32
(Trj 3:12-22)
1 Rubin hte Gad yan a amyu bawsang ni yam nga hpung law law lu ma ai. Dai rai nna Yazera mung hte Gilead mung hta yam nga a matu udat shara kade wa kaja nga ai hpe shanhte mu ma yang,
2 shanhte gaw Mawshe, Eleaza hte kaga shawa hpung a ningbaw ni hpang de sa nhtawm,
3-4 ?Dai Madu gaw Israela amyu masha ni hpe karum nna shang madu la lu ai ndai ginwang na Atarot, Dibon, Yazera, Nimra, Heshbon, Eleale, Sibma, Nebo hte Beon kahtawng ni gaw yam nga rem sha na matu kaja ai lamu ga ni rai nga ai; anhte hta mung yam nga grai law nga mali ai.
5 Chyeju hte dai lamu ga anhte a sut gan hku jaw mi; Yawdan hka rap nna wora hkran de hkum wa shangun mi,? ngu nna tsun ma ai.
6 Mawshe chyawm gaw, ?Nanhte a hpu nau Israela ni majan gasat sa wa nga ma yang, ndai yang e hkring nga na nanhte sharawng nga myit ni?
7 Dai Madu gaw Israela amyu masha ni hpe jaw ai mung kata de Yawdan hka rap nna shang wa na hpe nanhte hpa majaw myit shadaw gwi nga myit ta?
8 Dai mung hpe yu maram na matu nanhte a kawa ni hpe Kadesha Bernea kaw na ngai shangun dat yang, ndai zawn rai shanhte galaw yu masai.
9 Shanhte gaw Eshkola Kadit du hkra sa nna, dai mung hpe mada yu nhtawm bai nhtang wa yang, dai Madu shanhte hpe mada yu nhtawm bai nhtang wa yang, dai Madu shanhte hpe jaw ya ai mung de shang sa wa na kaw na amyu masha ni hpe shanhte myit shadaw ya yu manu ai. Ref 32:8-9: Bhk 13:17-33.
10 Dai Madu gaw dai shani jang masin pawt nna ga sadi langai tawn kau wu ai:Ref 32:10-13: Bhk 14:26-35.
11 ?Shanhte gaw ngai hta sadi n dung nga masai majaw Abraham, Isak hte Yaku ni hpe ga sadi jaw da sai mung de, Egutu mung na pru wa ai asak hkun ning hte lahta de na ni kadai mung shang lu na n rai,? ngu nna ngai dagam da se ai.
12 Keni lakung na Yehpuna a kasha Hkaleb hte Nun a kasha Yawshu yan hta kaga, langai mi mung lawm lu na n rai; shan chyawm gaw dai Madu hta dingyang sadi dung nga ai yan rai ma ai.
13 Dai Madu gaw amyu masha ni hpe pawt bu ai rai nna shi hpe ka-un shangun ai ban masha ni yawng si htum mat ai aten du hkra, shanhte hpe nam mali hkan e mali shi ning tup brak hkawm shangun wu ai.
14 Ya mung dai Madu a masin kahtet ai gaw Israela a ntsa e jin jin bai shagrung dat na, dai n shawp n kap ai ban nnan masha nanhte gaw nanhte a kawa ni a malai rai nga manit dai.
15 Rubin hte Gad masha nanhte gaw shi kaw ya hkan nang na hpe ningdang kau myit dai rai yang, ndai amyu masha ni yawng hpe nam mali e lang mi bai shi kau da na ru ai; shaloi hten byak mat ai shanhte a matu nanhte hta lit mara wa na rai myit dai,? ngu nna htan wu ai.
16 Shanhte chyawm gaw Mawshe kaw sit sa nna, ?Shawng nnan anhte a sagu ni a matu nlung hte galaw ai ulawng ni hpe mung, anhte hta hkan shamyet machyu nang ai ni a matu bunghku hte kum shangang da ai mare ni hpe ndai yang e kum kawan da na ahkang jaw ya mi.
17 Dai hpang anhte mahtang anhte a kahpu kanau Israela masha ni hte rau majan ginra de pru sa na matu shajin nhtawm, shanhte madu la na mung hta shara lajang ya ngut ai aten du hkra woi gasat na ga ai. Dai aten hta chyawm gaw anhte hta shamyet shanat nang ai ni ndai mung na masha ni a hpyen ai kaw na shim lum lu hkra, ndai yang na bunghku kum ai mare ni hta nga lu ra na rai ma ai.
18 Kaga Israela masha ni yawng mung shanhte hkam la na mungdan sali hpe madu la ngut ai aten du hkra anhte mung anhte a dum nta buga ni de nhtang mat wa na ga ai n rai.
19 Anhte a kumhtaw ngu na Yawdan hka a sinpraw daw hpe anhte lu la saga ai majaw Yawdan hka a wora hkran na shanhte a lamu ga sali hpa hpe mung anhte madu la na ga ai n rai,? ngu nna tsun ma ai.
20 Mawshe gaw, ?Nanhte tsun myit dai hte maren, teng teng lachyum shapraw na rai myit yang gaw, ndai yang kaw na Madu a man e majan pa de sa wa na jin jin rai nga mu.
21 Nanhte a hpyenla ni yawng Yawdan hka rap nna dai Madu hkang ai npu hta shanhte hpe dang kau nna mungdan hpe madu la lu ai aten du hkra,
22 anhte a gumlau hpyen ni hpe htim gasat na rai myit dai. Dai hpang nanhte mung dai Madu a matu mung, Israela kahpu kanau ni a matu mung gun hpai ang ai lit hpe shatup ngut manit dai majaw nhtang wa mai nga ai. Dai hpang chyawm gaw Yawdan sinpraw maga na dai lamu ga hpe nanhte madu la nga manit dai hpe dai Madu masat ya na rai wu ai.
23 Rai ti mung nanhte a ga sadi hpe n hkan shatup myit dai rai yang chyawm gaw dai Madu hpe nanhte shut kau na rai myit dai, ngu nna ngai ga sadi jaw nngai. Dai lam gaw shut ai lam n rai, nga nna galaw hkrup myit yang gaw nanhte shut kau ai yubak a majaw ari jaw hkrum na rai myit dai.
24 Dai re ai majaw nanhte a mare ni hpe de nna nanhte a sagu lawng ni hpe mung gap mu, rai ti mung nanhte kaning ngu ga sadi tawn da ai hpe mung galaw shatup mu!,? ngu nna tsun dat wu ai.
25 Gad hte Rubin a masha ni gaw, ?Madu e, nang hkang dat ai hte maren anhte galaw na ga ai.
26 Anhte a madu jan kasha ni hte sagu dumsu ni yawng Gilead mung na mare kahtawng ni hta nga nga na rai ma ai.
27 Rai ti mung anhte yawng chyawm gaw dai Madu hkang ai npu hta majan pa de pru sa na jin jin rai nga saga ai. Dai rai nna nang tsun nit dai hte maren, Yawdan hka hpe rap nna anhte htim gasat na saga ai,? ngu nna tsun ma ai.
28 Shaloi Mawshe gaw Eleaza, Yawshu hte kaga Israela ningbaw ni hpe ndai hkang da ai ga ndat tsun wu ai: ?Ndai Gad hte Rubin a masha ni dai Madu hkang da ai hte maren,
29 Yawdan hka rap nna majan a matu jin jin rai nga sai hte shanhte a karum shingtau la ai a majaw nanhte dai mungdan hpe dang la lu jang, Gilead mung hpe shanhte a mungdan sali hku jaw na rai myit dai.
30 Rai ti mung Yawdan hka hpe shanhte n rap, nanhte hte rau majan pa de n sa rai yang chyawm gaw, Hkanan mung e nanhte karan la myit dai zawn nanhte hte rau shanhte a lamu ga sali kumhtaw hkam la lu na rai ma ai,? ngu nna tsun wu ai.
31 Gad hte Rubin a masha ni mung, ?Madu e, dai Madu hkang da ai hte maren anhte hkan galaw na ga ai.
32 Anhte gaw shi a hkang da ai npu hta Hkanan mung de rap sa nna majan pa de sa na ga ai; shaloi anhte gaw Yawdan a sinpraw hkran na anhte a lamu ga sali matut madu lu na ga ai,? ngu nna htan ma ai.
33 Dai rai nna Mawshe gaw Amori Hkawhkam Sihon a, lamu ga yawng hte Bashan Hkawhkam Oga a lamu ga hte de a grup yin na kahtawng ni lawm hkra, Gad hte Rubin a amyu bawsang ni hte Manashe a amyu bawsang ka-ang hkup hte hpe masat ya wu ai.
34 Gad a amyu bawsang ni gaw Dibon, Atarot, Aroera,
35 Atrot Shohpan, Yazera, Yogbeha,
36 Bet Nimra, hte Bet Haran ngu ai bunghku kum ai mare ni hpe bai de da ma ai.
37 Rubin amyu bawsang ni gaw Heshbon, Eleale, Kiriahtim
38 Nebo, Bela Meon ni hte Sibma mare ni hpe de ma ai. Shanhte bai de da ai mare ni hpe mying nnan hte galai shamying da ma ai.
39 Manashe a kasha Mahkira a lakung lama ni mung Gilead mung hpe shang gasat nna dai mung na Amori masha ni hpe shaden kau nhtawm madu la nga ma ai.
40 Mawshe mung Mahkira a lakung lama ni hpe Gilead mung jaw wu ai rai nna dai yang e, shanhte nga nga ma ai.
41 Manashe amyu bawsang hta na Yaira mung dai mung na kahtawng nkau mi hpe htim gasat la lu ai majaw dai shara hpe ?Yaira a kahtawng ni? ngu nna shamying da nga ai.
42 Noba mung Kenat ginwang hte de a kahtawng ni hpe gasat madu la lu wu ai; shi gaw dai hpe Noba ngu nna shi a mying hkan ai hku bai shamying da wu ai.