4
1 Piter leh Johan cu mipi hemih thu an sim rero lio ah, tlangbawile, biakinn uktu leh Sadusile hrekkhat an hemah an pha ih
2 Piter leh Johan ni Jesuh sungah mithi lakin thawhŽhannak a om tiah mipi an zirh leh an simthan ruangah an thin a buai ngaite.
3 Curuangah an pon hngai ih, simla a ik rom ruangah a zingla tiang thawng ah an thla.
4 Ihmansela an thusimmi a za tu mi tlungpi ni an zumih, milu thawng nga tluk an ii.
5 A zingla ah an uktupawl, upapawl leh Daanzirhtupawl cu Jerusalem ah,
6 Tlangbawi Saang Annas, cun Kaiafas, Johan leh Alexander leh Tlangbawi Saang ih sungkhatle rum an tuaktia.
7 An thawngtlale cu an lai ah an diinsak hnukah, “Itumang huham leh ahu ih min hmangin hihi nan vua?” tiah an dil.
8 Cutikah Piter cu Thiang Thlarau in a khatih an hemah, “Mipi uktupawl leh upale hngai,
9 a tiak ta mi pa parih thilŽha vuakmi ruangah hi pa khawti in a dam ti thu nihinni ah dil kan ik ahcun
10 nan zate hem leh Israelmi zate hemah, hi pa hi nan hmaiah, Nazareth khuami Jesuh Khrih, thinglamtah ah nan khengtar nain Pathian ni mithi lakin a thawhsak mi ih min in damŽha in a diing ti hi tiah kau uh.
11 Ahi Jesuh hi,
‘Nangmi, innsatule ih
hnontakmi lung cu
Innkil lung phuunmi ah
a cang tia’Ref 4:11 Saam 118:22 mi cu a ii.
12 Ahu pace pakhat hemah khaw rundamnak a om lo, icatile rundam kan iknak ding caah a thikhomi minung hemih piakmi min pace a om lo,” tiah a ti.
13 Piter leh Johan ih ralŽhatnak an hmuh tik leh zirthiamnak a ngei lomi leh mi menmen an ik an tiahthiam tikah an don a harih, Jesuh ih hawipile an ik an tiahthiam hngai.
14 An damsakmi pa an dungih a din an hmuh tikah, a alnak ih simawk ituhman an ngei lo.
15 Curuangah acui thuhla pakhat leh pakhat an rontiak lio ah thurelnak khaan in suak dingah thu an pia hngai.
16 “Hile hi khawti in hi lei kan ti? Icatile minhlintlak hmuhsaknak thil anmah thawngin vuak a ik cu Jerusalem ih ommi zate caah a fiang kau, kan al kho lo.
17 A inain mipi hemih thanzaihsin i lo dingin ahu hem hman ah Jesuh min in thu sim lo dingah ralrin pia le hu,” tiah an ti.
18 Curuangah anmah cu an ko ih Jesuh min hmangin thusim leh zirh hrimhrim lo dingah thu an kaa.
19 Ihmansela Piter leh Johan ni, “Pathian thu ngai sawn loin nan thu ngaih cu Pathian hmaiah a hmaan maw ti nanmahte Žhen uh;
20 icatile kan hmuhmi leh kan zakmi cu ang loin kan om kho lo,” tiah an sawn.
21 An Žhihhro Žhan hnukah an thlah. Icatile thilcangmi caah mipi zate ni Pathian an thangŽhat ruangah Piter leh Johan hrem nak ding lam an hmu lo.
22 Damsakin a parih hmuhsaknak vuakmi pa hi kum sawmli cung a upami a ii.
23 Piter leh Johan cu thlahŽhan an ik hnukah an hawipile hemah tatin tlangbawi upa leh thurel upale ih an simmi cu an zaksak.
24 Acucu an zak tikah Pathian hemah aw suahin, “Cungnungtleng Bawipa, van leh vulei, rili leh a sungih om izongza a vuatu,
25 kan pu David, na tungsau thawngin:
‘Icaah hmen Zentail-mipawl
an thin kaangaw hngai in,
mipawl ni thulolak
an ruahkhang?
26 Bawipa leh a Messiah
ralsanin vulei ih
siangpahrangpawl ni
dinhmun an la ih,
uktupawl hmunkhatah
an khawmtia?’Ref 4:25-26 Saam 2:1-2
tiah Thiang Thlarau in a ti tu cu namah na ii.
27 Icatile hi khuapi sungah hin, a ngaingai ah, Herod leh Pontias Pilat an pahnih in, Zentail-mipawl leh Israelpawl rum, thathau na hnulhmi na tungsau thianghlim Jesuh dokalh dingin hmunkhatah an khawmtia.
28 Cangsuak dingah na huham leh na khuakhangnak in na khaukhihciami poh Žuan dingah an ii.
29 Atu hi Bawipa, an mi Žhihhronakpawl zoh hngai hnik hman la, cun na thu cu ralŽhangaiih sim dingah na tungsaule hi bawn hngai hram,
30 midamsak dingah na baan hlirin, na tungsau thianghlim Jesuh min thawngin hmuhsaknakpawl leh donharŽhapawl vuak an ik lio ah hin,” tiah an ti.
31 Thla an cam uh tikah hmunkhatih an khawmtiaknak hmun cu a hnit; culeh an zate in Thiang Thlarau in an khatih, Pathian thu cu ralŽhangai in an sim.
32 A zumtu mibuur an zate thinlung leh ruahnak pakhat in an om, culeh ahuhman ni an thil ngeihmi cu bul thil ti omloin, an ngeihmi izongza cu an ngei khat, an Žomtia.
33 Huham pipa rum tirhthlahle ni Bawi Jesuh ih thawhŽhannak thuhla an simthan, culeh an zate parah naktiahnak nasangai a om.
34 Anmah lakah mi sambau an om lo, icatile mitlungpi ni an ngeihmi lo iseh, inn iseh an zuarih an ngahmi cu
35 tirhthlahle ke hramah an vonsia, culeh punpak vek ih Žulnak mangin an zemtia.
36 Saipras tikulh ih suak pa, Levi phun Josef, tirhthlahle ni Barnabas (thapiaknak tiapa tican a i mi) tiah min an vawh mipa a om.
37 A ngeihmi lo zuarin a tangka cu tirhthlahle ke hramah a von sia