16
1 Bai, dai lamu kasa sanit hpe, ?Pru sa nna, Karai Kasang a pawt sindawng
kahtet ai rawng ai gawm sanit hpe ga
ntsa de ru bun dat mu!,? nga nna dai
nawku htingnu kaw na ngoi pru ai nsen
kaba ngai na nngai.
2 Shaloi, shawng na lamu kasa pru sa nna, shi a gawm hpe ga de ru bun dat
wu ai. Shaloi dai matse labye a masat
dingsat shakap hkrum ai ni hte shi a
hkrang sumla nawku ai masha ni hta,
hkrithpa hte machyi la ai hpye
shanam ai ana byin pru wa ai.Ref 16:2: Shr 8:7; 13:14,16; Pru 9:9-11.
3 Dai hpang lahkawng ngu na lamu kasa gaw, shi a pawt sindawng kahtet ngu
ai gawm hpe panglai ntsa e ru bun
dat wu ai. Dai shaloi panglai hka
gaw masha jasi a sai zawn tai wa
nna, panglai hta rawng ai nsoi nsa
hkrung mahkrung hte gaw si mat ma
ai.
4 Bai, masum ngu na lamu kasa gaw, shi a pawt sindawng kahtet ai gawm
hpe hka nu ni hte hka hpawk ni hta
ru bun dat wu ai: dai shaloi sai
tai mat ai.Ref 16:4: Shr 8:10; Pru 7:17-21.
5 Shaloi hka sin ai lamu kasa gaw, ?Ya prat e, moi prat e, dinggrin
anga nga ai Chyoi pra ai Wa e,
nang jeyang ai lam ni gaw teng man
nga lit dai!,? nga nna tsun ai hpe
ngai na nngai.
6 Shanhte gaw Karai Kasang a masha ni hte myihtoi ni a asai hkaw kau ma
ai majaw, nang shanhte hpe asai bai
lu shangun mu ai. Dai gaw shanhte
hta hkrum ging ai hpe hkrum sha ai
lam rai nga ai,? nga nna tsun ai
hpe ngai na nngai.
7 Dai hpang dai tawn hkungri kaw na nsen langai mi mung, ?Chyahtum
chyalai n-gun atsam rawng ai Madu
Karai Kasang e, na a jeyang ai lam
ni gaw, kaja wa teng man ai hte
ding hpring nga lit dai law!,? nga
nna tsun ai ngai na nngai.
8 Bai, mali ngu na lamu kasa gaw shi a gawm hpe jan hta ru bun dat wu ai.
Shaloi jan gaw masha ni hpe ja la ai
kang kahtet ai hte hkru jahkat kau
na ahkang lu la wu ai.
9 Dai rai nna masha ni gaw, ja la ai kang kahtet ai hte hkru jahkat kau
ai hkrum nna, ana zinli ni hpe up
madu ai Karai Kasang a mying nsang
hpe matsa shatan ma ai. Rai ti mung
shanhte gaw, myit malai mung n lu,
Karai Kasang a grau htum ai hpung
shingkang hpe mung n shakawn shagrau
ma ai.
10 Dai hpang manga ngu na lamu kasa gaw, shi a pawt sindawng kahtet ai gawm
hpe dai matse labye a tingnyang ntsa
e ru bun dat wu ai. Shaloi matse labye
a mungdan ntsa e nsin htim bun nna
nsin chyip rai mat ai. Dai mungdan
masha ni machyi gying wa nna shanhte
a shinglet ni hpe kawa makret ma ai.
Ref 16:10: Shr 9:2; 11:10; 13:2.
11 Shing rai shanhte a machyi ai hte hpye shanam ai ana a majaw, shanhte gaw
sumsing lamu na Karai Kasang hpe matsa
shatan ma ai. Rai ti mung tinang a n
hkru n kaja ai arawn alai ni hta na
myit malai n lu ma ai.
12 Dai hpang kru ngu na lamu kasa gaw, shi a pawt sindawng kahtet ai gawm
hpe Uhprat hka nu kaba hta ru bun
dat wu ai. Shaloi sinpraw mung na
sa wa ai hkawhkam ni a matu lam hku
u ga, dai hka nu gaw hkyet mat
wa ai.Ref 16:12: Shr 9:14; Esa 41:2,25.
13 Shaloi, shu zawn san ai, n san n seng ai nat masum hpe ngai mu nngai,
Shanhte gaw, baren numraw a n-gup
hta na mung, matse labye a n-gup
hta na mung, myihtoi masu a n-gup
hta na mung pru wa ma ai.
14 Shanhte gaw lamik kumla ni hpe madun dan lu ai nat ni a numla ni rai nga
ma ai. Dai nat masum gaw, jahtum
chyalai n-gun atsam rawng ai Karai
Kasang a nhtoi kaba ngu ai tara jeyang
ai shani majan gasat na matu, mungkan
ting na hkawhkam ni hpe jahpawng la
na pru sa wa ma ai.
15 ?Yu mu! Lagut zawn ngai du na ring ngai! Dai rai nna singgu krin hkawm
sa nna masha a man e kaya kahpa n
hkrum u ga, amaja nga let tinang a
labu palawng ni hpe sin nga ai wa
gaw a nga ai.?Ref 16:15: Shr 3:3;
Mat 24:43; 2Ko 5:3; 1Ht 5:2; 1Pe 3:10.
16 Dai nat wenyi ni gaw hkawhkam ni hpe, Hebre ga hku Armagedon ngu ai shara
de shaga jahpawng da mu ai.Ref 16:16: Shr 19:19.
17 Dai hpang sanit ngu na lamu kasa gaw, shi a sindawng kahtet ai hte hpring
ai gawm hpe nbung hta ru gat bun dat
wu ai. Shaloi, ?Amu ngut mat sai!,?
nga nna nawku htingnu kata na nsen
kaba pru wa ai.
18 Dai aten hta, myihprap gala ai, nsen kadu ai, mu ngoi ai, hkrithpa nnang
nawn byin pru wa ai. Ga ntsa e masha
nnan lat kaw nna dai zawn kaba ai hte
ja la ai nnang nawn gaw, galoi mung n
byin yu ai.Ref 16:18: Shr 8:5; 11:13,19;
Dan 12:1.
19 Dai rai nna dai galu kaba ai mare gaw masum brang rai ga mat wa nna, mungdan
ni yawng a mare ni mung hten run mat
ma ai. Karai Kasang gaw Babelon mare
kaba hpe myit dum nna, shi a sindawng
kahtet pawt bu ai ngu ai gawm hta na sabyi
ntsin hpe lu shangun wu ai.Ref 16:19: Shr 14:8,10; 17:18; 18:5; Yer 25:15-16.
20 Zunlawng ni yawng mat ma nna, bum ni yawng wai mat ma ai.
21 Shaloi lamu de nna joi mali tsa daram li ai sin kaba gaw masha ni a
ntsa e htu bun mu ai. Masha ni gaw,
dai sin kaba htu bun ai ari zinli a
majaw Karai Kasang hpe matsa shatan
ma ai. Hpa majaw nga yang, dai ari
gaw hkrithpa ari rai nga ai.Ref 16:21: Shr 16:9,11; 11:19; Pru 9:23-25.