1 Mepapawl hemih hlunmi caw thuhla ah: “Kan zate ni thutiahnak kan ngei” ti kan tiah. Thutiahnak ni cu hnaar a luarsak, dawtnak ni zong cu mi a saŽho. 2 Thu pakhatkhat tiah ah a simtiatu cu a Žulmi thutiahnak a ngei rih lo; 3 Pathian a dawtu zong cu Pathian ni a tiah. 4 Curuangah mepapawl hemih hlunmi caw awknak thuhla ah, “Vulei parih menu mepapawl hi iknak taktak an ngei lo,” culeh “Pathian cu pakhat ceu a om” ti kan tiah. 5 Angaingai ahcun, khuazing tlungpi leh bawi tlungpi an om taktak mangin vancung leh vulei parah khuazingpawl tiih kawhmi cu an om kau thok hman ah, 6 kanmah caah cun Pa, Pathian pakhat cu a om. Amah hemin izongza hi an cangih amah caah kan om. Cun bawi pakhat, Jesuh Khrih a om; amah hemin izongza an cangih amah thawngin kan om. 7 Khawti in khaw isela mikip cu ahi thutiahnak hi an ngeih tia lo. Mihrekkhat cu atu tiang hi mepapawl ah an keelzo tuk rom ruangah, an awkmi caw cu mepa hemih hlunmi caw aw ah an ruat tia rih; culeh an siaŽha thleidannak cu a ŽonŽaih ruangah, hnomtamsak a ii. 8 Caw ni Pathian a man hnaihsak hlei thok lo. Caw kan awk lo ruangah kan siava deuh hlei lo, cun kan awk ah kan Žhadeuh hlei lo. 9 Ihmansela ahi nan zalennak hi a ŽawnŽaimi caah khawti in maw taubahnak cang lo dingah zong cu ralring uh. 10 Icatile thutiahnak a ngeitu nang cu mepa biakinn ah caw aw in mipace ni an tan hmuh ahcun, an siaŽha thleidannak a ŽonŽaih ruangah, mepapawl hemih hlunmi caw aw ding tiangin thapiak an i kho lo hmen maw? 11 Curuangah nan thutiahnak thawngin Khrih ni a thihhnawhmi, a ŽawnŽaimi zumtupawl cu siatsuah an ii hekhawh. 12 Culeh nan innsang sungtelpawl parah acuti cun nan sualih, an siaŽha thleidannak a ŽonŽaih lio ah ma nan baih ahcun, Khrih parah nan sual. 13 Curuangah, caw cu an taubahnak a ruang a ik ahcun, zumtu ka unau pakhatkhat ka taubah sak lonak dingah khawcang hman ah sa ka awk duh thok lo.