19
1 Dai hte a hpang e, sumsing lamu kata e masha wunawng wuwa kaba langai mi a wu ngoi ai nsen hte bung ai nsen hpe ngai na nngai. Shanhte gaw, ?Karai Kasang hpe shakawn kungdawn mu! Hkye hkrang la ai lam, hpung shingkang hte hpung dagu gaw, anhte a Karai Kasang hte seng nga ai!
2 Shi a tara daw dan ai lam ni teng man ai hte ding hpring nga lu ai! Tinang a hpye ai amu hte ga ntsa ting hpe shut hpyit shangun ai shawa num hpe shi daw dan nu ai. Madu a shangun ma ni hpe sat kau ya ai majaw, Karai Kasang gaw shi hpe ari jaw nu ai!,? nga nna tsun ai ngai na nngai.Ref 19:2: Shr 15:3; 18:20; Trj 32:43.
3 Bai lang mi shanhte gaw, ?Karai Kasang hpe shakawn kungdawn mu! Dai mare kaba hpe hkru kau ai wan shinglet ni hta na wan hkut gaw, htani htana prat dingsa amawng lung nga ai,? nga nna jahtau tsun ma ai.Ref 19:3: Shr 18:9,18; Esa 34:10.
4 Shaloi, dai salang hkun mali hte asak hkrung ai dusat mali hte gaw, dingnyawm dagup nna, tingnyang hta dung nga ai Karai Kasang hpe nawku let, ?Amen! Karai Kasang hpe shakawn kungdawn mu!,? nga ma ai.
5 Bai, dai tingnyang kaw na ngoi pru ai nsen langai mi gaw, ?Karai Kasang a shangun ma ni yawng hte, shi hpe hkrit kamyin ai kaji kaba yawng hte e, anhte a Karai Kasang hpe shakawn kungdawn mu law!,? nga nna tsun ai.Ref 19:5: Shr 11:18; 20:12; Shk 134:1.
6 Dai hpang, masha wunawng wuwa a nsen zawn nga nna pru wa ai nsen hpe ngai na nngai. Dai nsen gaw, Karai Kasang hpe shakawn kungdawn mu! Hpa majaw nga yang, ?Dai Madu gaw, anhte a daru magam hpung shingkang rawng ai Karai Kasang ngu ai Hkawhkam wa shi rai nga ai! Ref 19:6: Shr 11:15,17; 14:2; Eze 1:24.
7 Dai Sagu Kasha a hkungran poi aten du ra ai rai nna, anhte kabu gara nga ai hte awng sharawng nga ga, shi a hpung shingkang hpe shakawn shagrau nga ga, Shi a num ningnan jan gaw, shi hkum hpe mawn sumli ngut sai rai nna,
8 hpraw tu nna san seng ai lachyit hpun nba hte tinang hkum hpe mawn sumli na ahkang shi lu da nu ai.? (Dai lachyit hpun nba gaw, Karai Kasang a masha ni a kaja ai arawn alai, amu bungli hpe ngu ai rai nga ai.)
9 Dai hpang lamu kasa gaw, ?Dai Sagu Kasha a hkungran poi de shaga da hkrum ai ni gaw a lu ma ai, ngu nna ka da u,? nga nna mung, ?Ndai ga gaw Karai Kasang a teng man ai mungga ni rai nga ai,? nga nna mung ngai hpe tsun ai.Ref 19:9: Shr 21:5; 22:6; Mat 22:2,3; Luk 14:15-16.
10 Shaloi, ngai gaw shi hpe nawku na ngu, shi a lagaw nhpang e dingnyawm dagup dat nngai. Rai ti mung, dai lamu kasa gaw, ?Shing hkum rai et! Ngai gaw nang hte na nhpu nnau ni hte hpawn, Madu Yesu shadan dan ai dai teng man ai mungga hta jung noi nga ai ni a shingdep shingtau shangun ma manang she rai nngai. Karai Kasang hpe nawku u!?
Hpa majaw nga yang, Madu Yesu sakse hkam shadan shaleng dan ai dai teng man ai mungga nan myihtoi ni hpe shung ya nga ai.
11 Dai hpang, sumsing lamu hpaw malang nga ai hpe ngai mu nngai. Dai yang e gumra hpraw langai mi nga nga ai rai nna, dai hta jawn ai wa gaw, kangka hte teng man ngu ai wa rai nga ai. Shi gaw ding hpring ai hku tara dara ai hte majan gasat nga ai.Ref 19:11: Shr 3:14; 6:2; 15:5; Eze 1:1; Shk 96:13; Esa 11:4.
12 Shi a myi ni gaw wan shinglet zawn tu nga ai. Shi a baw hta janmau law law gup da nga ai. Shi hta lai nna kadai mung n chye ya lu ai mying shi a ntsa e ka kap da nga ai.Ref 19:12: Shr 2:17-18; Dan 10:6.
13 Asai galwi tawn ai palawng shi bu hpun nna, shi a mying gaw, ?Karai Kasang a Mungga,? nga nna mying nga ai.Ref 19:13: Esa 63:2-3; Yhn 1:1; 1Yh 5:7.
14 Sumsing lamu na hpyen luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.
15 Masha amyu baw ni hpe dang manga kau na matu, shi a n-gup hta na dai ai ntawng nhtu pru nga ai. Shi gaw shanhte hpe hpri sumdoi hte up na ra ai, Chyahtum Chyalai n-gun atsam rawng ai Karai Kasang a sindawng kahtet pawt bu ai ngu ai sabyi htumbyen hta shi kabye shup na ru ai.Ref 19:15: Shr 1:16; 2:27; 14:19-20; Shk 2:9; Esa 63:3; Yoe 3:15; 2Ht 2:8.
16 Shi a hpun palawng hte magyi hta, ?Hkawhkam ni a Hkawhkam, madu ni a Madu,? nga nna ka kap da nga ai.
17 Dai hpang, lamu kasa langai mi jan ntsa e tsap nga ai hpe ngai mu nngai. Shi gaw ntsa malen pyen ai u ni hpe, ?Sa marit Karai Kasang a Kaba la ai lusha poi de sa zuphpawng marit! Ref 19:17: Eze 39:17-20.
18 Hkawhkam ni a ashan, gumra ni a ashan, gumra jawn ai ni a ashan, masha kaji kaba, shanglawt hte mayam ngu ai masha ni yawng a ashan hpe sha lu na marin dai,? nga nna nsen kaba hte jahtau wu ai.
19 Dai hpang, dai matse labye mung, ga ntsa na hkawhkam ni hte, shanhte a hpyen luksuk ni mung, dai gumra jawn ai wa hte shi a hpyen luksuk ni hpe gasat na matu zuphpawng nga ma ai hpe ngai mu nngai.
20 Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.Ref 19:20: Shr 13:12-15; 14:10; 16:13-14; Dan 7:11.
21 Shanhte a hpyen luksuk ni hpe gaw, gumra jawn ai wa a n-gup hta na pru ai ntawng nhtu hte sat kau ai hkrum ma ai rai nna, u ni mahkra gaw shanhte a ashan hpe shanhte sha lu ai daram hkru hkru kat kat sha ma ai.