9
1 Shi matut nna bai tsun mu ai gaw, ?Nanhte hpe ngai teng teng tsun made ga, ya nang e tsap nga ai ni nkau mi, Karai Kasang a Mungdan gaw hpung shingkang n-gun atsam hte de da ai hpe garai n mu mu gaw, si ai n hkrum na ma ai,? ngu mu ai.
(Mat 17:1-13; Luk 9:28-36)
2 Ya kru ya na ai hpang Yesu gaw, Petru. Yaku, Yawhan hte hpe shaga la nhtawm, tsaw ai bum de woi lung wa mu ai rai nna, dai yang e shanhte hkrai rai nga ma ai. Shanhte yu nga yang, Yesu a ahpraw nsam galai mat wa nna, Ref 9:2: Mat 17:1; Luk 9:28.
3 shi a hpun palawng gaw kabrim kabram wa nna nachying hpraw tu wa lu ai, ndai daram hpraw tu hkra ga ntsa na sumpan chyaw ai kadai wa mung n di lu nga ai.
4 Dai hpang sape ni marai masum hte nan Elia yan Mawshe dan pru nna Yesu hte ga shaga hkat nga ai hpe mu ma ai.
5 Shaloi Petru gaw Yesu hpe, ?Sara e, (Rabai e) ndai yang e nga na anhte a matu gade wa kaja nga a hka! Anhte sum masum, na a matu langai, Mawshe a matu langai, Elia a matu langai gap ya na ga ai,? ngu nna tsun wu ai.
6 Shi hte manang yan grai hkrit kahpra nga ma ai majaw, shi hpa tsun na n chye mat wu ai rai nna, shing ngu tsun dat wu ai.
7 Dai hpang sumwi majaw mi dan pru wa nna, de a shingnip hte shanhte hpe ka-up nhtawm, dai sumwi hta na, ndai wa gaw, ngai tsaw ra ai ngai sha rai nga ai, shi a ga hpe madat mara mu nga nna ngoi pru ai.
8 Ya akajawng sha kayin yu yang, Yesu hta kaga shanhte kadai hpe mung n mu manu ai.
9 Ya dai bum de na yu hkrat wa ma yang, Yesu gaw, ?Dai Masha Kasha si ai kaw na garai n rawt rawt gaw, nanhte mu ai hpe kadai hpe mung hkum hkai dan myit,? ngu nna shanhte hpe ginhtim hkang da mu ai. Ref 9:9: Mat 17:9.
10 Shi hkang da ai hpe shanhte madat ma ai, rai ti mung, ?Dai si ai kaw na bai rawt wa na nga ai gaw, hpa nga ai rai lu hka?,? nga nna shanhte shada da tsun bawng hkat nga ma ai.
11 Bai shanhte gaw, ?Elia shawng du sa na ra ai nga nna tara sara ni hpa majaw tsun nga ma ta?,? ngu nna Yesu hpe san mu ai. Ref 9:11: Mal 4:5; Mat 17:10.
12 Shi gaw, ?Arai yawng mayawng shajin da chyalu rai na matu, Elia shawng du sa ai gaw teng nga ai; Rai ti mung dai Chyum Laika ni hta, ?Masha Kasha gaw nni nkri law law hpe mung, ningdang nyet kau ai mung hkrum sha na wu ai,? nga nna hpa rai ka da nga a ta? Ref 9:12: Shk 22:6; Esa 53:2; Dan 9:26.
13 Nanhte hpe ngai tsun made ga, Elia gaw bai du sai rai nna, Chyum Laika ni hta tsun ai hte maren, shanhte gaw tinang a myit ra ai hku, shi hpe di kau manu ai,? ngu mu ai.
(Mat 17:14-21; Luk 9:37-43a)
14 Yesu hte sape ni marai masum gaw kaga sape ni nga ai shara de du wa ma yang, shanhte a grup yin masha wunawng kaba nga nga ma ai hte Tara Sara nkau mi shanhte hte ndang kalang hkat nga ma ai hpe wa mu ma ai.
15 Shawa masha ni Yesu hpe mu hkrup jang shanhte nachying mau mahka mat ma ai hte shi hpang de gat sa nna shakram la ma ai.
16 Yesu gaw sape ni hpe, ?Nanhte gaw, shanhte hte hpa lam ni tsun dangrang hkat nga myit ta?,? ngu nna san mu ai.
17 Shawa masha ni hta na marai langai mi gaw, ?Sara e, ngai sha hpe nang hpang de woi sa ring ngai; shi hta n chye shaga ai nat rawng nga ai.
18 Galoi mi rai rai, dai nat shung ai hte rau ga de kadawng gum pye kau wu ai rai nna, shi hkumbawp lawu ai hte wa udik urin nna shi a hkum ting ja mat lu ai. Dai nat hpe shaden kau ya na matu na a sape ni hpe ngai hpyi mawe ai, rai ti mung shanhte n di lu ma ai,? ngu wu ai.
19 Dai rai nna Yesu gaw, ?Makam masham n rawng ai amyu e! Gade na hkra ngai nanhte hte rau nga nga lu na rai ta? Gade na hkra ngai nanhte hpe hkam sharang nga lu na rai ta? Dai ma hpe ngai hpang de woi sa wa marit,? ngu nna tsun mu ai.
20 Shaloi shanhte gaw dai ma hpe Yesu hpang de woi sa mu ai.
Dai nat gaw Yesu hpe mu hkrup ai shaloi jang ma hpe htan lashan shangun nna shi ga de kadawng taw wu ai hte n-gup hta mung hkumbawp lawu let gumkan galu nga ai.
21 Yesu gaw, ?Shi ndai zawn byin ai gade na sata?,? ngu nna kawa hpe san wu yang, shi gaw,
?Shi naw kaji ai ten kaw nna rai sai,? ngu nna htan wu ai.
22 Nat gaw ma hpe sat kau lu hkra nga, wan hta mung, hka hta mung law law lang kadawng bang shangun wu ai. Madu nang rai lu n yang gaw, anhte hpe matsan dum nna karum la mi law!,? ngu wu ai.
23 Yesu gaw, ?Nang rai lu n yang gaw! ngu nna hpa majaw tsun n ta? Kam sham ai myit rawng ai wa a matu, n byin mai ai lam hpa mung n nga ai,? ngu nna tsun wu ai.
24 Shaloi jang kawa gaw, ?Ngai kam sham nga nngai, rai ti mung nye a kam sham myit n law li ai, grau nna law wa na matu ngai hpe karum matsan dum la rit law!,? nga nna jahtau tsun ai.
25 Yesu gaw shanhte hpang de shawa masha ni kahtep shani sa wa nga ma ai hpe mu wu yang, dai n seng ai nat hpe, ?N chye shaga nna na lahpang ai nat e, ndai ma kaw na pru mat wa u. Htawm hpang e galoi mung bai hkum shang nit!, ngu nna ngai nang hpe hkang da de ai,? ngu wu ai.
26 Nat gaw marawn shabam wa ai hte, ma hpe aja awa bu lashan shangun nhtawm, pru mat wa ai, dai ma mung, si mang langai mi zawn san mat ai hte masha shagu gaw, ?Shi si mat sai,? ngu shajang ma ai.
27 Rai ti mung Yesu gaw, ma a lata hpe jum let shi hpe sharawt wu ai. Shaloi dai ma mung rawt tsap nga ai.
28 Yesu nta nhku de bai shang wa yang, shi a sape ni gaw, ?Anhte hpa rai nat hpe n shaden kau lu ga ta?,? ngu nna mayun san yu mu ai.
29 Yesu gaw, ?Akyu hpyi ai hte sha n rai yang, kaga hpa lai ladat hku nna mung ndai baw nat hpe n shapraw kau lu na re,? ngu nna htan mu ai.
(Mat 17:22-23; Luk 9:43b-45)
30 Yesu hte sape ni gaw, dai shara kaw na pru mat wa nhtawm Galile ginwang hku ga sa wa ma ai. Yesu gaw shi kanang e nga nga ai ngu ai lam kadai hpe mung n chye shangun mayu wu ai.
31 Hpa majaw nga yang, ?Dai Masha Kasha gaw masha ni a lata de ap kau ai hkrum nna, shanhte shi hpe sat kau na maru ai. Rai ti mung masum ya nhtoi a hpang e shi bai hkrung rawt wa na ra ai,? ngu nna shi a sape ni hpe sharin achyin ya da mu ai.
32 Rai ti mung shanhte gaw ndai sharin achyin ai lam hpa ngu mayu ai re hpe n chye na da mu ti mung, shanhte shi hpe san yu na hkrit agam da mu ai.
(Mat 18:1-5; Luk 9:46-48)
33 Shanhte Kaperna-um de du sa wa nna nta nhku de shang rawng nga ma yang Yesu gaw shi a sape ni hpe, ?Nanhte lam hkan e hpa lam tsun bawng dangrang hkat nga myit ta?,? ngu nna san mu ai.
34 Rai ti mung shanhte atsin sha nga ma ai, hpa majaw nga yang, shanhte hta na kadai wa mahtang grau kaba ai wa rai nga ai kun? nga nna lam hkan e shanhte shada da tsun dangrang hkat nga ma ai.Ref 9:34: Luk 22:24.
35 Shaloi Yesu dung nna, sape shi lahkawng hte hpe shaga la nhtawm, shanhte hpe, ?Kadai rai ti mung, nambat langai shara hta nga mayu ai wa gaw yawng a hpang na wa hte, yawng a ali ama tai u ga,? ngu mu ai.Ref 9:35: Mrk 10:43; Mat 20:26-27.
36 Dai hpang ma kaji langai mi hpe shaga la nna shanhte a shawng e shatsap tawn wu ai. Shi gaw ma hpe shi lata lahkawng hte jum ahpum la tawn nhtawm,
37 shanhte hpe, ?Ma kaji ni hta na, ndai zawn re ai ma langai mi hpe nye a mying majaw hkap la ai wa kadai mung, ngai hpe hkap la ai rai nga ai; ngai hpe hkap la ai wa gaw ngai hpe sha hkap la ai n rai, ngai hpe shangun dat ai wa hpe mung hkap la nu ai rai nga ai,? ngu nna tsun mu ai.Ref 9:37: Mat 10:40.
(Luk 9:49-50)
38 Yawhan gaw, ?Sara e, anhte kaw n hkan nang ai masha langai mi, na a mying hte nat ni hpe shaden kau nga ai hpe anhte mu hkrup sagaw ai, rai ti mung shi gaw anhte kaw n hkan nang ai wa re ai majaw anhte gaw shi hpe hkum kau gaw ai,? ngu nna shi hpe tsun wu ai.
39 Yesu gaw, ?Shi hpe hkum hkum myit,? nye a mying gang nna mauhpa lamik kumla langai mi galaw ai hpang, ngai hpe n kaja ai hku alawan tsun lu na masha kadai mung n nga ai.
40 Hpa majaw nga yang, anhte hpe gumlau ai maga e n nga ai wa gaw anhte hpang maga nga ai wa rai nga ai.Ref 9:40: Mat 12:30.
41 Ngai nanhte hpe teng teng tsun made ga, nanhte ngai hte seng ai ni rai nga ai nga nna nanhte hpe ntsin gawm mi jaw lu ai wa kadai mung, shi a shabrai teng teng hkam la lu na ra ai.Ref 9:41: Mat 10:42.
(Mat 18:6-9; Luk 17:1-2)
42 ?Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai rai ti mung, shi a du hta htum rin lung kaba langai mi gyit noi nna, panglai hta kabai bang kau na gaw, shi a matu grau nna mai nga ai.
43 Dai rai nna, na a lata gaw na a makam masham hpe myit kataw shangun a yang gaw, dai hpe kahtam dut kau u! Lata lahkawng ahkum ara hte ngarai mung na n si n krip ai wan hta shang na hta lata maga mi n tu ai hte asak hkrung ai de shang na gaw grau mai nga ai.Ref 9:43: Mat 5:29-30; 18:8.
45 Na lagaw gaw na a makam masham hpe myit kataw shangun a yang gaw, dai hpe kahtam dut kau u! Lagaw lahkawng ahkum ara hte ngarai mung de jahkrat kau ai hkrum na hta, lagaw maga mi n tu ai hte asak hkrung ai de shang na gaw grau mai nga ai.
47 Na a myi gaw, na a makam masham hpe myit kataw shangun a yang gaw, dai hpe malawk kau u! Myi lahkawng maga ahkum ara hte ngarai mung de jahkrat kau ai hkrum na hta, myi maga mi n hkum ai hte Karai Kasang a mungdan de shang na gaw grau mai nga ai.Ref 9:47: Esa 66:24; Mat 5:29.
48 Dai yang e, ?Shanhte hpe, ?sha na byet galoi mung n si mat ai hte wan mung n si n krip chye na rai nga ai.?
49 ?Shagu hkungga langai mi hpe jum bang nna jasan jaseng la ai zawn masha shagu hpe mung wan hte jasan jaseng shangun na ra ai.
50 ?Jum gaw kaja nga ai rai ti mung dai jum hkawng mat a yang gaw nanhte kaning di bai jashum la lu na myit ta?
?Nanhte hta hkau chyap kanawn mazum ngu ai jum rawng nga shangun nhtawm, shada da sim sa ngwi pyaw ai hku nga mu,? ngu nna shanhte hpe tsun mu ai.Ref 9:50: Mat 5:13; Luk 14:34-35; Rom 12:18; Ehp 4:29; Heb 12:14.