7
1 Yisahka gaw shadang sha mali lu ai; dai ni gaw Htola, Hpua, Yashub hte Shimron ni rai nga ai.
2 Htola gaw shadang sha kru lu ai; dai ni gaw Uzi, Rehpaia, Yeriela, Yamai, Ibsam, hte Shemuela ni rai nga ai. Shanhte gaw Htola amyu lakung na dinghku ni a ningbaw ni rai nna gumhkawng ai hpyenla ni rai ma ai. Shanhte a amyu matu ni gaw Hkawhkam Dawi a prat hta 22,600 law htam nga ma ai.
3 Uzi gaw shadang sha Izrahia hpe lu ai. Izrahia gaw shadang sha mali lu ai; dai ni gaw Mihkaela, Obadia, Yoela, hte Ishia ni rai nga ai. Dai ni yawng gaw dinghku ni a ningbaw ni rai ma ai.
4 Shanhte hta madu jan ni hte kashu kasha ni grai law nga ma ai majaw shanhte a amyu matu ni mahtang hpyen amu gun hpai na masha 36,000 jaw ya lu ma ai.
5 Yisahka amyu bawsang na dinghku yawng mayawng hta na hpyen amu gun hpai lu ai masha jahpan 87,000 hte rai nga ai hpe tara shang ka matsing da nga ai.
6 Benyamin gaw shadang sha masum lu ai; dai ni gaw Bela, Behkera hte Yediela hte rai ma ai.
7 Bela mung shadang sha manga lu ai; dai ni gaw Ezbon, Uzi, Uziela, Yerimot hte Iri ni rai nga ai. Shanhte gaw amyu lakung hta na dinghku ni a ningbaw ni tai wa ma ai hte gumhkawng ai hpyenla ni rai ma ai. Shanhte a amyu matu ni hta na hpyen amu hta mai lang ai masha 22,034 lawm nga ai.
8 Behkera gaw shadang sha jahku lu nga ai; dai ni gaw Zemira, Yosha, Elieza, Elioenai, Omri, Yeremot, Abiya, Anahtot hte Alemet ni rai nga ai.
9 Shanhte a amyu matu ni hta dinghku hku hkan nna jahpan hta da ai hpyen amu gun mai ai masha gaw 20,200 rai nga ai hpe tara shang ka matsing da nga ai.
10 Yediela a kasha gaw Bilhan rai nga ai. Bilhan mahtang shadang sha sanit lu ai; dai ni gaw Yesha, Benyamin, Ehud, Hkenana, Zehtan, Tarshi hte Ahishahara ni rai nga ai.
11 Shanhte gaw amyu lakung a dinghku ni a ningbaw ni rai nna yawng gaw mying gumhkawng ai hpyenla ni rai ma ai. Shanhte a amyu matu ni hta na hpyen amu galaw mai ai masha 17,200 lawm nga ai.
12 Shupim hte Hupim yan mung ndai amyu bawsang hta lawm nga ai.
Dan hta Hushim ngu ai shadang sha langai nga nga ai.
13 Naphtali gaw shadang sha mali lu ai; dai ni gaw Yaziela, Guni, Yezera hte Shalum ni rai nga ai. (Shanhte gaw Bila amyu matu ni rai ma ai.)
14 Manashe hte Aramiyan lashi num kaw na shadang sha lahkawng lu ai; dai yan gaw Asriela hte Mahkira yan rai ma ai. Mahkira gaw Gilead a kawa rai nga ai.
15 Mahkira gaw Hupim hte Shupim yan a matu madu jan langai ngai tam ya wu ai. Shi a kajan a mying gaw Mahka rai nga ai. Mahkira a kaga shadang sha langai gaw Zelohpehad rai nga ai; shi chyawm gaw shayi sha hkrai lu nga ai.
16 Mahkira a madu jan Mahka gaw Pere hte Shere mying ai shadang sha lahkawng shangai ya nga ai. Pere mahtang Ulam hte Rakem shadang sha lahkawng lu ai.
17 Ulam chyawm gaw Bedan mying ai shadang sha langai lu ai. Dai ni yawng gaw Manashe a kashu, Mahkira a kasha, Gilead a amyu matu ni rai nga ai.
18 Gilead a kajan Hammolehket gaw shadang sha masum lu ai; dai ni gaw Ishod, Abieza hte Mala ni rai nga ai.
19 (Shemida mung shadang sha mali lu ai; dai ni gaw Ahian, Shehkem, Lihki hte Aniam ni rai nga ai.
20 Ndai gaw ban hte ban pra hkrat wa ai Ehprim amyu ni a lam rai nga ai; shanhte gaw Shuhtela, Bered, Tahat, Eleada, Tahat
21 Zabad, Shuhtela hte rai nga ai. Shanhte hta kaga Ehprim hta shadang sha lahkawng naw nga nga ai; dai yan gaw Ezera hte Elead yan rai nga ai. Shan gaw Gat masha ni madu da ai yam nga hpung hpe lagu na shakut ma ai majaw sat kau ai hkrum ma ai.
22 Shan a kawa Ehprim gaw shan a majaw nhtoi na na yawn hkyen nga ai rai nna shi a kahpu kanau ni shi hpe shalan shabran ya ma ai.
23 Dai hpang shi gaw shi a madu jan hte bai kanawn wu ai rai nna na-um nasin hkum rai wa ai hte shadang sha shangai wu ai. Dinghku masha hta ru yak tsin-yam tsindam hkrum sha nga ai majaw shi hpe Beria d 7:23: Beria: Ndai mying hpe Hebre ga hku ?Ru yak Tsin yam tsindam hkrum ai? ngu ai rai nga ai.*ngu nna shamying mu ai.
24 Ehprim gaw Shera mying ai shayi sha langai lu ai. Shi gaw lawu hte lahta Bet Horon hte Uzen Shera mare ni hpe de da nga ai.
25 Ehprim gaw Rehpa mying ai shadang sha langai nga ai; shi a amyu matu ni gaw Reshep, Tela, Tahan,
26 Ladan, Amihu, Elishama,
27 Nun hte Yawshu ni rai nga ai.
28 Shanhte madu la ai lamu ga hte nga ai shara ni gaw Behtela hte de a grup yin mare ni; sinpraw maga Naran, sinna maga na Gezera hte de a grup yin na mare ni, Shehkem, Aya mare ni hte de a grup yin mare ni lawm nga ai.
29 Manashe a amyu matu ni gaw Bet Shan, Tanak, Megido, Dora mare ni hte grup yin na kahtawng ni hpe up hkang nga ai.
Dai shara ni hta Yaku a kasha Yosep a amyu matu ni nga nga ma ai.
30 Ndai ni gaw Ashe a amyu matu ni a lam rai nga ai. Shi gaw shadang sha mali lu ai: dai ni gaw Imna, Ishwa, Yiswi, hte Beria rai nna shayi sha Sera langai mung lawm nga ai.
31 Beria gaw shadang sha lahkawng lu ai; dai yan gaw Hebera hte Malhkiela yan rai ma ai. (Malhkiela gaw Birzait mare hpe de da nga ai.)
32 Hebera gaw shadang sha masum lu ai; dai ni gaw Yaplet, Shome, Hohtam hte shayi sha Shua ni rai nga ai.
33 Yaplet mung shadang sha masum lu ai; dai ni gaw Pasak, Bimhala hte Ashwat ni rai nga ai.
34 Shi a kanau Shome gaw shadang sha masum lu ai; dai ni gaw Roga, Yehuba hte Aram ni rai nga ai.
35 Shi a kanau Hohtam gaw shadang sha mali lu ai; dai ni gaw Zohpa, Yimna, Shele, hte Amala ni rai nga ai.
36 Zohpa a amyu matu ni gaw Sua, Harnehpe, Shuala, Beri, Imra,
37 Bezera, Hoda, Shama, Shisha, Ihtran hte Bera ni rai nga ai.
38 Yehtera a amyu matu ni gaw Yehpuna, Pispa hte Ara ni rai nga ai;
39 Ula a amyu matu ni gaw Ara, Haniela, hte Rizia ni rai nga ai.
40 Ndai ni yawng gaw Ashe a amyu matu ni rai ma ai. Shanhte gaw dinghku ni a ningbaw ni tai nna gasat gala ai hta gumhkawng ai hte laklai atsam marai rawng ai ningbaw ni rai ma ai. Ashe amyu matu ni hta na hpyen amu mai galaw ai masha 26,000 lawm nga ai.