HKAWHKAM LABAU LAIKA LANGAI
(1 CHRONICLES)
Ga Nhpaw
Langai hte Lahkawng Hkawhkam Labau Laika ni gaw Samuela hte Hkawhkam Laika ni hta ka matsing da ai mabyin lam ni hpe dam lada ai hku bai tsun da ai laika rai nga ai; rai ti mung mu mada ai lam chyawm gaw shai hkat nga ai. Ndai Hkawhkam Labau Laika ni hta yaw shada ai lam lahkawng rai nga ai Israela hkawhkam matu mara a labau lasang lahkawng nga nga ai.
1) Israela hte Yuda mungdan ni a ntsa e ru yak tsin-yam tsindam ni hkrat bun ti mung Karai Kasang gaw amyu baw hpe shi a ga sadi ni naw shatup nga ai hte Yuda mung e shanu nga ai shi a amyu masha ni a matu shi a yaw shada ai lam hpe galaw shapraw dan na lam madun dan nga ai. Ndai lam hpe pahkam hkam ya ai hku nna laika ka ai wa gaw Dawi hte Shawlumon yan galaw ai amu kaba hpe mung, Yehoshahpat, Hezekia hte Yoshia ni a gram lajang amu galaw ai lam ni hte amyu masha ni Karai Kasang hta sadi dung ai lam ni hpe tsun da nga ai.
2) Yerusalem mare na Nawku Htingnu kata hta Karai Kasang hpe nawku ai a npawt lam hpe mung, dai nawku hpawng hpe hkinjawng ni hte Lewi masha ni laksan woi awn galaw nga ai lam ni hpe ka da nga ai. Dai Nawku Htingnu hpe Shawlumon gap ti mung de a Htingnu hte nawku daw jau ai lai hpe chyawm gaw Dawi hpang da nga ai lam hpe ka da nga ai.
1
(Nin 5:1-32; 10:1-32; 11:10-26)
1 Adam gaw Shet a kawa, Shet gaw Enosha a kawa, Enosha gaw Kenan a kawa,
2 Kenan gaw Mahalalela a kawa, Mahalalela gaw Yared a kawa,
3 Yared gaw Enuk a kawa, Enuk gaw Mahtusela a kawa, Mahtusela gaw Lamek a kawa, Lamek gaw
4 Noa a kawa rai nga ai. Noa gaw shadang sha masum lu ai, dai ni gaw Shem, Ham hte Yahpet ni rai ma ai.
5 Yahpet a shadang sha ni gaw Goma, Magoga, Madai, Yawan, Htubala, Meshek hte Htira ni rai nga ai; shanhte gaw shanhte a mying hku hkan nna ran yu wa ai amyu masha ni a kaji kawa ni tai wa nga ma ai.
6 Goma a amyu matu ni gaw Ashkena, Rihpat, hte Htugama masha ni rai ma ai.
7 Yawan a amyu matu ni gaw Elisha, Spain, Kupru, Rhodes masha ni rai ma ai.
8 Ham a shadang sha ni gaw Hkusha, Egutu, Libya, hte Hkanan hte rai ma ai. Shanhte gaw shanhte a mying hku hkan nna ran yu wa ai amyu masha ni a kaji kawa ni tai wa nga ma ai.
9 Hkusha amyu matu ni gaw Seba, Hawila, Saphta, Rama hte Sabhtahka masha ni rai ma ai. Rama amyu matu ni gaw Sheba hte Dedan masha ni rai ma ai.
10 (Hkusha hta Nimrod mying ai shadang sha langai lu nga ai; shi gaw mungkan ga ntsa e shawng galu kaba ai hte awng dang ai wa tai wa sai.)
11 Egutu amyu matu ni gaw Ludia, Anam, Lehab, Naphtuha,
12 Hpahtru, Hkasluha hte Kreti masha ni rai ma ai. (Hpilisti masha ni gaw Kreti masha ni kaw na yu hkrat wa nga ma ai.)
13 Hkanan a shadang sha yan gaw kasha alat Sidon hte Het rai nga ai; shanhte gaw shanhte a mying hku hkan nna ran yu wa ai amyu masha ni a kaji kawa ni tai wa masai.
14 Hkanan gaw Yebusi, Amori, Girgashi,
15 Hiwi, Arki, Sini,
16 Arwadi, Zemari hte Hamahti masha ni a kaji kawa rai nga ai.
17 Shem a shadang sha ni gaw Elam, Ashura, Arhpaza, Luda, Aram, Uza, Hula, Gehta, hte Meshek ni rai ma ai. Shanhte gaw shanhte a mying hku hkan nna ran yu wa ai amyu masha ni a kaji kawa ni tai wa nga masai.
18 Arhpaza gaw Shela a kawa, Shela gaw Ebera a kawa rai nga ai.
19 Ebera gaw shadang sha lahkawng lu nga ai; langai wa a mying gaw Hpelek a 1:19: Hpelek: Hebre ga hku dai hpe ?garan ai? ngu ai re.* rai nga ai; hpa majaw nga yang, dai wa a prat e mungkan ga na masha ni garan nga ai aten rai nga ai. Bai kaga langai a mying gaw Yoktan rai nga ai.
20 Yoktan a amyu matu ni gaw Almoda, Shelep, Hazarmawet, Yera,
21 Hadoram, Uzala, Dikla,
22 Ebala, Abimaela, Sheba,
23 Ohpira, Hawila Yobab ni rai ma ai.
24 Shem kaw nna Abram du hkra na dinghku ginru ginsa gaw ndai hku rai nga ai: Shem, Arhpaza, Shela,
25 Ebera, Hpelek, Reu,
26 Seruk, Nahora, Htera,
27 Abram ngu ai (Abraham) ni rai nga ai.
(Nin 25: 12-16)
28 Abraham gaw kasha lahkawng lu ai; shan gaw Isak hte Ishmaela yan rai nga ai.
29 Ishmaela a shadang sha ni mahtang amyu bawsang shi lahkawng hte a ningbaw ni tai wa sai. Nabaiyut (Ishmaela a shadang sha alat), Kedara, Adebela, Mibsam;
30 Mishma, Duma, Masa, Hadad, Tema;
31 Yetura, Nahpisha, hte Kedema ni rai nga ai.
32 Abraham gaw Ketura mying ai lashi num langai lu nga ai; shi gaw shadang sha kru shangai ya wu ai, dai ni gaw Zimran, Yokshan, Medan, Midian, Ishbak, hte Shua ni rai nga ai.
33 Midian gaw shadang sha manga lu ai; dai ni gaw Ehpa, Ehpera, Hanuk, Abida, hte Eleda ni rai ma ai.
(Nin 36:1-19)
34 Abraham a shadang sha Isak hta shadang sha lahkawng lu nga ai; shan gaw Esaw yan Yaku rai nga ai.
35 Esaw a shadang sha ni gaw Elihpa, Reuela, Yeusa, Yalam, hte Kora ni rai nga ai.
36 Elihpa gaw lawu de na amyu bawsang ni a kaji kawa tai wa sai: dai ni gaw Hteman, Umara, Tsehpi, Gahtam, Kena, Htimna hte Amalek ni rai nga ai.
37 Reuela gaw Nahat, Zera, Shama, hte Miza amyu bawsang ni a kaji kawa tai wa sai.
(Nin 36:20-30)
38-42 Edom mung e shawng nga ai buga masha ni gaw Seira a shadang sha ni kaw na ran hkrat wa ai ni rai ma ai.
Lotan gaw Hori hte Homam amyu lakung lama ni a kaji kawa rai nga ai. (Lotan hta Htimna mying ai kajan langai nga nga ai.)
Shobala gaw Alwan, Manahat, Ebala, Shehpi hte Unam amyu lakying ni a kaji kawa rai nga ai.
Zibeon hta Aya hte Ana ngu ai shadang sha lahkawng nga nga ai. Ana gaw Dishon a kawa rai nga ai; Dishon mahtang gaw Hamran, Eshban, Yitran, hte Hkeran amyu lakying ni a kaji kawa rai nga ai.
Ezera gaw Bilahan, Zawan hte Yakan amyu lakying ni a kaji kawa rai nga ai. Dishan mahtang Uza hte Aran amyu lakying ni a kaji kawa rai nga ai.
(Nin 36:31-43)
43-50 Israela mung hta gara hkawhkam mung garai n paw pru yang, lawu de na hkawhkam ni gaw Edom mung hta matut manoi up hkang nga masai. Dai ni gaw:
Dinhaba mare na Beora a
kasha Bela
Bozra mare na Zera a
kasha Yobab
Hteman ginwang na
Husham
Awit mare na Bedad a
kasha Hadad (shi gaw Moba mung na majan hta Midian masha ni hpe gasat dang kau ai wa rai nga ai.)
Masreka mare na
Samla
Hka nu makau Rehobot mare na
Shaula
Akbora a kasha
Bala Hanan
Pau mare na
Hadad (shi a madu jan a mying gaw Mehetabela rai nna shi gaw Matreda a shayi sha rai nhtawm Mezahaba a kashu rai nga ai.)
51 Edom masha ni gaw lawu de na amyu bawsang ni hta hkan nna ran pru wa nga ai: dai ni gaw Htimna, Alwan, Yehtet,
52 Oholibama, Ela, Hpinon,
53 Kena, Hteman, Mibzara,
54 Magdiela hte Iram ni rai nga ai.