruangah Pathian sunparnak dingin lungawi thusimnak a karh khawhnak dingah izongza hi nanmah caah a ii.

16 Curuangah kan thin a deng lo. Kan pawnla ikning cu zor cuahco hmansela kan sungla ikning cu a ni ni in tharsuah rero a ii. 17 Icatile cangkhatte sung hartuarnak tenau hi ni tahkhawh lomi kumkhua sunlawinak caah a man tuahtim. 18 Curuangah hmuhkhawh a mi cu kan zoh lo, hmuhkhawh a i lomi tu kan zoh; icatile hmuhkhawh a i mi cu a laangte daih a ii, hmuhkhawh a i lo mi zong cu kumkhua daih a ii.