SHAKAWN KUNGDAWN 99
1 Dai Madu gaw Hkawhkam rai nga ai, amyu masha ni hkrit gari nga ma ai.
Shi gaw singkaw tu ai hkrung kanu ni a ntsa na, shi a tingnyang ntsa e dung nga ai,
ginding aga gaw ashun awam nga ai.
2 Ziun e shanu nga ai dai Madu gaw n-gun chyalai rawng nga ai;
amyu baw ni yawng hta grau htum ai wa rai nga ai.
3 Masha shagu hte gaw shi a galu kaba nna, hpung shingkang arawng sadang hte hpring
ai mying nsang hpe shakawn na mara ai;
shi gaw Chyoi Pra Ai Wa rai nga ai!
4 Chyahtum Chyalai n-gun rawng ai Hkawhkam wa e, nang gaw teng man ai lam hpe tsaw
ra nga ndai;
Israela mungdan hta, teng man ai tara hpe nang tawn da ya nit dai,
ding man ai lam hte rap ra ai tara ni hpe mung nang jashawn da ya nit dai.
5 Dai Madu anhte a Karai Kasang hpe shakawn kungdawn mu;
shi a tingnyang man e, nawku daw jau mu!
Shi gaw Chyoi Pra Ai Wa rai nga ai!
6 Mawshe hte Arun gaw shi a hkinjawng yan rai nga ma ai,
Samuela mung Madu kaw akyu hpyi ai wa rai nga ai;
shanhte gaw Madu hpe shaga nga ma ai hte, Madu mung shanhte
hpe htan ya mu ai.
7 Shi gaw shanhte hpe sumwi shadaw kaw nna ga tsun nu ai;
dai Madu shanhte hpe jaw ya ai tara ni hte hkang da ai ga ni hpe
shanhte madat mara hkan nang nga ma
ai.Ref 99:7: Pru 33:9.
8 O Madu anhte a Karai Kasang e, na a myu masha ni shaga ai nsen hpe
nang htan ya nit dai;
shanhte galaw shut kau sai yubak ni a majaw, nang shanhte hpe ari jaw ti mung,
nang gaw yubak mara ni hpe raw dat kau ya ai Karai Kasang rai nga ndai hpe
madun dan nga nit dai.
9 Dai Madu anhte a Karai Kasang hpe shakawn kungdawn mu;
shi a chyoi pra ai bum hta nawku daw jau nga mu!
Dai Madu anhte a Karai Kasang gaw chyoi pra nga ai.