1 Curuangah nan thin tan tiak aw hngai Žhan dingah cu tan tlawn hngai lo dingah ka ruatcat tia. 2 Icatile nan thin ka tiahsak ahcun, nan thin ka tiahsakmi nanmah simlo acunangah ka lung ma awi saktu ding ahu a om ah? 3 Culeh a khitiih ka ngan nak cu, ka phat tikah ka tha ma nuamsak ding mawi a i mipawl hemin thintiahnak ka tuar lonak dingah a ii; icatile ka lungawinak cu nan zate ih lungawinak a i thok tiah nan zate ka tan lunglum hngai. 4 Icatile nan thin tan tiah sak hngai dingah iloin, nan ca-ih ka ngeihmi dawtnak tamliangluang hi tan tiahsak hngai ding tu ah, thinharnak leh thintiahnak tampi leh mitthli tampi rum lai ka tan kuat hngai.

5 Ihmansela ahu pakhatkhat ni maw thintiahnak a suahsak ahcun, ka hemah a vua iloin, i zet maw tiang cu nan zate hemah a vua tihi thuhlausim thu a i lo. 6 Mi tlungsawn hemin ahi hremnak a tuarmi hi amah caah cun a za kau. 7 Curuangah atu ahcun, ninghan luantuk ni a khumngah lonak dingah amah cu ngaidam leh thinhneem ding nan i hoi. 8 Amah nan dawtnak cu ŽhosakŽhan dingah ka tan torh hngai hramhram. 9 Izongza ah thuzulmi nan i maw i lo ti tan hniksak hngai ding leh tiah dingah ahihi ka ngan nak a ii. 10 Nan ngaidam mi ahu a ik ah ka ngaidam ve. Itumaw ka ngaidam rom ahcun, ka ngaidammi cu Khrih hnganah, nan Žhathnem nak ding ruah ah a ii. 11 Culeh ahi kan ti hi Satan ih tinhleihmi kan ik lonak dingah a ii; icatile a mingamthlemnak tiah lo kan i lo.

12 Khrih ih thuthangŽha simthan dingin Troas khua ka phat tikah, Bawipa ni sangka a ma hon piak; 13 ihmansela ka unau Titas acunangih ka hmuh lo ruangah ka lung a ngam thiam lo. Curuangah anmah Žian za ka tlai ta hngai ih Masidonia ah ka hlan. 14 Ihmansela, Khrih sungah neh in a man hruai ringring tu, culeh amah kan tiahnak thawngin asuakmi rimhmui cu kanmah thawngin hmun kipah a karh saktu Pathian hemah thangŽhatnak om kau seh! 15 Icatile keimi cu run lio mipawl leh a rawkralcuahco tule lakah hin Khrih ih rimhmui kan ii. 16 Pakhat hemah cun thihnak mithlak rimsia, pakhat hemah cun nunnak mithlak rimhmui kan ii. Ahu ii maw a hi thilpawl ca-ih mi za cu? 17 Icatile keimi cu Pathian thuthang hi mi tlungpi mangin puncawmnak caah sumlehnak ih zuartule kan i lo; thintluang mipawl iknak, Pathian hemin thlahmipawl leh a hmaika ih diing tu iknak in Khrih sung tu ah thu kan sim.