14
1 Dai Madu shi a tara tingnyang hta dung na ra ai aten gaw ni wa nga sai. Shaloi Yerusalem gaw lanep kashun la hkrum na ra ai; dai lanep ni nanhte a man e karan la na mara ai.
2 Dai Madu gaw Yerusalem hpe gasat na matu masha amyu baw ni hpe jahpawng da na ra ai. Dai mare gaw gasat la kau ai hkrum nna, nta ni hpya katut nna numsha ni mung roi rip hkrum na mara ai. Amyu masha ka-ang hkup hte gaw bawng dung mat wa ti mung, naw ngam nga ai ni mahtang mare kaw nna tsan tsan de n woi la hkrum nga ma ai.
3 Dai hpang, shi gaw lai sai aten ni hta majan gasat gala nga ai hte maren dai Madu pru sa nna masha amyu baw ni hpe gasat na mara ai.
4 Dai aten hta, shi gaw Yerusalem mare a sinpraw maga na Tsanlun Bum ntsa e tsap nga na ra ai. Shaloi Tsanlun Bum gaw sinpraw maga kaw nna sinna maga du hkra ka-ang brang ga wa ai hte grai kaba ai kadit langai tai mat na ra ai; dai bum ka-ang hkup gaw dingdung maga de, de a ka-ang hkup gaw dingda maga de htawt sit mat na ra ai.
5 Nanhte gaw dai bum yan a lapran kadit lam hku hprawng lawt mat wa na marin dai. Yuda Hkawhkam Uzia lakhtak e, nnang nawn nawn wa yang, nanhte a nji nwa ni hprawng gat ma ai hte maren, nanhte hprawng gat na marin dai. Dai Madu nye a Karai Kasang gaw shi hte rau rai nga ai lamu kasa ni yawng hpe woi sa wa na ra ai.
6 Dai aten du jang, dai yang e galoi mung katsi nna hkyen hkrat na ra ai n rai.
7 nsin sin na ra ai n rai. Dai yang e shani nhtoi tut nawng htoi nna shana e pyi htoi na ra ai. Dai amu galoi aten e byin wa na ra ai gaw dai Madu chyu sha chye nga ai.
8 Dai nhtoi du jang, asak hka gaw Yerusalem kaw nna lwi pru wa na ra ai; dai hka ka-ang hkup gaw Jum Nawng de, de a ka-ang hkup gaw Ka-ang Panglai de ang wa na ra ai. Hka dai gaw ginhtawng ta e mung, lanam ta e mung shaning tup lwi nga na ra ai. Ref 14:8: Eze 47:1; Yhn 7:38; Shr 22:1.
9 Dai hpang, dai Madu gaw mungkan ting a hkawhkam tai na ra ai; masha shagu mung shi hpe Karai Kasang hku nawku nna shi a amying maren sha rai nga ai hpe chye lu na mara ai.
10 Dingdung maga Geba mare kaw nna dingda maga Rimon mare du hkra dam ai ginwang ting gaw man ra ai shara tai mat na ra ai. Yerusalem chyawm gaw de a grup yin lamu ga hta grau tsaw nga na ra ai. Dai mare gaw Benyamin Chyinghka kaw nna shawng na chyinghka nga ai shara Njut Chyinghka du hkra, Hananela Langchyi kaw nna hkawhkam wa a sabyi htumbyen du hkra dam nga na ra ai.
11 Amyu masha ni gaw dai yang e shim lum ai hte nga lu nhtawm htawm hpang de jahten shaza ai hte jahkrit shama ai gaw galoi mung hkrum sha sana ra ai n rai. Ref 14:11: Shr 22:3.
12 Dai Madu gaw Yerusalem hpe hpyen majan galaw ai masha amyu baw ni yawng a ntsa e hkrithpa ana zinli dat dat na wu ai. Shanhte a hkum shan gaw shanhte asak naw hkrung nga yang pyi yat mat nna, shanhte a myi hte shinglet ni mung yat mat na mara ai.
13 Dai aten hta dai Madu gaw shanhte hpe kabring kabrawng shanut shanat kaba shabyin dat na ra ai rai nna, masha shagu hte gaw tinang nang a manang wa hpe rim magra da nhtawm gasat hkat wa na hpe hkrit na mara ai.
14 Yuda amyu masha ni mung, Yerusalem hpe makawp maga la na matu hpyen gasat na mara ai. Shanhte gaw masha amyu ni yawng a sut gan lanep ngu ai aja gumhpraw hte bu hpun palawng sumpum sumpam la mat wa na mara ai.
15 Hkrit hpa ana zinli mung gumra, lawze, gawla-uk hte laugung ngu ai gumlau hpyen ni a dap ni hta nga ai dusat nga manga yawng a ntsa e hkrat bun na ra ai.
16 Dai hpang, Yerusalem hpe gasat sa wa ai masha amyu baw ni hta na naw hkrung nga ai ni langai hte langai gaw Chyahtum Chyalai N-gun rawng ai dai Madu ngu ai Hkawhkam wa hpe nawku na matu mung, Sum Poi galaw na matu mung, shaning shagu dai mare de lung wa na mara ai. Ref 14:16: Jaw 23:39-43.
17 Chyahtum Chyalai N-gun rawng ai dai Madu ngu ai Hkawhkam wa hpe n sa nawku hkraw ai masha amyu baw langai ngai nga ai rai yang, shanhte a mungdan hta marang htu hkrat na ra ai n rai.
18 Egutu masha ni Sum Poi n galaw hkraw ai rai yang, lung wa na matu ningdang ai masha amyu baw shagu a ntsa e dai Madu shangun dat ai ana zinli hte maren shanhte hkrum sha na rai ma ai.
19 Sum Poi n galaw ai rai yang, Egutu mung a ntsa e mung, kaga masha amyu baw ni yawng a ntsa e mung, dai ari ahpri gaw hkrat bun na ra ai.
20 Dai aten hta, gumra dingsi ni hta ?Dai Madu a matu ap nawng ai? ngu ai ga hkum dawk shakap da na ra ai. Nawku Htingnu kata na shat shadu di ni gaw tawn hkungri a man e tawn da ai gawm ni zawn chyoi pra nga na ra ai.
21 Yerusalem hte Yuda mung yawng hta nga ai shat shadu di shagu gaw Chyahtum Chyalai N-gun rawng ai dai Madu a matu lang na san da na mara ai. Shagu hkungga ni nawng ya ai amyu masha ni mung hkungga shan shadu na matu dai ni hpe lang na mara ai. Dai aten du jang, Chyahtum Chyalai N-gun rawng ai dai Madu a Nawku Htingnu hta hpaga ga ai masha kadai mung galoi mung nga sana ra ai n rai.