SHAKAWN KUNGDAWN 136
1 Shi gaw mai kaja nga ai majaw, dai Madu hpe chyeju dum shakawn
nga mu;
shi a tsaw ra myit htani htana agrin nga ai. Ref 136:1: 1Hl 16:34; 2Hl 5:13; 7:3; Ezr 3:11; Shk 100:5; 106:1; 107:1; 118:1; Yer 33:11.
2 Hpara ni yawng hta kaba htum ai Karai Kasang hpe chyeju dum shakawn mu;
shi a tsaw ra myit htani htana agrin nga ai.
3 Madu ni yawng hta chyahtum chyalai n-gun rawng htum ai dai Madu hpe chyeju dum
shakawn nga mu;
shi a tsaw ra myit htani htana agrin nga ai.
4 Shi chyu sha mauhpa lamik kumla kaba galaw lu nga ai;
shi a tsaw ra myit htani htana agrin nga ai.
5 Shi a hpaji hte sumsing lamu hpe shi hpan da nu ai;
shi a tsaw ra myit htani htana agrin nga ai.Ref 136:5: Nin 1:2.
6 Shi gaw sung ai hka ni a ntsa e, ginding aga hpe gaw da nga ai;
shi a tsaw ra myit htani htana agrin nga ai.Ref 136:6: Nin 1:2.
7 Shi gaw jan hte shata hpe galaw da nu ai;
shi a tsaw ra myit htani htana agrin nga ai.
8 Jan gaw nhtoi hpe up hkang na matu shi hpan da nu ai;
shi a tsaw ra myit htani htana agrin nga ai.
9 Shata hte shagan ni hpe hpan ai gaw shana hpe up na matu rai nga ai;
shi a tsaw ra myit htani htana agrin nga ai.Ref 136:9: Nin 1:16.
10 Egutu amyu masha ni a kasha alat ni hpe shi sat kau nu ai;
shi a tsaw ra myit htani htana agrin nga ai.Ref 136:10: Pru 12:29.
11 Israela amyu masha ni hpe Egutu mung kaw nna shi woi wa nu ai;
shi a tsaw ra myit htani htana agrin nga ai.Ref 136:11: Pru 12:51.
12 Shi a n-gun ja ai lata, daru magam n-gun hte hpring ai lahpum ni hte,
shanhte hpe woi wa nu ai;
shi a tsaw ra myit htani htana agrin nga ai.
13 Shi gaw Nawng hkyeng hpe lahkawng brang di nna ga garan kau nu ai;
shi a tsaw ra myit htani htana agrin nga ai.
14 Shi a amyu masha ni hpe de a ka-ang hku shi woi lai mat wa nu ai;
shi a tsaw ra myit htani htana agrin nga ai.
15 Rai ti mung, shi gaw Egutu hkawhkam hte shi a hpyen luksuk ni hpe dai nawng hta
lup si shangun nu ai;
shi a tsaw ra myit htani htana agrin nga ai.Ref 136:15: Pru 14:21-29.
16 Shi a amyu masha ni hpe nam mali hku shi woi wa nu ai;
shi a tsaw ra myit htani htana agrin nga ai.
17 Shi gaw daru magam n-gun hte hpring nga ai hkawhkam ni hpe sat kau nu ai;
shi a tsaw ra myit htani htana agrin nga ai.
18 Mying gumhkawng ai hkawhkam ni hpe sat kau nu ai;
shi a tsaw ra myit htani htana agrin nga ai.
19 Shi gaw Amori hkawhkam Sihon hpe sat kau nu ai;
shi a tsaw ra myit htani htana agrin nga ai.Ref 136:19: Bhk 21:21-30.
20 Bashan hkawhkam Oga hpe sat kau nu ai;
shi a tsaw ra myit htani htana agrin nga ai. Ref 136:20: Bhk 21:31-35.
21 Shi gaw shanhte a lamu ga hpe shi a amyu masha ni a lata hta ap ya nu ai;
shi a tsaw ra myit htani htan agrin nga ai.
22 Shi gaw dai ni hpe shi a shangun ma rai nga ai Israela hpe jaw nu ai;
shi a tsaw ra myit htani htana agrin nga ai.
23 Anhte sum mat ga ai shaloi, anhte hpe shi malap kau mi ai n rai;
shi a tsaw ra myit htani htana agrin nga ai.
24 Shi anhte hpe anhte a gumlau hpyen ni a lata kaw nna shalawt dat mi ai;
shi a tsaw ra myit htani htana agrin nga ai.
25 Shi gaw hkrung mahkrung guji guyang yawng hte hpe lusha jaw sha nga ai;
shi a tsaw ra myit htani htana agrin nga ai.
26 Sumsing lamu na Karai Kasang hpe chyeju dum shakawn nga mu;
shi a tsaw ra myit htani htana agrin nga ai.