6
(Mat 13:53-58; Luk 4:16-30)
1 Yesu gaw dai shara na pru mat wa nna shi a buga mare de wa du ai. Shi a sape ni
mung shi kaw hkan nang nga ma ai.
2 Bansa Nhtoi hta tara jawng e shi sharin shaga hpang nga ai. Dai yang e masha
law law wa nga nga ma ai rai nna, shi a
sharin shaga ai lam hpe na lu ai ni yawng
mau mahka mat ma ai. Ndai wa gaw, ?Dai
hpaji atsam hpe kanang na lu la wu ai
kun? Shi lu ai hpaji machye machyang
gaw hpa baw hpaji rai nga a ta? Shi
gaw lamik kumla ni hpe gara hku galaw
lu ai kun?
3 Shi gaw Mari a kasha laksama wa rai nga ai hte Yaku, Yosep, Yuda, Simun ni a
kahpu shi rai nga ai n rai ni? Shi a
kajan ni mung anhte hte rau nang e nga
nga ma ai n rai ni?,? nga nna san ma ai.
Shing rai shanhte shi a lam myit kataw
nna shi hpe n hkap la ma ai.
4 Yesu gaw shanhte hpe, ?Myihtoi gaw, tinang a buga hta tinang a mayu dama
ni hte, tinang a nta dinghku masha ni
hta lai nna gara shara kaw mung shagrau
hkungga hkrum nga ai,? ngu nna tsun mu
ai.Ref 6:4: Mat 13:57; Yhn 4:44.
5 Shi gaw dai mare hta machyi makaw re ai masha nkau mi a ntsa e lata mara nna
shamai ya ai hta kaga, dai yang e lamik
kumla hpa mung shi n galaw lu wu ai.
6 Dai masha ni hta makam masham n nga ai majaw, shi grai mau nga ai.
(Mat 10:5-15; Luk 9:1-6)
Dai hpang, grup yin hkan na kahtawng ni hta e, shi kawan hkawm nna, masha ni hpe
sharin shaga nga ai.
7 Shaloi dai sape shi lahkawng hte hpe shi shaga la nhtawm, marai lahkawng yep yep
di nna shangun dat mu ai. N seng ai nat
ni hpe dang kau lu na ahkang shi shanhte
hpe jaw mu ai.
8 Bai shi gaw, ?Shanhte hpe dawhkrawng langai mi hta lai nna hkrun lam a matu, lusha mung,
htingpa mung, shingkyit sumbu ni hta gumhpraw
mung, hkum gun hkum lang myit.
9 Hkyepdin ni din mu, rai ti mung palawng lahkawng n kahtap hpun ai sha sa wa mu,?
ngu nna matsun dat mu ai.
10 Dai hta n-ga, ?Gara mare hta rai ti mung, nanhte hpe shawng hkap la ai nta hta, dai
mare kaw na pru wa ai nhtoi du hkra dai
kaw anga nga mu.
11 Nanhte mare langai ngai de du nna dai mare kaw na masha ni nanhte hpe n hkap la
nna nanhte hpe n madat n mara nga ma
yang gaw, nanhte a lagaw lahpan hta
kap ai ga nhpu hpe ahpu sharun kau
da nna dai shara kaw na pru mat wa mu.
Dai gaw shanhte hpe sadi jaw ai lam
tai na ra ai.?? ngu nna kahtap tsun dat
mu ai.k 6:11: Revised Standard Version,
Today's English Version hta n shalawm
tawn ai daw: ??Ngai nanhte hpe teng teng
tsun made ga, dai daw dan ai nhtoi hta
Sodom hte Gomora mare yan gaw nanhte hpe
n hkap la ai mare hta naw chyamai na re
ai!? Ref 6:11: Mat 10:14; Luk 10:10; Kas 13:51.
12 Shaloi shanhte pru sa nna, masha ni hpe shanhte a yubak mara ni kaw na kayin wa
lu na lam hkaw dan mu ai.
13 Shanhte gaw nat law law ni hpe shaden kau mu ai hte machyi masha law law ni
a ntsa e Tsanlun sau hte chya ya nna
shanhte hpe shamai shatsai ya mu ai.
(Mat 14:1-12; Luk 9:7-9)
14 Yesu a lam shiga shara shagu dan hkung chyam bra wa ai rai nna Herod l 6:14: Herod: Galile Ginwang ting hpe up ai
Herod Antipa rai nga ai. hkawhkam gaw
dai lam mahkra hpe na lu wu ai. Masha
nkau mi gaw, Yesu hpe, ?Hkalup Sara
Yawhan si ai kaw na bai hkrung rawt wa
ai wa re! Dai majaw she shi gaw lamik
kumla ni hpe galaw lu nga ai,? nga nna
tsun ma ai.Ref 6:14: Mat 14:1; Luk 9:7.
15 Kaga ni mahtang, ?Shi gaw Elia rai nga ai, bai kaga ni gaw, moi na myihtoi langai
mi zawn, myihtoi bai paw pru ra ai,? nga
shajang ma ai.
16 Dai lam Herod na lu ai shaloi, ?Ndai wa gaw Yawhan nan rai sai! Ngai shi hpe
htau sat kau se ai, rai ti mung shi bai
hkrung wa ra ai!,? nga nna tsun ai.
17 Hpa majaw nga yang Herod shi nan Yawhan hpe rim la shangun nhtawm htawng hta gyit bang nna sharen da nu ai. Herod shing rai
galaw ai lam gaw, shi a kanau Hpilip a
madu jan Herodia hpe hkungran la ai
majaw rai lu ai.
18 Yawhan gaw Herod hpe, ?Nang gaw na nnau a madu jan hpe n mai hkungran la ai!,? ngu
nna daru ru di da wu ai.
19 Dai majaw Herodia gaw Yawhan hpe n ju da wu ai hte sat kau mayu wu ai, rai ti mung
Herod a majaw shi hpa n di lu wu ai.
20 Yawhan gaw, ding hpring ai hte chyoi pra ai wa rai nga ai hpe Herod chye wu ai majaw,
shi hpe hkrit kamyin ai hte makawp maga
nga ai. Herod gaw Yawhan a sharin shaga
ai ga na lu ai ten shagu shi a myit hta
grai ung ang shangun ai rai tim, shi a
ga na la na grai ra nga ai.
21 Hpang jahtum Herodia gaw shi a matu ahkaw ahkang kaja lu la wu ai. Herod a shangai
nhtoi shani hta e, shi gaw asuya ningbaw
ningla ni, hpyen du kaba ni, hte Galile
mung na dan hkung ai mung masha agyi salang
ni yawng a matu shana shat sha poi langai
mi galaw daw nga ai.
22 Dai shana, shat sha poi de Herodia a shayi sham 6:22: Herodia a shayi
sha: Manuscripts nkau mi hta Herod a
shayi sha ngu nna ka da ma ai. shang
nna ka hkalum nga ai rai nna Herod hte
shi hte rau dung nga ai manam ni hpe yu
ra shangun da mu ai. Shing rai Hkawhkam
wa gaw numsha hpe, ?Nang hpa baw ra n ta?
Nang tsaw matsaw hpa rai ti mung ngai nang
hpe jaw na de ai,? ngu nna tsun wu ai.
23 Dai hta n-ga, ?Nang ngai kaw hpyi mahpyi, nye a mungdan ka-ang hkup du hkra
pyi ngai nang hpe jaw na de ai,? ngu nna
law law dagam tsun wu ai.
24 Dai rai nna dai numsha pru wa nhtawm, shi a kanu hpe,
?Ngai hpa hpyi na we ta?,? ngu nna san wu yang, kanu gaw, Hkalup Sara Yawhan a
baw hpe hpyi u,? ngu wu ai.
25 Shaloi jang dai numsha gaw, hkawhkam wa hpang de tin tin shang nna,
?Hkalup Sara Yawhan a baw hpe ban hta e
bang nna nang ngai hpe ya jang jaw na,
ngai ra nga nngai!,? ngu nna hpyi wu ai.
26 Hkawhkam wa chyawm gaw, ja ja myit yawn nga timung, rau dung rau hpawng nga ai
manam ni a man e shi dagam tsun kau ai
ga ni a majaw numsha hpe shi n ningdang
kau lu wu ai.
27 Dai re ai majaw hkawhkam wa gaw, sin nga ai hpyen la langai mi hpe kalang
ta shangun dat nna, Yawhan a baw hpe
la sa na hkang dat wu ai.
28 Shaloi hpyen la wa sa wa nna, htawng hta na Yawhan a baw hpe daw nhtawm ban
hta e la wa nna dai numsha hpe ya dat
wu ai: numsha mung kanu hpe dai ap ya wu ai.
29 Yawhan a sape ni dai lam na mu yang, shanhte sa nna, dai moi mang hpe la
mat wa nhtawm lup hta e bang da ma ai.
(Mat 14:13-21; Luk 9:10-17; Yhn 6:1-14)
30 Kasa ni gaw Yesu kaw wa zup nna, shanhte galaw sai lam hte sharin shaga ai lam
yawng mayawng shi hpe shana dan mu
ai.
31 Shawa masha ni law law sa sa wa wa rai nga ma ai majaw Yesu hte shi a sape
ni shat sha na aten pyi n lu da mu ai.
Dai rai nna shi gaw shanhte hpe, ?Anhte
nan shim ai shara langai ngai de pru wa
saga, dai yang e anhte hkrai rai na rai
nna nanhte loi mi hkring sa la lu na rai
nga ai,? ngu nna tsun mu ai.
32 Dai rai nna shanhte hkrai li langai mi hte machyi shim ai shara langai mi de pru sa wa ma ai.
33 Rai ti mung shanhte pru sa mat wa ai hpe masha law law mu mada dat nna shanhte
kadai ni re ai hpe kalang ta chye yu mu
ai majaw; mare shagu hkan na ni hkarang
lam hku shawng de gat lai sa wa nna Yesu
hte sape ni a shawng e dai shara de du ma ai.
34 Yesu li kaw na pru lung wa yang, masha wunawng kaba hpe shi mu mada wu ai shaloi
shanhte gaw sagu rem ai wa n lawm ai
sagu ni zawn rai nga ma ai majaw shi
a myit masin hta shanhte hpe matsan dum
ai myit hte hpring nga lu ai; dai rai
nna shi shanhte hpe lam law law sharin
shaga hpang wu ai.
35 Ya jan du wa magang sayang, sape ni Madu kaw sit sa nna, ?Ya jan grai du
mat wa sai, ndai yang masha n nga ai
nam mali shara mung rai nga ai.
36 Dai rai nna grup yin kahtawng ni hte yi sun hkan na nta dinghkrai ni de shanhte
a matu shahpa lama ma sa mari la mu ga,
masha ni hpe shabawn dat u,? ngu nna
tsun mu ai.
37 Yesu gaw, ?Nanhte nan shanhte hpe sha hpa lama ma jaw mu,? ngu nna htan wu
ai, shanhte gaw,
?Anhte sa nna gumhpraw lap lahkawng tsa hte shanhte hpe muk mari jaw na
rai kun?,? ngu nna shi hpe san mu ai.
38 Dai rai nna Yesu gaw, shanhte hpe, ?Nanhte muk gade lu nga myit ta? Sa
yu mu,? ngu nna san mu ai.
Shanhte chye jang, ?Muk tawng manga hte nga lahkawng sha rai nga ai,? ngu nna shi
hpe tsun mu ai.
39 Yesu gaw, ?Dai Masha ni yawng hpe hpung hte hpung di garan nna tsit lali ai tsingdu
pa e dung nga shangun na matu sape ni hpe
htet da wu ai.
40 Shing rai masha ni gaw latsa tsa hte manga shi shi di nna yan mi hte yan
mi dung nga ma ai.
41 Shaloi dai muk manga hte nga lahkawng hpe shi la nna lamu de mada yu let
Karai Kasang kaw chyeju shakawn wu ai.
Muk tawng ni hpe shi ahkyep alep nhtawm
shawa masha ni hpe garan jaw na matu shi
a sape ni e jaw da mu ai. Shi gaw dai nga
lahkawng hpe mung shanhte yawng gu hkra
garan jaw mu ai.
42 Masha shagu sha nna hkru kat ma ai.
43 Dai hta n ga, ngam nga ai muk hte nga ahkyep alep ni hpe sape ni hkan lahkawn
la yang, mung ka shi lahkawng hpring dem
rai nga ai.
44 Muk sha ai ni chyawm gaw lasha hkrai hkying manga ting rai nga ma ai.
(Mat 14:22-33; Yhn 6:15-21)
45 Yesu gaw shawa masha ni hpe shabawn dat nga yang, shi a sape ni hpe mung shaloi
jang li hta shang nna shi a shawng e
nawng wora hkran Betsaida mare de rap
sa wa shangun dat mu ai.
46 Shawa masha ni hpe shakram dat ngut jang akyu hpyi na matu bum langai mi de shi
lung wa sai.
47 Shana du yang, dai li gaw nawng ka-ang e rai nga ai. Yesu chyawm gaw shi chyu sha
hkarang kawng e rai nga ai.
48 Nbung hpe ninghkap nna yak yak hkak hkak rai li hpe shap ra ai majaw sape ni kyin
nga ma ai hpe shi mu mu yang, jahpawt hkying
masum hte kru lapran nawng ntsa e hkawm
let shanhte hpang de shi sa du ai. Madu gaw
shanhte hpe lai kau da na hkyen nga ai.
49 Rai ti mung shanhte gaw shi nawng ntsa e lam hkawm nga ai hpe mu mu yang, ?Dai gaw
minla she rai nga ai!,? ngu nna shanhte myit
nawn ai hte jahtau marawn ma ai.
50 Shanhte shi hpe mu lu ma yang hkrit kahpra mat ma ai. Shaloi jang shi shanhte
hpe ga shaga nna, ?Ngwi pyaw nga myit ga!,
ngai she rai nngai. Hkum hkrit myit!,?
ngu mu ai.
51 Dai hpang dai li de, shi shanhte kaw shang nna dai nbung num mat wa ai,
Sape ni nachying wa mau mahka nga ma ai.
52 Hpa majaw nga yang, dai masha hkying manga hpe muk daw jaw ai lam a lachyum
majing hpe shanhte n chye na nga ma ai
hte shanhte a machye machyang gaw
dai hpe chye na na atsam n nga malu
ai.
(Mat 14:34-36)
53 Shanhte nawng hpe rap nna Genesaret ngu ai danam de du ma yang, dai yang e shanhte a li hpe gyit dun kau da mu ai.
54 Dai li hta na shanhte pru wa ai shaloi jang masha ni Yesu hpe chye yu dat mu ai.
55 Dai rai nna, shanhte gaw ginwang ting gat kahkrang hkawm nhtawm machyi makaw
hkrum ai ni hpe hpun nba panep ni hte
nawng, shi nga ai lam na lu ai shara
shagu de, hpai sa du ma ai.
56 Dai hta kaga, Yesu sa du hkawm ai shara shagu, mare, kahtawng ningchyawng hkan
na masha ni gaw machyi ai masha ni hpe
gat shara ni de woi sa nna shi a hpun
palawng ban byau matu sha pyi shanhte
hpe ahtawk la shangun na matu ahkang
hpyi nem ya mu ai: Shi hpe ahtawk lu ai
ni yawng nan, mai tsai mat wa ma ai.