5
1-2 Hpilisti masha ni dai Ga Shaka Sumpu hpe rim la kau ya ai hpang, dai hpe Ebeneza kaw nna shanhte a mare Ashdod de hpai wa nhtawm, shanhte a hpara Dagon hpe tawn da ai htingnu kata de dai hpe la jashawn ai hte shi a sumla makau e shadun da nga ma ai.
3 Hpang jahpawt jau jau e, Ashdod masha ni rawt yu mu yang, dai Madu a Ga Shaka Sumpu man e Dagon sumla mahtang ga ntsa de man yawng let dagup taw nga ai hpe mu ma ai. Dai rai nna, shanhte gaw dai hpe bai sharawt la nhtawm shi a shara hta bai tawn da ma ai.
4 Hpang jahpawt jau jau bai rawt yu mu yang, dai sumla gaw Ga Shaka Sumpu a man e bai dagup taw nga ai hpe shanhte mu ma ai. Ndai lang hta chyawm gaw de a baw hte lata lahpum lahkawng daw agrawp mat nna chyinghka hkinbawng e taw nga ai; hkum kaman chyu sha se se rai ngam nga ai.
5 (Dai re ai majaw, Dagon hkinjawng ni mung, Ashdod mare hta dai hpe nawku ai ni yawng mung, dai ni du hkra dai shara hpe n kabye ma ai.)
6 Dai Madu gaw Ashdod masha ni hpe laja lana re ai ari jaw ai hte shanhte hpe jahkrit wu ai. Shanhte a grup yin shara hkan nga ai masha ni hpe hkum bum ana mu shakrwi byin shangun let shanhte hpe ari jaw wu ai.
7 Ya, ning rai byin wa ai lam hpe shanhte mu ai shaloi, ?Israela a Karai Kasang gaw anhte hpe mung, anhte a hpara Dagon hpe mung ari jaw nga sai. Ndai yang e, Ga Shaka Sumpu hpe anhte galoi mung tawn da lu na saga ai n rai,? ngu nna shanhte tsun ma ai.
8 Dai re ai majaw, shanhte gaw kasa ni hpe shangun dat nhtawm Hpilisti hkawhkam manga hte hpe shaga jahpawng da nna shanhte hpe, ?Israela a Karai Kasang a Ga Shaka Sumpu hpe anhte kaning di na rai nga ga ta?,? ngu nna san ma ai.
Shanhte gaw, ?Dai hpe Gat mare de sa tawn da mu,? ngu nna htan mu yang, shanhte mung dai hpe Hpilisti mare rai nga ai Gat mare de sa tawn da ma ai.
9 Rai ti mung, dai yang e du ai hpang, dai Madu gaw dai mare hpe mung ari jaw nhtawm kajawng kaja re ai ana kaba shabyin dat wu ai. Shing rai dai mare hta nga ai mare masha kaji kaba n nga, yawng hte hpe mu shakrwi hkrum sha shangun let shanhte hpe ari jaw wu ai.
10 Dai rai nna, shanhte mung kaga Hpilisti mare rai nga ai Ekron mare de dai Ga Shaka Sumpu hpe sa kau dat mu ai; rai ti mung dai yang e dai Sumpu du jang, masha ni gaw, ?Anhte yawng hpe sat kau na nga, Israela a Karai Kasang a Ga Shaka Sumpu hpe shanhte la wa myit hka i!,? ngu nna jahtau tsun ma ai.
11 Dai rai nna, shanhte gaw Hpilisti hkawhkam ni yawng hpe bai shaga la nna, ?Israela a Ga Shaka Sumpu hpe mi na shi a shara de bai sa tawn da saga, shaloi anhte hpe mung, anhte a dinghku masha ni hpe mung de a majaw sat kau lu sana n rai,? ngu nna tsun ma ai. Karai Kasang gaw shanhte hpe grai laja ai hku ari jaw nga ai majaw mare ting hta kajawng kaja byin hkrum nga sai.
12 N si sai masha ni pyi mu shakrwi rawt jat wa ai a majaw karum la na matu shanhte a hpara ni hpe jahtau nga ma ai.