SHAKAWN KUNGDAWN 4
1 Ngai hpe makawp maga ya ai Karai Kasang e!
ngai akyu hpyi yang, htan ya e!
Ngai ru tsang hkrum ai shaloi, nang ngai hpe karum la nit dai.
Ngai hpe ya jang matsan dum ai hte nye a akyu hpyi ai ga hpe na ya e law.
2 Amyu masha ni ngai hpe galoi du hkra n kaw n law di na myit ni?
Akyu n rawng ai lam hpe nanhte tsaw ra nga nna,
shut hpyit ai lam de galoi du hkra hkan nang na ngu myit ni?
3 Madu gaw ding hpring ai masha ni hpe shi a matu lata san da nu ai hpe
dum mu;
ngai shi hpe shaga ai shaloi, shi ngai hpe madat ya nga ai.
4 Hkrit gari ai hte yubak galaw ai lam hpe jahkring kau mu;
nanhte a yupku ni a ntsa e, azim sha kaleng nga ai shaloi,
dai lam hpe sung sung myit yu mu.Ref 4:4: Ehp 4:26.
5 Madu hpe ra n rawng ai shagu hkungga ni hpe nawng jau nna;
6 ?Madu e, anhte hpe chyeju grau nna jaw ya mi;
matsan dum ai myit hte anhte hpe mada mara ya mi,?
nga nna masha law law wa akyu hpyi nga ma ai.
7 Rai ti mung, nang ngai hpe jaw ya ai kabu gara ai lam gaw,
shanhte lu la na ra ai shanhte a nai mam nsi ni hte
sabyi ni yawng mayawng hta grau nga ai.
8 Ngai kaleng taw ai shaloi, ngwi pyaw ai hte ngai yup lu nga nngai;
O Madu e nang chyu sha ngai hpe hkum hkum tsup tsup shim ai shara hta
tawn da nga ndai.