13
(2Sa 6:1-11)
1 Dawi gaw hpyenla hkying mi up, latsa up ai du ni yawng hte hte jawm bawng ban yu wu ai.
2 Dai hpang shi gaw Israela amyu masha ni yawng hpe, ?Nanhte myit hkrum ai hte dai Madu anhte a Karai Kasang a myit ra sharawng ai lam rai yang, naw ngam nga ai anhte a mung masha ni, hkinjawng ni hte Lewi masha ni nga ai shanhte a mare ni de dat kasa ni hpe shangun dat nhtawm ndai yang e anhte hte rau zup hpawng nga na matu shanhte hpe tsun dan ga.
3 Dai hpang Shawlu hkawhkam tai nga yang n sawn n sang di kau ai Karai Kasang a Ga Shaka Sumpu hpe anhte sa hpai la ga,? ngu nna ndau tsun wu ai.
4 Amyu masha ni gaw shing nga hpaji jaw ai lam hpe ra sharawng nga ma ai rai nna dai hku galaw na myit hkrum da nga ma ai.
5 Shing rai Dawi gaw Ga Shaka Sumpu hpe Kiriat Yearim mare kaw nna Yerusalem mare de hpai la na nga, dingda maga Egutu lamu ga jarit kaw nna dingdung maga Hamat Uhkan du hkra nga ai mungdan ting na Israela amyu masha ni yawng hpe jahpawng da wu ai. Ref 13:5: 1Sa 7:1-2.
6 Singkaw tu ai hkrung kanu a ntsa e dai Madu a mying ningsang dung nga ai Karai Kasang a Ga Shaka Sumpu hpe sa hpai la na matu Dawi hte shi a amyu masha ni, Yuda mung na Kiriat Yearim ngu ai Bala mare de sa mat wa ma ai. Ref 13:6: Pru 25:22.
7 Abinadab a nta hta tawn da ai Ga Shaka Sumpu hpe shanhte la shapraw nhtawm, leng nnan langai a ntsa e dai hpe tawn ma ai. Uza hte Ahio yan gaw dai leng hpe gau ma yang,
8 Dawi hte amyu masha ni yawng Karai Kasang hpe shagrau sha-a na nga, shanhte a n-gun lagaw mahkra hte ka manawt nga ma ai. Shanhte gaw mahkawn mangoi ni hte tingse, doria, chying, shupsheng hte pahtau ni hpe dum ma ai.
9 Shanhte gaw Hkidon a mam chyarang de du jang, utang yan ahtu kadawng mat ai majaw, Uza gaw shi a lata ladawn nna Ga Shaka Sumpu hpe jum shadang dat wu ai.
10 Dai Sumpu hpe Uza hkra kau wu ai majaw dai Madu gaw shi hpe pawt sindawng ai hte sat kau wu ai. Shi mung Karai Kasang a man e si taw nga ai rai nna,
11 shara dai hpe dai ni du hkra Pere Uza ngu nna shamying da mu ai. Dai Madu gaw Uza hpe masin pawt nna ari jaw nu ai majaw Dawi masin kahtet mat wu ai.
12 Dai hpang Dawi gaw Karai Kasang hpe hkrit nna, ?Ngai gaw Ga Shaka Sumpu hpe kaning rai hpai wa lu na kun?,? ngu nna tsun wu ai.
13 Dai rai nna Dawi gaw dai hpe shi hte rau Yerusalem de n hpai wa wu ai; shing rai galaw na malai Gat mare masha Obed Edom mying ai wa a nta hta dai hpe tawn kau da wu ai.
14 Dai gaw dai yang e shata masum nga nga ai rai nna, dai Madu gaw Obed Edom a dinghku masha ni hpe mung, shi hte seng maseng ni hpe mung shaman ya wu ai. Ref 13:14: 1Hl 26:4-5.