SHAKAWN KUNGDAWN 52
1 Galu kaba ai masha wa e, nang gaw hpa majaw na a n hkru ai lam hta gumrawng nga n ta?
Karai Kasang a tsaw ra myit gaw htani htana agrin nga ai.
2 Na a shinglet gaw dai kara rep nhkyi zawn
kaga ni hpe jahten sharun na, maw mawn nga ndai.
Nang gaw masu magaw ga hpe tut nawng e, gyin shalat ai wa rai nga ndai.
3 Nang gaw kaja ai hta n hkru ai hpe,
teng man ai hta shut hpyit ai hpe grau nna tsaw ra nga ndai.
4 Masu magaw ai wa e, nang gaw na a n-gup ga ni hte masha kaga ni hpe
myit machyi mat hkra, tsun na hpe ra sharawng nga ndai!
5 Dai majaw, Karai Kasang gaw nang hpe htani htana jahten sharun kau na ra ai;
shi gaw nang hpe na a nta kaw nna gang gare la na ra ai.
Shi nang hpe asak hkrung nga ai ni shanu nga ai mungkan ga kaw nna la kau na ra ai.
6 Ding hpring ai masha ni dai lam hpe mu nna hkrit wa na mara ai;
shaloi shanhte nang hpe mani ashu let, tsun ai gaw,
7 ?Yu u, ndai yang e, shi a shim lam a matu Karai Kasang hpe n kam hpa ai sha,
de a malai shi a law la ai sut gan hte n hkru n shawp ai amu hta
shim lam tam nga ai masha langai mi, nga nga ai,? nga nna tsun ma ai.
8 Rai ti mung, ngai gaw Karai Kasang a nta na tsit lali ai tsanlun hpun zawn rai
nga nngai;
Ngai gaw shi a dinggrin tsaw ra myit hpe htani htana prat dingsa kam hpa nga nngai.
9 Karai Kasang e, nang galaw dan sai amu magam ni a majaw
ngai tut nawng e, chyeju dum nga na nngai;
na a amyu masha ni a man e, nang mai kaja nga ndai hpe ngai htawn tsun na nngai.