SHAKAWN KUNGDAWN 22
1 Nye a Karai Kasang e, nye a Karai Kasang e, nang hpa rai ngai hpe kau da nga n ta?
Karum la na matu, myit chyum myit htum hte ngai hpyi jahtau ni ai, rai ti mung,
ya du hkra, dai lam n du nga ai.Ref 22:1: Mat 27:46.
2 Nye a Karai Kasang e, shani e, ngai nang hpe shaga ti mung;
nang n htan ya ndai;
shana e shaga ti mung,
ban sa ai lam ngai n lu nga nngai.
3 Rai ti mung, nang gaw Chyoi Pra ai Wa zawn tingnyang hta dung nga ndai;
Israela amyu masha ni e shakawn kungdawn hkrum ai wa mung rai nga ndai.
4 Anhte a kaji kawa ni gaw nang hta kam hpa nga ma ai;
shanhte nang hpe kam hpa nga ma ai hte maren nang shanhte hpe hkye hkrang la
nit dai.
5 Shanhte gaw nang hpe shaga mu ai hte, hkrithpa shara kaw nna lawt lu nga masai;
shanhte nang hpe kam hpa manoi manat nga ma ai hte myit daw myit hten nga ma ai n rai.
6 Rai ti mung, ngai gaw masha langai mi n rai mat ni ai; latung shingtai langai mi
rai nga nngai,
masha shagu e n kaw n law re ai hte matsat kau ai hkrum nga nngai!
7 Ngai hpe mu ai ni yawng hte gaw ngai hpe mani asawng nga ma ai;
shanhte gaw shanhte a shinglet ni hpe shaw dan nhtawm baw ni hpe kanga dan
nga ma ai.Ref 22:7 Mat 27:39; Mrk 15:29; Luk 23:35.
8 ?Nang gaw Madu hpe kam hpa shamyet shanat nga ndai,
nang hpe shi hpa majaw n hkye la na rai wu ni?
Madu gaw nang hpe ra sharawng ai rai yang,
shi nang hpe hpa majaw n karum ai nga na rai wu ni?,? nga nna shanhte tsun ma ai.
Ref 22:8: Mat 27:43.
9 Nang gaw ngai hpe shangai wa ai shani kaw nna shim lum ai hte bau sin da ai wa nan
rai nga ndai,
Ngai ma chyangai naw rai nga yang, nang ngai hpe shim lum ai hte bau maka dat
nit dai.
10 Ngai gaw shangai wa ai shani kaw nna nang hta kam hpa shamyet shanat nga nngai;
nang gaw tut nawng e na, nye a Karai Kasang rai nga nit dai.
11 Ngai hpe hkum jahka da et!
Ru tsang gaw ni nga ai,
karum la na matu langai mi mung n nga nga ai.
12 Gumlau hpyen law law ni gaw ngai hpe usu ni zawn wang gawan da mi ai;
Bashan ga na matse ai usu ni zawn
shanhte ngai hpe shinggrup da mi ai.
13 Shanhte gaw hkanghkyi ni zawn, n-gup ni hpe mahka nna;
shabam ai hte ngai hpe amya je nga ma ai.
14 Ga ntsa e, hka hpe ru kau ai zawn,
nye a n-gun hkoi mat sali ai.
Nye a nra hkrihkraw ni mahkra kashai mat sai,
nye a myit masin mung shabyawng da ai gitbaw zawn rai nga li ai.
15 Nye a yuhkraw gaw ga nhpu zawn hkraw mat nna;
nye a shinglet nye a gumra hta kap mat nga ai.
Nang gaw ngai hpe ga nhpu hta si na matu tawn kau da nit dai.
16 N hkru ai masha hpung mi, ngai hpe wang gawan da nna;
gwi wunawng mi ngai kaw htim sa wa ai zawn shanhte ngai kaw htim sa wa ma ai;
shing rai shanhte gaw nye a lagaw lata ni hpe gang je nga ma ai.
17 Nye a nra ni yawng kra dawng taw nga sai,
nye a gumlau hpyen ni ngai hpe azi yu nga ma ai.
18 Shanhte gaw nye a bu hpun palawng a matu hpai da da ma ai;
shanhte shada da garan la nga ma ai.Ref 22:18: Mat 27:35; Mrk 15:24; Luk 23:34; Yhn 19:24.
19 Madu e, ngai hte hkum tsan nga et!
Ngai hpe mawai la na tin tin sa rit!
20 Ngai hpe nhtu kaw na hkrang shaw la e;
gwi ni kaw na, nye a asak hpe hkye hkrang la e.
21 Ndai hkanghkyi ni kaw na ngai hpe mawai la e;
ndai matse labye usu ni a man e, ngai gaw karum la masha n nga ai hte garen gari
hkrum nga nngai.
22 Nang hpa galaw dan sai lam, nye a amyu masha ni hpe tsun dan na nngai;
shanhte a zuphpawng hta ngai nang hpe shakawn nga na nngai.Ref 22:22: Heb 2:12.
23 ?Madu a shangun ma ni e, shi hpe shakawn mu!
Yaku a aru arat ni e, shi hpe shagrau sha-a nga mu!
Israela amyu masha ni e, shi hpe nawku daw jau mu!
24 Shi gaw matsan mayan wa hpe n gawn n sawn di ai n rai, shanhte a nni nkri hpe n
sawn n sang di ai n rai;
shi shanhte kaw na kayin mat wa ai n rai,
rai ti mung, karum la na matu shanhte shaga yang, shi htan ya nga ai.?
25 Law la ai shawa hpawng hta, nang hpa galaw da sai lam hpe ngai shakawn nga na nngai;
nang hpe nawku daw jau nga ai ni a man e,
ngai ga sadi jaw da sai shagu hkungga ni hpe ngai nawng jau na nngai.
26 Matsan mayan masha ni gaw shanhte ni ra ai made, sha lu na mara ai;
Madu kaw du sa ai ni shi hpe shakawn na mara ai.
Shanhte gaw htani htana ngamu ngamai nga mu ga law!
27 Amyu baw ni yawng hte gaw Madu hpe dum na mara ai.
Mungkan shara shagu de na masha ni shi kaw kayin wa na mara ai;
Masha amyu baw yawng hte mung, shi hpe nawku daw jau na mara ai.
28 Madu gaw hkawhkam rai nga ai,
amyu baw shagu hte hpe shi up hkang nga ai.
29 Gumrawng gumtawng ai masha yawng hte gaw shi hpe dingnyawm wa na mara ai;
si chye ai masha yawng hte mung shi a man e, dingnyawm wa na mara ai.
30 Du wa na ban prat masha ni gaw shi hpe daw jau na mara ai;
du wa na ban prat du hkra, dai Madu a lam hpe masha ni tsun kajai wa na mara ai.
31 Garai n shangai ai masha ni hpe,
?Madu gaw shi a amyu masha ni hpe hkye hkrang la sai,? nga nna tsun dan na mara ai.