1 Aculio fang, dungzulle mipun in an karh miarmo tikah, Grik-aan a hmangtu Judahpawl ni nicangih zem tiakmi sumpai thu ah an nuhmeile dungtun an tuar ruangah Hebru-aan a hmang tu Judah pawl parah an phunru. 2 Culeh Hleihnihle ni dungzul mibuur zapi ko khatin, “Sumpai leh awkdin tawlrel dingah Pathian thusim kan daithlan awk cu a hmaan lo. 3 Curuangah upale hngai, nanmah lakah mi minŽha, Thlarau leh tinnak in a khatmi, ahi rianŽuan kan tirh dingmi pasarih riltia uh la, 4 keimi tu cu thlacamnak leh thusimnak ah kan piatia thok,” tiah an ti. 5 An simmi ni mibur zapi an lung a awi sak hngai ih, zumnak leh Thlarau in a khatmi Stefen, Filip, Prokhoras, Nikanor, Timon, Parmenas leh Antiok khua in Judah biaknak-thlengtiatu Nikolaus an ril. 6 Tirhthlahle hmaiah an dinsakih, tirhthlahle ni an parah kut suangin thla an cam. 7 Pathian thu cu a karh sinsinih, dungzulle milu cu Jerusalem ah rauhpi in a karh, culeh tlangbawi tlung ngaite ni cui zumnak cu an cosang ve.

8 Pathian ih veel leh huham in a khatmi Stefen ni mipi lakah anasami donharŽha leh hmuhsaknak a vua hngai. 9 Cutikah Salsuakle(tiih kawhmi) Sairin khuamipawl, Alexandria khuamipawl ih sinakok ih tel tupawl leh, Silisia leh Asia in a phami mipace hang dingin Stefen rum thu an altia. 10 Ihmansela tinnak leh Thlarau in a aanmi cu an al zo lo. 11 Cutikah, “Moses leh Pathian thangsiat thu ang in kan za,” tiah a ti tu thok mi hrekkhat a athupte in an torh. 12 Mizapi leh upale khaw, cun Daanzirhtule khaw an tok hngai ih, Stefen cu fuk lohli hratin an pon, culeh Sanhedrin hmaiah an suahpi. 13 Thutiahpitu deu an sia ih acule ni, “Hi pa hi hi biakinn leh Daan dokalh ih thusim a awl dah lo; 14 icatile hi Nazareth khuami Jesuh ni hi biakinn hi Žhet lei khawh Moses ih man piaksinmi phunglampawl a thleng hngai thok tiah a sim kan za,” tiah an ti. 15 Culeh Sanhedrin thurelnak ih a to an zate ni amah cu an zoh langlang ih, a mithmai cu vanmi pakhat ih mithmai mang ti in an hmu.