SHAKAWN KUNGDAWN 58
1 Du salang ni e, nanhte gaw kaja wa teng man ai daw dan lam hpe jaw ya nga myit ni?
Masha nlang hte hpe rap ra ai tara hku nna tara jeyang ya nga myit ni?
2 N rai law! Nang galaw lu na n tara ai lam hpe chyu sha nang myit nga ndai;
ga ntsa na kashun kashe du daw sai hkaw ai amu ni hpe nanhte shut hpyit tawt lai
nga myit dai.
3 N tara ai masha ni gaw shanhte a asak hkrun lam yawng hta shut hpyit ai hku
hkawm sa nga ma ai;
shanhte gaw shangai wa ai shani kaw nna masu magaw ai ga ni hpe tsun nga ma ai.
4 Lapu ni zawn, shanhte hta mung atuk hpring hkra rawng nga ma ai;
na n na ai pu htum zawn shanhte a na ni hpe pat da ma ai.
5 Lapu lakle sara wa a nsen hpe n na ai hte kung ai mandan sara wa a mahkawn
ga hpe mung,
n na ai na lahpang ai pu htum zawn, shanhte a na ni hpe pat da nga ma ai.
6 Karai Kasang e, ndai hkanghkyi matse ni a wa ni hpe shadaw kau ya u.
7 Shanhte gaw hkyet mat wa ai hka zawn hkoi mat wa mu ga;
lam ntsa e tu ai tsing ni hpe zawn shanhte kabye anut kau ai hkrum nga
mu ga.
8 Hkoi lapawp gaw shi a bawp nen byawng mat ai zawn rai mat mu ga;
nhtoi hpe galoi mung n mu yu ai nbya ma zawn, shanhte rai mat mu ga.
9 Shanhte dai lam hpe garai n tan chye lu yang, tsingdu ni hpe zawn, shanhte dan
kau ai hkrum nga ma ai;
shanhte gaw asak hkrung nga yang pyi, shi a pawt singdawng ai hta,
Karai Kasang gaw shanhte hpe shapoi kau na ra ai.
10 Ding hpring ai ni gaw mara kap ai ni ari jaw hkrum ai hpe mu ai shaloi, kabu gara
na mara ai;
shanhte gaw tara n lang ai ni a asai hku kabye lai mat wa na mara ai.
11 ?Ding hpring ai ni gaw teng teng shagrau sha-a ai hkam la na mara ai;
mungkan hpe tara jeyang na Karai Kasang gaw teng teng nga nga ai,?
nga nna masha ni tsun wa na mara ai.