2
1 Ulenau hngai, nan hemih ka phat ahkhin Pathian ih thuthuk cu aanta khung leh tinnak aan hmangin ka simthan ta hngai lo.
2 Icatile Jesuh Khrih leh amah khentar a ik simlo ituhman nan lakin tiah lo dingah ka ruatcattia.
3 Culeh nan hemah ŽawnŽai leh thinphang leh ma dok-aw ngai in ka pha.
4 Ka thusim leh ka simthannak cu mi thinlung lakho tinnak thu in iloin, Thlarau ih fiansaknak leh huham zong a ii,
5 acucu nan zumnak hi minung ih tinnak parah hngatsantia loin Pathian ih huham par tu ah a hngatsantiak nak dingah a ii.
6 A i nakauin a picangmi lakah cu tinnak kan sim kau ee, a rawkral thokmi hih san, iklole hi san a uktupawl ih tinnak cu a i lo.
7 Ihmansela Pathian ih tinnak, thuthup leh thuhmi, Pathian ni sanpawl an om hlanah kan sunlawinak caah a lairelmi a ii.
8 Hih san ih uktu ahuhman ni ahihi an tiah lo; icatile an tiah taak ahcun sunparnak Bawipa hi an khengtar ta thok lo.
9 Ihmansela,
“Mit ih hmuh thah lomi,
cun na ih zak thah lomi,
minung thinlung ni a ruah
thiam lomi cu,
Pathian ni amah a daw tule
caah a tuahtim rom,”Ref 2:9 Isa 64:4
tiih nganmi mangin,
10 hi thilpawl hi Pathian ni Thlarau thawngin a phuanglang rom; icatile Thlarau ni cu izongza, Pathian ih tumthuk hman a hliakhlai.
11 Icatile minung ih iknak taktak cu amah sungih a ommi thlarau simlo ahu mang minung ni a tiah hmen? Curuangah Pathian ih iknak taktak khaw cu Pathian ih Pathian ih Thlarau simlo ahuhman ni a tiahthiam lo.
12 Atu ahhin keimi cu vuleipi ih thlarau kan co lo, Pathian ni kan parih a piakmi laksawngpawl kan tiahthiam nak dingah Pathian hemih Thlarau tu kan co.
13 Culeh hih thilpawl thu hi minung tinnak ih zirhmi aankapawl in iloin Thlarau ih zirhmi aanpawl in kan sim sawnih; Thlaraumi a i tupawl hemah thlaraula thilpawl thu kan phuangsuak.
14 Thlaraumi lo ni cu Pathian Thlarau ih laksawngpawl an co lo, icatile an caah atthu an ii ih, thlaraula in ngenŽhen an ik ruangah acupawl cu an tiahthiam hngai lo.
15 Thlarau mipawl ni cu thil hmawhhmawh an ngenŽhenthiam ih anmah tu cu mi pace ahuhman ih thuŽhennak tangah an tuh-lut tia lo.
16 “Icatile amah zirh dingah
Bawipa ih khuaruahnak cu
ahu ni a tiah rom hmen?”Ref 2:16 Isa40:13
Keimi tu cu Khrih ih khuaruahnak kan ngei.