15
(Mrk 7:1-13)
1 Dai shaloi e, Yerusalem mare de na Hparishe ni hte tara Sara nkau mi Yesu kaw sa du nna,
2 ?Na a sape ni gaw hpa majaw anhte a ji wa ni matsun hkrat wa ai ahtung alai ni hpe tawt
lai kau nga ma ta? Shanhte gaw lata atsawm sha
n kashin ai nan, muk sha ma ai!,? ngu mu ai.
3 Shi shanhte hpe htan nna tsun mu ai gaw, ?Taw, nanhte wa gaw, hpa majaw Karai Kasang hkang da ai ga matsun hpe tawt kau nna tinang a htung lai ni hpe hkan nga myit ta?
4 Hpa majaw nga yang, Karai Kasang gaw, ?Na nwa hte nnu hpe hkungga lara di u; bai tinang
a kanu kawa hpe matsa mawa ga tsun ai wa gaw,
teng teng si u ga,? nga nna tsun nga
ai. Ref 15:4: Pru 20:12; 21:17; Trj 5:16; 27:16; Ehp 6:2.
5 Rai ti mung, nanhte mahtang gaw, marai langai ngai hta tinang a kanu kawa hpe
karum madi shadaw na matu arung arai lama
ma lu ti mung, ?Dai gaw Karai Kasang hpe
sak nawng kau ai arai rai mat sai,? nga
nna tsun jang,
6 dai wa gaw kanu kawa hpe karum madi shadaw n ra mat sai, ngu nna nanhte sharin shaga
myit dai. Shing nga nna nanhte gaw tinang
a htung lai hkan lu na matu Karai Kasang
hkang da ai tara hpe shinggan kau myit dai.
7 Sawt ai ni e! Nanhte hte seng nna Karai Kasang gaw Esaia a n-gup hku nna,
8 ?Ndai amyu gaw tinang a nten hte ngai hpe hkungga lara rai ma ti mung,
tinang a myit masin gaw ngai hte kaja wa tsan gang nga malu ai. Ref 15:8:
Esa 29:13; Eze 33:31.
9 Shanhte ngai hpe kaman lila nawku da mi ai,
hpa majaw nga yang,
shanhte gaw masha e galaw la ai ga matsun ni hpe nye a tara ni
hpe zawn sharin shaga nga ma ai nga nna tsun ai ga gaw gade teng nga a hka!,??
ngu nna tsun mu ai.
(Mrk 7:14-23)
10 Shaloi shawa masha ni hpe shi hpang de shaga la nna tsun mu ai gaw, ?Madat mara nna chye
na la mu!
11 N-gup de shang wa ai arai gaw, masha hpe awu asin di kau lu ai n rai, dai n-gup hta
na pru ai mahtang gaw, masha hpe awu asin
di kau nga ai,? ngu mu ai.
12 Shaloi shi a sape ni shi kaw sit sa nna, ?Ya tsun ai ga Hparishe ni na jang, shanhte
myit na machyi ma ai hpe nang chye nga n ni?,?
ngu nna shi hpe san mu ai.
13 Yesu gaw, ?Sumsing lamu e nga ai nye Wa n hkai da ai hpun yawng hte gaw, ru hte nawng baw kau ai hkrum na ra ai.
14 Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun
ai myi kyaw ai ni rai nga ma ai: myi kyaw ai
wa gaw, myi kyaw ai wa hpe lam madun a yang
gaw, shan lahkawng gaw nhkun kata de di hkrat
na mara ai,? ngu mu ai. Ref 15:14: Esa 9:16; Mal 2:8; Luk 6:39.
15 Shaloi Petru gaw, ?Ndai ga shadawn anhte hpe htai dan mi,? ngu nna htan wu ai.
16 Yesu gaw, ?Nanhte ya du hkra masha kaga ni hta jan nna bawnu n zen nga myit dai,
17 N-gup de shang ai arai yawng hte gaw, kan kata du nhtawm, hkum tsan ai shara de kabai
kau ai hkrum nga ai hpe, nanhte n chye na
myit ni?
18 Rai ti mung, n-gup hta na pru wa ai arai ni mahtang gaw myit masin hta na byin pru wa ai
rai nna, dai hte gaw masha hpe awu asin di
kau wu ai. Ref 15:18: Mat 12:34.
19 Hpa majaw nga yang, myit masin hta na masha sat na, num shaw na, n kaja ai arawn alai lam
ni hkan galaw na, lagu na, n teng n man ai
sakse hkam na ngu ai n hkru ai myit mang lam
ni byin wa ai.
20 Dai hte gaw masha hpe awu asin di kau ai lam rai nga ai; lata n kashin ai hte sha ai mahtang
gaw, masha hpe awu asin di kau wu ai n rai,?
ngu mu ai.
(Mrk 7:24-30)
21 Ya, Yesu gaw dai yang na pru nna, Turu hte Sidon mare ni a makau mayang na ginwang hkan
e sa du ma ai.
22 Dai buga shara e nga ai Hkanan amyu numsha langai mi, shi kaw sit sa nna, ?Dawi a Kasha Madu e, ngai hpe matsan dum e law;
nye a shayi sha nat e zingri nna grai
machyi sawng nga ai,? nga nna jahtau let tsun wu ai.
23 Rai ti mung Yesu gaw ga hkaw mi pyi n htan wu ai. Shi a sape ni mung shi kaw sit sa
nna, ?Shi hpe shabawn kau u; shi anhte a
hpang e hkan nang nna marawn jahtau bu nga
ai,? ngu nna shadut mu ai.
24 Shaloi Yesu gaw, ?Israela dap na dam mat wa ai sagu ni a matu sha ngai hpe shangun dat
nngai,? ngu wu ai.
25 Dai numsha mahtang, sit sa wa nna, shi hpe nawku let, ?Madu e, ngai hpe karum la e
law,? ngu wu ai.
26 Yesu gaw, ?Kasha ni a shahpa hpe la nhtawm gwi ni hpe jaw kau na gaw n jaw
nga ai,? ngu nna htan wu ai.
27 Dai num sha mahtang, ?Rai nga ai Madu e, gwi ni gaw tinang a Madu a sha ku hta na
hkrat ai ayun ayaw ngam ni hpe sha mai
nga ai,? nga ai.
28 Dai rai nna Yesu gaw, ?Nang gaw kam sham myit kaba ai numsha rai nga ndai! Nang ra
sharawng ai hte maren byin wa lit ga,? ngu
nna shi hpe htan wu ai. Dai ahkying kaw nna
nan, shi a shayi sha mai mat lu ai.
29 Bai, Yesu gaw dai shara kaw na pru mat wa nna Galile nawng makau hku hkawm sa wa ai. Dai hpang kawng langai mi a ntsa de lung wa nna
dai yang e dung nga ai.
30 Shaloi masha wunawng wuwa kaba shi kaw du sa ma ai hte, lagaw hten ai, myi kyaw ai,
hkum hkrang hten ai ni, n chye shaga ai
hte ana amyu myu kap ai machyi masha kaga
law law hpe shanhte lahku sa ma ai rai nna
Yesu a lagaw nhpang e shayu tawn da ma ai.
Yesu mung shanhte hpe shamai shatsai ya
mu ai.
31 Dai rai nna, n chye shaga ai ni shaga lu ma ai, hkum hkrang hten ai ni mai tsai wa lu ma ai,
lagaw hten ai ni hkawm sa lu ma ai hte, myi
kyaw ai ni myi mu lu ma ai hpe, shawa masha
ni mu ma yang shanhte mau mahka nga ma ai
rai nna, Israela Karai Kasang hpe shakawn
kungdawn shajang ma ai.
(Mrk 8:1-10)
32 Shaloi Yesu gaw shi a sape ni hpe shaga la nna, ?Ndai masha hpung ni hpe ngai matsan
dum nga nngai: Ya masum ya tup shanhte ngai
hte rau nga nga masai rai nna, shahpa mung
n nga ma salu ai; lam hkan e hku gwi n hkrum
mu ga, kawsi nga ma yang, ngai shanhte hpe
n shabawn dat mayu nngai,? ngu mu ai.
33 Sape ni mahtang, ?Ndai daram wa law la ai shawa masha ni hpe daw jaw na matu shahpa law hkra ndai nam mali hta e kanang na lu la na ga ta?,? ngu nna shi hpe tsun mu ai.
34 Yesu gaw, ?Nanhte kaw muk gade wa nga nga a ta?,? ngu nna shanhte hpe san mu ai.
Shanhte gaw, ?Muk tawng sanit hte nga
kaji loi mi nga nga ai,? ngu mu ai.
35 Shaloi shawa masha ni hpe ga hta dung nga na, shi hkang da mu ai.
36 Dai hpang dai muk sanit hte nga ni hpe shi la nna, Karai Kasang kaw chyeju
shakawn ngut jang ahkyep alep di nhtawm
sape ni hpe jaw mu ai: sape ni mahtang
shawa masha ni hpe gam jaw mu ai.
37 Shanhte yawng sha nna hkru kat ma ai. Dai hpang sape ni gaw, ngam ai adaw ahkyep ni
hpe lahkawn la ma yang, ka kaba sanit hpring
dem rai nga ai.
38 Dai sha ai ni gaw, numsha hte ma kaji ni hpe n hti shalawm yang, lasha hkrai hkying mali rai
nga ma ai.
39 Dai shawa masha ni hpe shi shabawn dat nhtawm, li hta shang nna Magadan ginwang hkan e sa du ai.