10
1 Hpu nau ni e, ngai gaw nye a amyu masha ni hkye hkrang la hkrum lu na matu nye
a kraw lawang mahkra hte ra sharawng
ndawt let shanhte a matu Karai Kasang
kaw ngai akyu hpyi nga nngai.
2 Hpa majaw nga yang, shanhte gaw Karai Kasang hta grai myit maju jung ai ni
rai nga ma ai hpe ngai sakse hkam nga
lu nngai. Rai ti mung shanhte a myit
maju jung ai lam gaw teng man ai machye
machyang hte n rai nga ma lu ai.
3 Shanhte gaw masha hpe Karai Kasang a man e ding hpring wa shangun ai Karai
Kasang a lai masa n chye ma ai rai nna
dai hpe hkan na malai tinang dai gyin
shapraw la ma ai majaw Karai Kasang a
lai masa hku ding hpring wa lu na lam
n hkan sa ma ai.
4 Hpa majaw nga yang, Hkristu hpe kam sham ai masha shagu Karai Kasang a
man e ding hpring wa lu na matu
Hkristu gaw dai jep ai Tara a prat
ladaw hpe jahtum kau nu ai.
5 Jep ai Tara hkan shatup ai hte Karai Kasang a man e ding hpring ai masha
tai lu ai lam hte seng nna Mawshe gaw,
?Jep ai Tara hkan shatup ai wa gaw
hkrung nga na ra ai,? nga nna ka da
nu ai. Ref 10:5: Neh 9:29; Eze 20:11,13; Gal 3:12.
6 Rai ti mung, Karai Kasang hpe kam sham ai hte Karai Kasang a man e ding hpring
wa lu ai lam hte seng nna Chyum Laika
hta, ?Sumsing lamu de kadai wa lung wa
lu na kun??
7 Sung htum ai katsan ga de kadai wa yu wa lu na kun? Shing nga ai lachyum gaw,
?Hkristu hpe sumsing lamu kaw nna anhte
hpang de yu sa na matu kadai wa lung saw
shaga na rai ta? (Hkristu hpe si ai kaw
na bai hkrung rawt wa na matu kadai wa
katsan ga de yu nna saw shaga na rai ta?,?
nga ai rai nga ai.)
8 Dai Chyum Laika hta ning nga tsun ai: ?Dai Karai Kasang a mungga gaw nanhte hte htep
rai nga ai. Dai hpe nanhte a n-gup hte
yin la nna nanhte a kraw lawang hta
mazing da manu ai.? Dai mungga gaw
nanhte hpe anhte hkaw tsun sakse hkam
dan ai Karai Kasang hpe kam sham ai lam
hte seng ai mungga rai nga ai.
9 Shing rai Yesu gaw Madu rai nga ai nga nna na a n-gup ga hte tsun gara yin la
nna Karai Kasang gaw si mat ai ni kaw na
shi hpe hkrung sharawt la ai hpe na a
myit masin hta kam sham n yang gaw nang
hkye hkrang la ai hkrum na rin dai.
10 Hpa majaw nga yang, anhte gaw ding hpring ai lu la hkra myit masin hta kam sham nna,
hkye hkrang la ai lu la hkra, myit masin
hta yin la na ga ai.
11 Dai Chyum Laika hta mung, ?Shi hpe kam sham ai ni yawng mayawng hte gaw myit
daw myit hten hkrum na n rai,? nga ai.
12 Hpa majaw nga yang, dai hta yawng lawm nga ai rai nna, Yuda ni hte tara maigan
masha ni a lapran e lachyen lahka n nga
ai sha dai Madu gaw yawng mayawng a ntsa
na Madu rai nga ai hte shi hpe shaga ai
ni yawng mayawng hte hpe shaman chyeju
nhpaw n-ya jaw ya mu ai.
13 Chyum laika hta mung, ?Dai Madu a mying nsang hpe shaga ai masha kadai mung, hkye
hkrang la ai hkrum na mara ai,? nga nna
tsun nga ai. Ref 10:13: Yoe 2:32; Kas 2:21; 9:14.
14 Rai ti mung, shanhte gaw Madu hpe n kam n sham ai rai yang kaning rai shi kaw hpyi
jahtau lu na ma ta? Dai mungga hpe n na yu
ai mi kaning rai kam sham lu na ma ta? Dai
mungga hpe hkaw tsun dan ai wa n nga yang
gaw kaning rai na lu na ma ta?
15 Hkaw tsun na ni hpe n shangun dat yang gaw, shanhte kaning rai hkaw dan lu na ma ta?
Dai Chyum Laika hta tsun ai hte maren,
?Mai kaja ai lam Kabu Gara Shiga hpe la
sa ai ni gaw gade wa mauhpa rai nga malu
hka!,? Ref 10:15: Esa 52:7; Nah 1:15.
16 Rai ti mung dai Kabu Shiga hpe masha yawng hte wa hkap la kam sham ma ai n rai. Esaia
shi nan, ?Madu e anhte shana ya ai shiga
hpe kadai wa kam sham nga a ta?,? nga nna
tsun ai. Ref 10:16: Esa 53:1; Yhn 12:38; Heb 4:2.
17 Dai rai nna masha ni gaw dai mungga hpe na la ai hte kam sham wa ma ai. Hkristu
a lam hkaw tsun dan ai hte dai mungga
hpe na la lu ma ai.
18 Rai ti mung, masha ni gaw dai mungga hpe nna lu ai gaw teng a ni? ngu n na ngai
san mayu nngai.
?Kaja wa shanhte na lu ma ai, hpa majaw nga yang dai Chyum Laika hta mungga hkaw
tsun ai ni a nsen gaw mungkan ga ting
chyam bra wa nna,
shanhte a ga ni lamu ga jut shagu de du mat wa sai,? nga nna tsun ai hte maren
rai nga ai. Ref 10:18: Shk 19:4; Mat 24:14; Mrk 6:15; Kol 1:6,23.
19 Bai ngai naw san yu made ga, Israela amyu masha ni gaw dai lam n chye na
ma ai kun?
Mawshe shi nan, ?Ngai gaw hpa n re ai amyu hpe jai lang nna,
nye a amyu masha ni hpe manawn shangun na nngai.
N gring ai amyu a majaw
nye a amyu masha ni hpe pawt bu shangun na nngai,? nga nna Mawshe shi nan shawng htan ai. Ref 10:19: Trj 32:21; Tit 3:3.
20 Bai Esaia gaw grau nna nden ja ai myit hte,
?Ngai hpe n tam ai ni gaw ngai hpe mu manu ai.
Nye a lam n san yu ai ni kaw ngai dan pru nngai, nga ai.? ngu nna tsun mu ai. Ref 10:20 Rom 9:30; Esa 65:1.
21 Rai ti mung Israela amyu masha ni hte seng nna shi bai tsun ai gaw, ?N madat
n mara nna gumlau ai amyu hpe hkap la
na matu, nye a lata shani tup ngai
ladawn wak nga nngai,? nga ai. Ref 10:21: Esa 65:2.