14
1 Dai hpang ngai yu dat yang, Ziun bum ntsa e dai Sagu Kasha tsap nga ai hpe
ngai mu nngai. Shi a mying hte shi a
Kawa a mying hpe shanhte a lahtan ni
hta shakap da ai masha 144,000 hte gaw
Sagu Kasha hte rau rai nga ma ai.Ref 14:1
Shr 5:6; 7:3-4; 13:16; Esa 9:4.
2 Bai, sumsing lamu kata nna, hka rum ngoi kashaw ai nsen hte mu matut
manoi htim yang na nsen zawn ngoi
gunggang ai nsen hpe ngai na we ai.
Dai nsen gaw, yu ngwi ninghkrin ni
shanhte a tingse ni hpe dum dat ai
shaloi ngoi pru wa ai mahku nsen hte
bung nga ai.Ref 14:2: Shr 1:15; 5:8; 19:6.
3 Dai masha 144,000 gaw, tingnyang man e mung, hkrung ai dusat mali hte salang
ni a man e mung, tsap let mahkawn ga
ningnan mahkawn mangoi nga ma ai.
Ga ntsa na shinggyim masha amyu baw
yawng hta na mari la hkrum sai masha
144,000 hta kaga, kadai mung dai
mahkawn ga hpe n sharin la lu nga ai.
4 Dai ni gaw numsha ni hte awu asin n rai yu ai lasha ni rai nga ma ai; shanhte
gaw brang jet ni rai nga ma ai. Shanhte gaw Sagu Kasha sa ai shara shagu hkan hkan nang ma ai. Shanhte gaw shinggyim masha ni hta na hkye hkrang la hkrum sai ni rai nna Karai Kasang hte Sagu Kasha kaw shawng sak nawng da sai ni rai nga ma ai.
5 Shanhte galoi mung masu magaw ai hku n chye tsun ma ai. Mara tsun na lam
hpa n nga ai ni rai nga ma ai.
6 Dai hpang sumsing hpatwat e pyen kayin nga ai lamu Kasa langai mi hpe ngai mu
nngai. Shi gaw amyu baw shagu, baw
lakung shagu, ga amyu shagu hte, masha
mungdan shagu hpe tsun shana dan na
htani htana a Kabu Gara Shiga hpe la
sa wa ai.
7 Dai lamu kasa gaw, ?Shinggyim masha amyu baw shagu hpe tara dara na aten
du ra ai. Dai majaw, Karai Kasang hpe
hkrit hkungga mu! Shi a htani htana
galu kaba ai hpung shingkang hpe
shagrau sha-a mu! Sumsing lamu hte
ginding aga, panglai hte hka hpawk
ni hpe hpan tawn da ai wa hpe nawku
nga mu!,? nga nna nsen kaba hte tsun
nga ai.
8 Bai, lahkawng ngu na lamu kasa langai mi gaw, shawng na lamu kasa a hpang
hprut dan pru nna, ?Babelon mare kaba
kadawng daw mat sai! Kadawng daw mat
sai! Dai mare gaw hpye ai amu hta myit
kayut ai ngu ai nsa ja sabyi ntsin
masha amyu baw shagu hpe lu shangun
nu ai!,? nga nna tsun nga ai.Ref 14:8: Shr 18:2; Esa 21:9; Yer 51:8.
9 Bai, masum ngu na lamu kasa gaw, shawng na lahkawng a hpang e dan
pru nna, ?Dai matse labye hte de
a hkrang sumla hpe nawku nna,
tinang a lahtan hta shing n rai,
tinang a lata hta masat dingsat
shakap la ai kadai mung,
10 Karai Kasang a pawt sindawng kahtet ngu ai gawm hta hpring hkra ru bang
tawn ai grai ja ai pawt bu ngu ai
sabyi ntsin hpe lu lu na ra ai.
Dai hta n ga, shi gaw chyoi pra ai
lamu kasa ni a man e mung, dai Sagu
Kasha a man e mung, wan hte kan
kayau ai hta nni nkri zingri ai
hkrum na ra ai.Ref 14:10: Shr 16:19; 18:6; 19:20; Shk 75:8; Esa 51:17.
11 Shanhte hpe nni nkri di zingri ai hta na wan hkut gaw, htani htana prat
dingsa amawng lung nga ai. Dai matse
labye hte shi a hkrang sumla hpe
nawku ai ni hte, shi a mying a masat
dingsat shakap hkam la ai ni yawng
gaw, shani shana htingtsi hkyamsa ai
lam lu la na ma ai n rai,? nga nna
nsen kaba hte jahtau tsun ai.Ref 14:11: Esa 34:10.
12 Karai Kasang a hkang da ai ga ni hpe hkan shatup nna, Hkristu hta kangka
sadi dung ai ni ngu ai Karai Kasang
a masha ni gaw, ndai lam hta hkam
sharang ai lam nga ra nga ai.
13 Dai hpang sumsing lamu kaw nna, ?Ka da u: ya kaw nna Madu a magam bungli
hpe gunhpai let si wa ai ni gaw a lu
ma ai!,? nga ai nsen langai mi ngai
na nngai.
Wenyi mung, ?Rai sa! Shanhte a amu bungli galaw shakut shaja ai kaw na
hkring sa ai lam lu la na mara ai.
Hpa majaw nga yang, shanhte galaw ai
amu bungli a akyu gaw, shanhte kaw
hkan nang nga ai,? nga nna tsun ai.
14 Bai, ngai yu dat yang, sumwi ahpraw langai mi hpe ngai mu nngai. Dai
sumwi ntsa e masha hte bung ai wa
langai mi dung nga ai; shi a baw hta
ja janmau gup nna, shi a lata hta dai
ai nhkyau langai mi lang da wu ai.
Ref 14:14: Shr 6:2; Eze 1:26; Dan 7:13.
15 Dai hpang, lamu kasa kaga langai mi gaw, dai nawku htingnu kaw na pru nna,
sumwi ntsa e dung nga ai wa hpe,
?Ga ntsa e mam myin krawp wa sai;
mam dan na aten du ra ai majaw, mam
dan na matu na a nhkyau hpe lang nna
dan la u!,? nga nna nsen kaba hte
jahtau wu ai.Ref 14:15: Shr 13:12; 16:17;
Yer 51:33; Yoe 3:13.
16 Dai rai nna sumwi ntsa e dung nga ai wa gaw, ga ntsa de shi a nhkyau ningwat
dat wu ai rai nna, mungkan ga na mam
gaw dan ngut mat nga ai.
17 Dai hpang lamu kasa kaga langai mi gaw, sumsing lamu na nawku htingnu kata de
nna pru wa ai hpe ngai mu nngai.
Shi mung dai ai nhkyau langai mi
lang da wu ai.
18 Dai hpang, wan hpe up madu ai lamu kasa kaga gaw, tawn hkungri de na pru
nna, dai ai nhkyau lang ai lamu kasa
hpe, ?Na a dai ai nhkyau hpe la nna
mungkan ga na sabyi si ni hpe dan la
u, sabyi si ni myin nga sai!,? nga
nna nsen kaba hte jahtau tsun ai.
19 Dai rai nna, dai lamu kasa gaw ga ntsa de shi a nhkyau hpe ningwat dat nna
sabyi ru kaw na sabyi si ni hpe dan
shinggyin la nhtawm, Karai Kasang a
pawt bu ai ngu ai sabyi htumbyen
kaba hta ru bang da wu ai;
20 Sabyi si ni hpe mare shinggan e sabyi htumbyen hta kabye shup nna, dai hta
na sai lwi pru wa ai gaw, galu de mai
lahkawng tsa, sung de pe manga daram ganoi rai
nga ai.Ref 14:20: Shr 11:8; 19:14; Esa 63:3; Heb 13:12.