SHAKAWN KUNGDAWN 85
1 Madu e, nang gaw na a lamu ga hpe matsan dum nga ndai;
Israela amyu masha ni hpe kalang mi bai ngamu ngamai shangun nga nit dai.
2 Nang gaw na a amyu masha ni a yubak ni hpe raw dat kau ya nit dai;
shanhte a shut hpyit ai lam ni hpe mara dat kau ya nga nit dai.
3 Shanhte hpe masin pawt ai lam nang jahkring kau nna;
na a masin kahtet ai hpe mung shakawp kau nga ndai.
4 Anhte a hkye la Madu Karai Kasang e, anhte hpe mi na hte maren
bai hkap la mi,
anhte hpe n yu ra hkum rai nu yaw!
5 Nang anhte hpe htani htana masin pawt nga na n ni?
Na a masin kahtet ai lam galoi mung n htum mai na rai sani?
6 Anhte hpe n-gun atsam kalang mi bai shaja ya mi:
shing rai, anhte, na a amyu masha ni nang hpe shakawn nga na ga ai.
7 Madu e, na a dinggrin tsaw ra myit anhte hpe madun ya mi;
na a hkye hkrang la ai karum la lam, anhte hpe jaw ya mi.
8 Madu Karai Kasang tsun nga ai ga hpe ngai madat nga nngai;
anhte gaw angawk angak re ai lam ni de n kayin sa mat wa ai rai yang,
shi a amyu masha ni rai nga ai anhte hpe ngwi pyaw sim sa ai lam jaw ya na
shi ga sadi tawn da nga ai.
9 Shi hpe shagrau sha-a ai ni hpe shi hkye hkrang la na, kaja wa, jin jin
rai nga ai;
shi a hkye hkrang la ai hpung shingkang gaw anhte a lamu ga
hta nga nga na ra ai.
10 Tsaw ra myit hte sadi sahka myit gaw rau dan pru wa nga ai;
ding man ai hte ngwi pyaw sim sa ai lam mung, ahpum ginshum wa na mara ai.
11 Masha a sadi sahka gaw ginding aga kaw nna rawt lung wa nhtawm;
Karai Kasang a ding man ai lam, sumsing lamu kaw nna gum yu na ra ai.
12 Dai Madu gaw anhte hpe ngamu ngamai shangun na ra ai;
anhte a lamu ga gaw nsi naisi nhpaw n-ya shapraw ya na ra ai.
13 Ding man ai lam gaw dai Madu a shawng e, sa wa nna;
shi a matu lam shajang shajin ya na ra ai.