1 Khrih riantupawl leh Pathian thuthuk kilkhawitule tiin man ruat uh. 2 Cuhleiah, kilkhawitule cu zumtlak an ik ding khi ngen an ii. 3 Ihmansela kei ih caah cun nangmi ni iseh, minung thuŽhennak zung pakhatkhat ni iseh, – thu ama Žhenpiak hngai ding cu thil tenau ngai a ii. Kamah leh kamah hman thu ka Žhentia lo. 4 Sual thu ah ka phuhringtia lo, ihmansela sualnak a ngei lo tiih thlah cu ka i lo. Thu a ma Žhentu cu Bawipa a ii. 5 Curuangah a caan a phat hlan, khuamaw sungah atu ih thuh a imi thilpawl khuatle ah a suahpi tu thok leh thinlung ih tumtahmipawl a lansak thok tu Bawipa a phat hlanah cun thu Žhen hlah uh. Cutikah mi pakhat vek ni Pathian hem in lom an co vek leh thok. 6 Ulenau hngai, nan Žhathnemnak caah tiin hi thil hi Apollos leh kamah parah ka hmang, cuticun, “Nganciami lon in ituhman ti lo ding,” timi aanŽhim ih sullam kan hemin nan zirih, ahuhman ni mipakhat dokalh in a pace mithmaiŽha pia ih nan hngalsantiak lonak dingah a ii. 7 Icatile ahu ni nan pacetnak itu a hmu hmen? Nan co tak lomi itu nan ngei hmen? Nan co a ik le, laksawng i hlah sela mangin ituruangah nan porhtia hmen? 8 Nan khim rom! Milian nan cang rom! Kanmah tel loin siangpahrang nan cang rom! Siangpahrang cang taktak uh la cu ka saduhthah a ii, cuticun nanmah rum siangpahrang i ve hngen tur ung! 9 Keimi tirhthlahpawl hi thah dingih thusahmi mangin mi hmawhhmawh lakih mi nautatleng ah Pathian ni a man phozaar tiah ka ruat, icatile vuleipi, vanmipawl leh minungpawl hnganih zohnuam men ah kan cang rom. 10 Keimi cu Khrih caah miaa kan ii ih, nangmi tu cu Khrih sungah miting nan ii. Keimi cu kan ŽawnŽai, nangmi tu cu nan dikcak. Nangmi cu upat nan ii, keimi tu cu nautat mi kan ii. 11 Atu caan tiang hi kan Ža a Žhi ih kan ti a hal, partlai siate in kan thuamtia, kutthak hnawtnak kan ii, cun innngeilo kan ii. 12 Culeh kan kut rori in rian kan Žuan nak ah kan re a thei. Cam kan ik tikah thlua kan suah; hrem kan ik tikah kan ing kau; 13 thangsiat kan ik tikah awkanem in naktiah kan dil hngai. Nihinni tiang rori hi vulei pi ih hnawmhne, thil hmawhhmawh ih a siatnak nekhawl mang kan cang rom.

14 Ahihi nanmah tan ningzahsak hngai dingah iloin, ka dawtngaimi tiale mangih nun tan sim hngai ding tu ah ka ngan. 15 Icatile Khrih sungah kilkhawitu cu thawng hra lai nan ngei men thok nain, pa cu tlungpi nan ngei lo henakhawh. Angaingai ahcun, thuthangŽha thawngin kei hi Khrih Jesuh ah nan pa ka cang. 16 Acu ii khawh, kamah ama cawngtule i dingah ka tan ngeen hngai. 17 Ahi thu ruangah hin, Bawipa sungih ka dawtngaimi leh rinsantlak ka tia Timote cu, hmun cang leh pawlpi cang ah ka zirh hngai mangin, Khrih Jesuh sungih ka nundanpawl tan pherphuak hngai dingin nan hemah ka thlah. 18 Ihmansela mi hrekkhat ni cu ka tan pha hngai thok lo ah ruatin mi zumtia ah nan cang. 19 A inain ka tan pha hngai rang kau thok, Bawipa ni rem ti taw ah ka tan pha hngai rang kau thokih, culeh ahile mi zumtiale ih on-aan iloin an huham tu ka hmuh ngah thok. 20 Icatile Pathian uknak cu on-aan parah iloin huham par tu ah a om. 21 Itu dawsawn lei cu maw? Nunsimnak tungkeu rum ka tan pha hngai thok maw, iklole dawtnak rum nemnak thinlung in?