1 Italy laah lawng in tat dingih thusah piak kan ik tikah, Paul leh thawngtla pace cu Khumpi Ralkapbuur ih ralkapzabawi Julias timi pa hemah an thawn. 2 Asia ram tikap tluan lawng dinnak khuapawl palpah thokin a tat samte mi Andramitiam timi lawng pakhat parah kan to. Thessalonika khua in Aristarkhas timi Masidonia mipa ni a man zulih rili laah kan pok. 3 A zingla ah Sidon khua ah kan diingpah; culeh Julias ni Paul cu Žhate in a zokhenih, amah tuamhlawm dingah a rualpile hem tah khaw a sen. 4 Acunang cun rili ah kan pokih, kan sanla ah huih a tlawh ruangah, Saipras tikulh huihpheen santia in kan tat. 5 Rili cu Silisia leh Pamfilia peng ran in kan tanih Lisia peng ih Mira khua kan pha. 6 Acunangah ralkapzabawi ni Italy tat dingin Alexandria khua ih Izipt lawng pakhat a hmu ih a parah a man kai sak. 7 Ni hlapi sung cu tuungngai in kan tatih, Nidas ah harngai in kan pha, culeh kan sanla ah huih a tlawh ruangah, Salmone vulei zum ran Khrit tikulh huihpheen santia in kan tat. 8 Harngai in acu kan lonih Lasia khuapi hrial Lawng Dinnak him timi hmun kan pha. 9 Caan tampi liamin lawng rum tahvah hrulŽha a ik vel leh Caw ulh Ni hman a luantiak rom ruangah Paul ni, 10 “Ulenau hngai, ti par khualtlon hi hrulŽha a i thokih, kan thilphurh leh lawng caah ceu iloin kan nunnak caah khaw sungnak pipa a om thok ti khaw ka hmuthiam hena.” tiah ruahnak a pia hngai. 11 Ihmansela ralkapzabawi ni cu Paul ih simmi vanin lawngmawngtu leh lawng ngeitu ih simmi ngaih a dawdeuh. 12 Lawngdinnak cu isik caan hmannak Žha a ik lo ruangah mitlungsawn ni cu Finiks phat khawh pang ah acunangih isik caan hman khawh an dawt ruangah acunang in rili ih tah cu an dawsawn. Acunang cu Khrit tikulh ih lawngdinnak a ii ih, nilawhnak thlangla san leh nilawhnak sakla san a hoi.

13 Thlangla in huih nemte a hang tlawh thawh tikah an tumtahmi hluhsuah kho dingah an ruat tia; curuangah an lawng hri an phoih ih, tipangkap hnaih in Khrit tikulh kan lon thawh. 14 Ihmansela ihlet hlanah “nisuahnak sakla huih” timi huih ngekpi cu Khrit tikulh la in a zong tlo hoi. 15 Lawng cu a hnur ciamco ih huih la san ah alu mer khawh a ik lo ruangah kan awlih a dawtdawt in a man mawng men. 16 Kauda timi tikulh tiinte huihpheen santia in kan tah lio ah cun, lawng ih ommi vokkuanglawng cu kan himsak ngah kho fangfang. 17 Lawng cu cung ah han siain a velkim ah hri in an Žeem; Sartis ti tangla sahrai pah pang ding an phan ruangah puanzaar an Žhum duau ih huih ni a mawng hngai. 18 Huih rauhpi ni a man hnur ciamco ruangah a zingla cu lawng ih thilphurhpawl an zam, 19 culeh a tip ahcun lawng ih thilripawl cu an kut in an zam. 20 Ni tlungpi sung cu nii iseh, arsipawl iseh, an lan lo ruangah, cun huihsia rauh in a tlawh ruangah, nungih taan ding ruahsannak hman kan hnong thleeithli. 21 Caw aw loin hlapi an om rom ruangah Paul cu an lakah a hang dingih, “Ulenau hngai, ka aan ma cangngai in Khrit tikulh hin tat ta lo ding nan i nain kovawh, cuticun hi rawhnak leh sungnak hi hrel ta tur cu ee. 22 Atu cu tha la kau dingah ka tan torh hngai, icatile, nan lakah nun liamnak cu a om thok lo, lawng zongbelte a rawk thok. 23 Icatile ama ngeitu leh ka biakmi Pathian ih vanmi pakhat ranganzan ka hrialah a dingih, 24 ‘Paul, phang hlah law; Khumpi hmaiah na ding thok; cun Pathian ni namah rum lawng in a tat khat tu hmawhhmawh cu himnak a pia hngai,’ tiah a ma ti. 25 Curuangah tha la kau uh, ulenauhngai, icatile sim ka ik mang cekci in a cang leh thok tiah Pathian ka lunglum. 26 A inain tikulh pakhatkhat ah kan taang leh kau thok,” tiah a ti. 27 A zan hleilinak a i velih, Mediterranean rili laisim ih Adria rili tannin a man tlih miarmo lio ah lawng kiltule cu khur kan hnaih vel rua tiah an thin hrik a ca hngai. 28 Lung sarin an zon thla ih ti cu dong 80 a ii; hladeuh duau ah an tah Žhan ih dong 60 a ii. 29 Lung sukpah ding phangah dungla ih lawngsaamnak thirhri pali ti sungah zon thlain khuavan nak dingah thla an cam. 30 Ihmansela lawngkiltule cu zuan khaitia in rili sungah vokkuanglawng an thla ih, hmala ah thirhri kan thla lei ti ruatin an om tikah, 31 Paul ni ralkapzabawi leh ralkaple cu, “Hilepawl lawng sungih an om lo ahcun nan nung thok lo henakhawh,” tiah a ti hngai. 32 Cutikah ralkaple ni vokkuanglawng hripawl satin ti ah an thlah. 33 Khua a hang van samte ah Paul ni an zate caw awk torh hngain, “Nihinni hi ituhman aw lote in, caw loin nan om a ni hleilinak a ii. 34 Curuangah pakhatkhat maw cu aw dingah ka tan torh hngai, icatile nungsuak dingah a tan bawn hngai thok; ahuhman nan sam ta khat khaw a tlong thok lo,” tiah a ti hngai. 35 Acucu a sim hnukah sang a la; culeh an zate hmuhhngan ah lungawithu Pathian hemah a sim, a seu ih a aw. 36 Cutikah an zate tha an ngah ih anmahte caw an aw. 37 (Lawng sungih a ommi kan zate cu za hnih leh sawmsarih leh paruk kan ii.) 38 Khimkau an awk ngah hnukah lawng hawm seh tiin sangvut cu rili sung ah an thla.

39 Mawla ahcun lawngkiltule ni tipangkap khur an tiahthiam lo, ihmansela rili kil a kawinang ah lawngdinnak a om an hmuh ruangah an tikhawh ahcun lawng cu acunangih dinsak dingin khua an khang. 40 Curuangah lawng saamnak thirhri cu phoih in rili sungah an ma. Lawngzahnak tung an Žawnnak hripawl an phoih ih, puanzaar cu huih ni tahpi dingah huih lasan hoisakin tipangkap laah an tat. 41 Ihmansela sahrai vuun a pah ih lawng cu khur ah a taap; a hmalasan cu tisuar ni kuai kau a thawi. 42 Ralkaple ih khuakhangmi cu thawngtlale ti hlaau ih luatngah lo dingah thah thok ti a ii; 43 ihmansela ralkapzabawi ni Paul run dawt ah, an khuakhangmi Žuansuak lo dingin a vua hngai. Tihlaau kho hmawh lawng parah peet peitlengin khur la-ih pan dingah, 44 cun a taang hmawh cu a hrekkhat thingtleep tlaiin maw, a hrekkhat ni lawng thilri itumaw to dingah thu a pia hngai. Cuticun a ii mizate himbawnin titlaang khur ih phatpi kan ik cu!