SHAKAWN KUNGDAWN 132
1 Madu e, Dawi hte shi hkam sha lai wa sai maru mayak lam yawng hte
hpe hkum malap kau et!
2-5 Madu e, Dawi gaw, ?Dai Madu a Nawku Htingnu ngu ai,
dai Chyahtum Chyalai n-gun rawng ai Yaku a Karai Kasang a matu nta n gap
ngut dingsa,
nye a nta de wa na nngai n rai, yupku ntsa de ngai lung na n rai,
ngai ban sa la na n rai, ngai yup la na n rai,?
nga nna nang hpe shi dagam da ai ga sadi hte
Chyahtum Chyalai n-gun rawng ai Yaku a Karai Kasang hpe, shi tawn da nu ai
ga ndat hpe dum nga u.
6 Betlehem mare hta e, Sakse Sumpu a lam hpe anhte na saga ai rai nna,
dai hpe Yearim a yi hta anhte mu lu sagaw ai.
7 Anhte gaw, ?Madu a nta de anhte sa wa ga;
shi a tingnyang man e, anhte nawku daw jau ga,? ngu nna tsun saga ai.
8 Madu e, na a daru magam n-gun a kumla rai nga ai
Sakse Sumpu nga ai Nawku Htingnu de sa wa nna;
dai shara hta htani htana shanu nga u.
9 Na a hkinjawng ni gaw teng man ai lam hpe tut nawng hkan galaw nga mu ga;
na a amyu masha ni mung kabu gara jahtau garu nga mu ga!
10 Madu e, na a shangun ma Dawi wa hpe nang ga sadi jaw da nga nit
dai majaw;
na a namman jaw hkam ai hkawhkam wa hpe hkum kau da nga et.Ref 132:10:
2Hl 6:41-42.
11-12 Dai Madu gaw, ?Ngai na a nsha ni hta na marai langai ngai hpe hkawhkam
shatai na we ai,
shi gaw na a hkang hta up hkang na ra ai.
Lama rai nna, na a nsha ni nye a ga shaka hte shanhte hpe ngai jaw ai
hkang da ai ga ni hpe,
hkan sa nga ai rai yang chyawm gaw shanhte a kasha ni hpe mung,
na a hkawhkam hkringhtawng hta prat dingsa hkawhkam tai lu na mara ai,?
nga nna Dawi hpe nang dagam ga sadi tawn da nit dai hpe
nang bai nhtang dawm kau na ndai n rai.
13 Dai Madu gaw Ziun hpe lata la nu ai;
dai mare hpe shi a shanu shara shi galaw mayu nga ai rai nna,
14 ?Ndai shara hta htani htana ngai anga nga na nngai,
dai mare hpe mung, ngai up hkang mayu nga nngai.
15 Ngai gaw Ziun mare hpe shi hta ra kadawn nga ai lam mahkra ntaw ntsang shaman ya
na nngai;
dai mare na matsan mayan masha ni hpe mung, lusha hte ngai jahkru shakat na nngai.
16 Dai mare na hkinjawng ni galaw ai lam shagu hpe mung, ngai shaman ya na nngai;
shing rai, dai mare na amyu masha ni mahkawn mangoi ai hte kabu gara jahtau
garu wa na mara ai.
17 Dai shara hta, ngai gaw Dawi a aru arat langai ngai hpe hkawhkam kaba shatai
na we ai;
ngai lata la ai hkawhkam wa a up hkang ai tara hpe dai shara hta grin nga
shangun na nngai.Ref 132:17: 1Hk 11:36.
18 Ngai gaw shi a gumlau hpyen ni hpe kaya kahpa hte htinggrum da ya na nngai;
rai ti mung, shi a mungdan gaw ngamu ngamai wa nna gumring gumrat wa na ra
ai,? nga nna tsun nga ai.