14
1 Acumang siksik cu Ikoniam khua ah a cang. Paul leh Barnabas cu Judah sinakok ah tatin thu an sim ruangah Judahpawl leh Grik-mipawl tlungpi cu zumtupawl ah an cang.
2 Ihmansela a zumlotu Judahpawl ni Zentail-mipawl an tokhrolh ih zumtupawl dokalh dingin an ruahnak sung ah sivai an thlah.
3 Curuangah Paul leh Barnabas cu acunangah hlapi caamin, Bawipa caah ralŽhangai in thu an sim. A naktiahnak thu an simmi a hmaan ti lansaknak ah hmuhsaknak leh donharŽhapawl vuak ding Bawipa ni a pia hngai.
4 Ihmansela khuasung om mipawl cu an Žhentia; a hrekkhat ni Judahpawl laah an Žang, cun a hrekkhat cu tirhthlahle laah an Žang.
5 Culeh Zentail-mipawl leh Judahpawl an phun hnih in an uktule rum tirhthlahle tuahmawh leh lung in phon an khaihtiak tikah,
6 tirhthlahle ni acucu an tiahngah ih Likaonia peng ih khuapipawl a imi Listra leh Derbe leh a hrialkam khuate laah an zuang;
7 culeh acunangah thuthangŽha simthan cu an peh.
8 Listra khua ahcun a suah pek in a ke a zeng ruangah a ke hmang kholo leh vak dah loin hmun a to mipa a om.
9 Paul ih thusim cu a ngai kau. Culeh Paul ni acu pa cu dangte in a zoh ih damsak i dingin zumnak a ngei ti a hmuh ruangah,
10 aw dakpi in, “Na ke in dangte in ding,” tiah a ti. Culeh acu pa cu han soktia in vah a thawh.
11 Mibuur ni Paul ih thil vuakmi an hmuh tikah Likaoniam aan in, “Khuazingpawl minung hmuihmel in a man zong pha hi!” tiah an au.
12 Barnabas cu Zeus tiah an ko ih, Paul cu a angtu tleng a ik ruangah Hermes tiah an ko.
13 Zeus khuazing biakinn cu khua pawn te ah a omih, tlangbawi leh a mibuur ni raihrik an dawt ruangah cawpepawl leh parpek thulmi Žhipawl rum kotka ah an pha.
14 Tirhthlahle – Barnabas leh Paul ni an zak tikah an partlai thleekin mibuur lakah an zuangih,
15 “Ka bangle hngai uh, icaah maw ahihi nan vuak? Keimi cu nanmah mang minung men kan i kau ih, hi santlai lomi thilpawl hin, van leh vulei leh rili leh a sungih ommi hmawhhmawh a vuatu a nungmi Pathian laah nan mertiak nak dingah thuthangŽha kan tan ken.
16 Hi hlan sanpawl ahcun miphun hmawhhmawh anmah ih dawtmi lam zulh a sen hngai;
17 a inain, van in ruah leh thlaivuan tikcupawl a tan piak hngai, cun caw khimnak leh thinnomnak rum a tan khah sak hngai – timi thilŽha a vuakmi ah amah le mah cu thutiahpitu ngeiloin a ma tia lo,” tiah an ti.
18 Hi aankapawl rum hman an hemah mizapi cu raihri lo dingin an dawnkham zo fang.
19 Ihmansela Pisidia peng Antiok leh Ikoniam khua in acunangih a phami Judahpawl ni mibuur cu anmah laah an leem neh. Cutikah Paul cu lung in an phonih a thi rom ah ruatin khua pawn ah an hei dawk.
20 Ihmansela dungzulle ni an ulkim tikah a hang tho ih khuapi sungah a lut. A zingla ah Barnabas rum Derbe khua ah an tat.
21 Acui khuapi ah thuthangŽha an simphuan hnuk leh zumtu tlungpi an suahsak hnukah Listra ah, cuhnukah Ikoniam leh Antiok ah an kirŽhan.
22 Acunangah dungzulle cu zumnak ah hmun dingin tha an pia ih, “Hremnak tlungpi thawngin a ii Pathian uknak sung kan luh thok,” tiah an ti.
23 Pawlpi cangte ah upapawl an siah hnukah, thlacamnak leh cawulhnak rum an zummi Bawipa ih kilkhawi dingah an pia.
24 Cuhnukah Pisidia lonpah in Pamfilia ram an pha.
25 Perga khua ah thuthangŽha an sim hnukah Attalia ah an zong tat.
26 Acunang cun atu an uh rommi rian caah Pathian ih kilkhawi dingin an piaktiak tak nak Siria ram Antiok khua ah lawng in an kirŽhan.
27 An phat tikah pawlpi mipi an kokhawm hngai ih, Pathian ni an hemih a Žuanmi hmawhhmawh, Zentail-mipawl caah zumnak sangka a hon piak hngai zia tipawl an sim.
28 Culeh acunang ahcun kaizulle rum caan tuakcaang an caam.