SHAKAWN KUNGDAWN 122
1 Shanhte gaw, ?Dai Madu a nta de anhte lung wa saga,?
nga nna ngai hpe tsun ma ai shaloi, ngai kabu gara nga nngai.
2 Ya aten hta anhte ndai,
Yerusalem mare chyinghka lam kata e, tsap nga ga ai!
3 Yerusalem mare gaw shi shara hte shara htuk manu,
tsawm htap ai hku, bai gaw gap da ai mare rai nga ai.
4 Ndai mare gaw shi a hkang da ai mungga nga ai hte maren, dai Madu
hpe chyeju shakawn kungdawn na matu,
amyu baw ni, Israela amyu bawsang ni sa zup ai shara rai nga ai.
5 Ndai mare gaw Israela Hkawhkam ni hkaw dung nna,
shanhte a amyu masha ni hpe tara jeyang na shara rai nga ai.
6 ?Nang hpe tsaw ra ai ni ngamu ngamai nga mu ga,
na a mare bunghku kata ni hta ngwi pyaw sim sa nga u ga,
7 na a hkawhkam htingnu ni hta shim nga u ga,?
nga nna Yerusalem mare a ngwi pyaw sim sa lam a matu akyu hpyi nga mu, nga ai.
8 Nye a jinghku ni hte manang ni a matu mara,
?Nang hta ngwi pyaw sim sa ai lam nga nga u ga law,? nga nna Yerusalem mare
hpe ngai tsun nga nngai.
9 Anhte a Madu Karai Kasang a nta a jaw e,
na a ngamu ngamai lam a matu, ngai akyu hpyi nga nngai.