SHAKAWN KUNGDAWN 125
1 Dai Madu hpe kam hpa nga ai ni gaw galoi mung n ashun,
galoi mung shamu shamawt n nga ai Ziun Bum zawn rai ma ai.
2 Bum ni gaw Yerusalem mare hpe grup rai gawan da nga ai hte maren,
dai Madu mung, shi a amyu masha ni hpe
ya kaw nna prat dingsa grup rai gawan da nga ai.
3 Tara n lang ai ni ding hpring ai ni a lamu ga hpe tut nawng e, up hkang lu
ma ai n rai;
lama wa, shanhte up hkang lu ai rai yang mung, ding hpring ai masha ni
nan n hkru ai amu hpe galaw na ma ai.
4 Madu e, kaja ai masha ni hte na a hkang da ai ga ni hta
madat mara hkan sa nga ai ni hpe, mai kaja ai lam jaw ya u.
5 Rai ti mung, n hkru n shawp ai ni hpe nang ari jaw ai shaloi,
na a lam ni hpe yit kau da nga ai ni hpe mung ari jaw u.
Ngwi pyaw sim sa ai gaw Israela ni hte rau anga nga u ga law!