3
1 Da ndai gaw mare bunghku hpe kaning rai bai galaw da ai lam rai nga ai. Hkinjawng Kaba Eliashib hte shi a hkinjawng manang ni Sagu Chyinghka hpe bai galaw nna dai hpe ap nawng nhtawm de a shara hta chyinghka ni hpe shakap tawn ma ai. Shanhte gaw Latsa Langchyi hte Hananela Langchyi du hkra shangut da lu ai bunghku hpe ap nawng ma ai.
2 Yerihko masha ni mung dai hte yep re ai shara hta galaw ma ai.
Imri a kasha Zahkura gaw dai hte yep kaw galaw nga ai.
3 Hasena amyu lakung gaw Nga Chyinghka galaw ma ai. Shanhte gaw dangbat hte chyinghka ni hpe shara hte shara tawn da ma ai, chyinghka la lu na matu shingla ni hte htinggrang ni hpe shakap da ma ai.
4 Hakoza a kashu, Uria a kasha Meremot gaw dai hte yep re ai daw hpe galaw wu ai.
Meshezabela a kashu, Berehkia kasha Meshulam gaw dai hte yep re ai daw galaw nga ai.
Bana a kasha Zadok gaw dai hte yep re ai daw galaw nga ai.
5 Tekoa mare masha ni gaw dai hte yep re ai daw galaw ma ai, rai ti mung mare a woi awn masha ni mahtang shanhte hpe woi hpareng ai ni masat ya ai lata amu hpe n galaw ma ai.
6 Pasea a kasha Yoiada hte Besodia a kasha Meshulam yan gaw Yeshana Chyinghka hpe bai galaw da ma ai. Shanhte gaw dangbat ni hte chyinghka ni hpe shara hte shara mara tawn da ma ai, chyinghka la lu na matu shingla hte htinggrang ni hpe mung shakap da ma ai.
7 Gibeon kaw na Melatia, Meronot kaw na Yadon, Gibeon hte Mizpa na masha ni gaw dai hte yep hta galaw ma ai. Dai ni gaw Uhprat a Sinna maga up ai nga shara du hkra rai nga ai.
8 Ja janghkam Harhia a kasha Uziela gaw dai hte yep hta galaw nga ai.
Manam pyaw ai baw galaw ai Hanania gaw dai hte yep dam lada ai bunghku du hkra galaw nga ai.
9 Yerusalem ginwang ka-ang hkup up ai Hura a kasha Rehpaia gaw dai hte yep hta galaw nga ai.
10 Haruma a kasha Yedaia gaw dai hte yep rai nga shi a nta makau e galaw nga ai.
Hashabneia a kasha Hatusha gaw dai hte yep hta galaw nga ai.
11 Harim a kasha Malhkiya hte Pahat Moba a kasha Hashut yan gaw dai hte yep re ai daw hte Wan Htung ni a Langchyi hpe galaw ma ai.
12 Yerusalem ka-ang hkup up ai Halohesha a kasha Shalum gaw dai hte yep hta galaw nga ai. (Shi a shayi sha ni dai amu galaw karum ma ai.)
13 Hanun hte Zanoa mare masha ni Kadit Chyinghka galaw ma ai. Shanhte gaw shara hte shara hta chyinghka ni noi da ma ai; chyinghka la na matu shingla ni hte htinggrang ni hpe shakap da ma ai; Maza Chyinghka du hkra pe 1,500 galu ai bunghku hpe mung galaw ma ai.
14 Hahkerim ginwang up ai Rehkab a kasha Malhkiya gaw Maza Chyinghka hpe bai galaw da nga ai. Shi gaw chyinghka ni hpe shara hte shara tawn da nhtawm shingla ni hte htinggrang ni hpe shakap da wu ai.
15 Hkolahoze a kasha Mizpa ginwang up ai Shalum gaw Hka Hpawk Chyinghka hpe galaw wu ai. Shi gaw chyinghka lam hpe galup nna, chyinghka ni hpe shara hte shara tawn da nna shingla ni hte htinggrang ni hpe shakap da nga ai. Hkawhkam sun makau na Shela Hka Lawng bunghku hpe Dawi a Mare kaw nna yu wa ai lakang du hkra galaw da nga ai.
16 Betzura ginwang ka-ang hkup up ai Azbuk a kasha Nehemia gaw dai hte yep kaw nna Dawi a lup, hka lawng hte hpyen dap nta ni de du hkra galaw nga ai.
17 Ndai lawu de na Lewi masha ni gaw bunghku hpe daw hte daw galaw da nga ma ai:
Bani a kasha Rehum gaw dai hte yep re ai shara hpe galaw nga ai;
Dai hte yep hta Keila ginwang ka-ang hkup up ai Hashabia gaw shi a ginwang a matu galaw da wu ai;
18 Keila ginwang a kaga ka-ang hkup up ai Henadad a kasha Bawai gaw dai hte yep hta galaw nga ai;
19 Mizpa mare up ai Yeshua a kasha Ezera gaw dai hte yep re ai hpyen rai tawn da ai nta man kaw nna bunghku jut shara kaw du hkra galaw wu ai;
20 Zabai a kasha Baruk gaw dai hte yep kaw nna Hkinjawng Kaba Eliashib a nta de shang wa ai chyinghka lam de du hkra galaw wu ai;
21 Hakoza a kashu, Uria a kasha Meremot gaw dai hte yep kaw nna Eliashib a nta jahtum jut du hkra galaw wu ai.
22 Ndai lawu de na hkinjawng ni gaw bunghku hpe daw hte daw bai galaw da ai ni rai nga ai:
Hkinjawng ni gaw Yerusalem grup grup shara kaw nna daw hte daw galaw ma ai;
23 Benyamin hte Hashub yan gaw shan a nta man hte yep rai nga ai shara hta galaw ma ai;
shan hte yep hta, Anania a kashu, Masea a kasha Azaria gaw shi a nta ndaw e galaw nga ai;
24 Henadad a kasha Binui gaw Azaria a nta kaw nna bunghku jut du hkra galaw nga ai.
25-26 Uzai a kasha Pala gaw bunghku jut npawt e mung, sin langa a wang makau lahta hkawhkam htingnu a langchyi hpe mung galaw wu ai;
Parosha a kasha Pedaia gaw Hka Chyinghka makau, sinpraw maga na matu hte Nawku Htingnu hpe sin ai langchyi du hkra galaw nga ai. (Dai shara gaw Nawku Htingnu amu galaw masha ni nga ai Ohpela mying ai mare daw mi hte htep rai nga ai.)
27 Tekoa masha ni gaw dai hte yep re ai shara hta galaw ma ai, lahkawng ngu na shara gaw Nawku Htingnu sin ai langchyi kaba hte tawtap hta kra nga ai shara kaw nna, Ohpela mare makau na bunghku du hkra rai nga ai.
28 Hkinjawng hpung langai mi gaw dai hte yep re ai dingdung maga Gumra Chyinghka kaw nna tinang nang a nta man e galaw nga ma ai.
29 Imera a kasha Zadok gaw dai hte yep rai nga ai shi a nta man e galaw nga ai.
Sinpraw Chyinghka sin ai wa Shehkania a kasha Shemaia gaw dai hte htep rai nga ai daw hpe galaw nga ai.
30 Shelemia a kasha Hanania hte Zalahpa a kru ngu na kasha Hanun yan gaw htep re ai daw mi galaw ma ai.
Berehkia a kasha Meshulam gaw dai hte yep re ai shara ngu na shi a nta man na daw mi hpe galaw wu ai.
31 Shi a hpang e, ja janghkam Malhkia gaw Nawku Htingnu amu galaw ai masha ni hte hpaga ga ai ni lang ai nta de du hkra mung, bunghku a sinpraw dingdung jut lahta na gawk makau Miphkad Chyinghka makau du hkra galaw nga ai.
32 Ja janghkam ni hte hpaga ga ai ni gaw jut gawk kaw nna Sagu Chyinghka du hkra hpang jahtum na daw hpe galaw ma ai.