1 Khrih nun cawng tu ka ik mangin ama cawngtule ii uh.

2 Izongza ah a ma cingkeng hngai ih ka tan piak hngai sinmi thorosiah nan kilkhawi ruangah ka tan lawm hngai. 3 Ihmansela Khrih cu mi cang ih lu a ii ih pumah cu a nupi ih lu a ii, culeh Pathian cu Khrih ih lu a ii ti tiah uh la ka daw. 4 A lu parah pakhatkhat khumtia in thla a cam tu, iklole profet thusim in thu a sim tu pami pakhat cu a lu mual a phosak, 5 ihmansela a lu khumtia loin thla a cam tu iklole profet thusim in thu a sim tu numi pakhat cu a lu mual a phosak – a lu kolh sela acu rum a sakhat. 6 Icatile numi pakhat cu a lu a khumtiak lo ahcun a lu a kolhtiak lawlaw awk a ii; numi pakhat caah lu kolhtiak iklole sam Žhawhtiak cu mualpho aw a ik ahcun, a lu khumtia mawi a ii. 7 Icatile pami cu Pathian muihmel leh sunlawinak a ik ruangah a lu a khumtiak awk a i lo; numi zong cu pami ih sunlawinak a ii. 8 Angaingai ahcun pami cu numi sungin vuak a i ta lo, numi zong cu pami sungin vuak a ii. 9 Pami cu numi ca-ih vuak khaw a ita lo, numi zong cu pami ca-ih vuak a ii. 10 Ahi thu caah numi pakhat ni vanmipawl ruangah a lu parah thungeihnak hmuhsaktu pakhat a ngeih awk a ii. 11 Amahbelte, Bawipa ahcun numi cu pami ring loin, iklole pami cu numi ring loin om a canglo. 12 Icatile numi cu pami sungin a suah mangin pami cu numi thawngin a suak; thil zate zong cu Pathian hemin an suak. 13 Numi pakhat cu a lu khumtia loin Pathian hemih thla a cam awk a ii maw ti cu nanmahte Žhencat uh. 14 Ikningkeel ni pami pakhat cu a sam sau in a siahtiak ahcun amah caah ningzakaw a ii, 15 numi pakhat zong cu sam sau a ngeih ahcun acucu amah caah sunlawinak a ii tiah an tan zirh lo maw? Icatile sam cu amah caah khumtiak awkah piak a ii. 16 Ihmansela pakhatkhat ni al dingin a om ahcun – acumang daan kan ngei lo, Pathian pawlpile ni khaw an ngei cuang lo.

17 A tangla ih thuhla ahcun, hmunkhatih nan vongsuah khat tikah a Žhadeuh la iloin a siadeuh la a ik ruangah ka tan lawm hngai lo. 18 Icatile, a peitleng ah, pawlpi dinhmun in nan vongsuah khat tikah nanmah lakah ŽhenŽhehnak a om ti ka za; i zet maw tiang cu ka zum kau. 19 Angaingai ahcun, nanmah lakah ŽhenŽhehnak a om ding cu a i kau, icatile acu ceu ah nanmah lakah ahu cu a hmaan ngaingai mi an ii ti a fiang thok. 20 Nan vongsuak khat tikah Bawipa Zanriah aw dingah a i taktak lo. 21 Icatile awk caan a phat tikah nanmah ih zanriah vek nan aw li, culeh pakhat cu ŽaŽhi in a omih pakhat cu a ri. 22 Itu thu a ii? A sungih awk nak ding leh din nak dingah inn nan ngei lo maw? Iklole Pathian pawlpi nan zomsoh ih ituhman a ngei lo tupawl ningzah nan thlaih maw? Itu tan sim hngai lang maw? Ka tan lawm hngai thok maw? Ahi thuhla ahcun ka tan lawm hngai lo.

23 Icatile ka tan piak hngai sinmi hi Bawipa hemin ka comi a ii. Bawi Jesuh leirawi a ik zan ah sang hlom khat a la, culeh, 24 lungawithu a sim hnukah, a seu ih, “Hihi nan caah a imi ka ruangpun a ii. Kamah ma cinkennak ah hmang uh,” tiah a ti. 25 Acu mangin zanriah awk hnukah hai khaw a la ih, “Hi hai hi ka thisan sungah thukam thar a ii. Nan din ŽiuŽeu cangte kamah ma cinkennak in hmang uh,” tiah a ti. 26 Icatile ahi sang nan awk leh hai nan din ŽiuŽeu cangte Bawipa ih thihnak thu cu amah a phat tiang nan simthan.

27 Curuangah ahu khaw ii sela, a tlaaklopi in Bawipa ih sang a aw ih a hai a ding tu cu Bawipa ih ruangpun leh thisan hnomtamsaknak sual in a mawh thok. 28 Nanmah leh nanmah cektia uh, acu hnukah ceu sang aw in hai cu ding uh. 29 Icatile ruangpun ngenŽhen thiamloin a aw ih a ding tu an zate in anmah leh anmah parah thuŽhennak an awkcih in an dincih. 30 Ahi ruangah nanmah mi tlungpi cu ŽawnŽai leh tiaktheem in nan om, culeh mi hrekkhat cu a thih nak hngai. 31 Ihmansela kanmah leh kanmah thu kan Žhentiak ahcun thuŽhen kan i thok lo. 32 Bawipa ih thuŽhen kan ik zong ahcun vuleipi hemih sual thuŽhencih kan ik lonak dingah nunsim kan ii. 33 Curuangah ulenauhngai, aw dingih nan suah khat tikah pakhat leh pakhat hngaktia uh. 34 Nan ŽaŽhi taw ah inn la ah caw awta uh, cuticun nan vongsuah khat tikah nan sual thuŽhennak caah a i thok lo. Thil pace thuhla ahcun ka phat tikah tan sim hngai leh lang.