16
(Mat 28:1-8; Luk 24:1-12; Yhn 20:1-10)
1 Ya Bansa Nhtoi lai mat jang, Magdala Mari yan Yaku a kanu Mari hte Salome gaw, dai moi mang hpe sa chya ya na matu manam pyaw ai sau sa mari ma ai.
2 Laban shani jahpawt jau jau e, jan pru wa ai ten hta, shanhte gaw dai lup de sa wa ma ai.
3 Lam e sa wa nga yang shanhte gaw, ?Lup mahka kaw na nlung hpe anhte a matu kadai wa galau kau ya na a ta?,? nga nna shanhte shada da tsun hkat ma ai. (Dai gaw grai kaba la ai nlung rai nga ai.)
4 Shanhte yu dat yang, dai nlung gaw galau mat nga chyalu rai nga la ai hpe shanhte mu ma ai.
5 Dai rai nna, shanhte lup kata de shang yu mu yang, dai kaw hpraw tu ai nba lawai nna hkra maga de dung nga ai shabrang langai mi hpe shanhte mu ma ai. Dai shaloi shanhte hkrit kajawng mat ma ai.
6 Shi gaw, ?Hkum hkrit kajawng myit, wudang hta jen da sai Nazaret wa Yesu hpe nanhte tam nga myit dai hpe ngai chye nga nngai. Shi nang e n nga sai, shi gaw si ai kaw na hkrung rawt wa sai! Yu mu, ndai kaw shanhte shi hpe bang da ma ai.
7 Ya nanhte sa nna, Petru hte hpawn shi a sape ni hpe, ?Nanhte a shawng e Galile mung de shi sa wa na ra ai, shi nanhte hpe tsun da sai hte maren shi hpe mu hkrum na marin dai,? ngu nna ndai shiga wa tsun masu,? ngu nna tsun mu ai.Ref 16:7: Mrk 14:28; Mat 26:32.
8 Shaloi dai numsha ni gaw hkrit kahpra ai hte myit ru ung ang let dai lup kaw na pru wa nna hprawng mat wa ma ai. Shanhte hkrit kajawng nga ma ai majaw kadai hpe mung hpa n tsun ma ai.Ref 16:8: Mat 28:8; Luk 24:9.
(Mat 28:9-10; Yhn 20:11-18)
[
9 Laban shani jahpawt jau jau e, Yesu hkrung rawt wa ai hpang, nat sanit hte hpe shaden kau ya nna shamai shatsai hkrum ai Magdala Mari hpe shi hkum shawng shadan dan wu ai.y Mrk 16:9-20: Ndai daw: Ndai daw hpe lata hte ka da ai Chyum Laika (Manuscripts) ni hte bai ka gale da ai (versions) ni law malawng hta shalawm da ai hpe mu lu ai. Rai ti mung moi de grau shanang dik ai Grik hku lata hte ka da ai Ga Shaka Ningnan Chyum Laika lahkawng hta n shalawm da ma ai. Dai Chyum Laika yan gaw, tsa ning 4 hta ka ai Codex Vaticanus hte Codex Sinaiticus rai nga ma ai. Dai hpang A.D. 4-5 hta ka ai: Latin manuscript laika dingsa hta mung Syriac Kabu Gara Shiga laika hta mung, Armenian Chyum Laika hta mung Ethiopic hte Georgian Versions ni hta mung n shalawm da ma ai. Hpa majaw nga yang, Marku a laika majing gaw 16:8 hta htum sai. 16:9-20 gaw kaga ni ka ai kaw na hta shachyaw jat la ai re ngu nna dinglun hkrum ai daw rai nga ai.
10 Shi pru sa nna Yesu kaw hkan nang yu ai ni hpe shana ya wu ai. Shanhte gaw sharung shayawt hkrap ngu hkrap ngoi rai nga ma ai.
11 Shi gaw ahkrung nga ai hte shi hkum nan Madu hpe mu la sai lam shi tsun dan ai hpe na ma yang shanhte n kam n sham ma ai.
(Luk 24:13-35)
12 Dai hpang, shanhte hta na marai lahkawng hpe, nam kahtawng de shanhte hkawm sa wa nga ai hkrun lam e ahpraw nsam kaga di nna shadan dan mu ai.
13 Shan gaw bai wa nna kaga ni hpe shana ya mu ai rai ti mung shanhte n kam ya mu ai.
(Mat 28:16-20; Luk 24:36-49; Yhn 20:19-23, Kas 1:6-8)
14 Yawng a hpang jahtum e Yesu gaw sape shi langai hte hpe shanhte shat sha nga ma yang shadan dan mu ai. Shi si ai kaw na bai hkrung rawt wa sai lam mu lu ai ni a ga hpe nan n kam ma ai hte myit ja nga ma ai majaw shanhte hpe daru kau wu ai.
15 Bai shi shanhte hpe, ?Nanhte mungkan ting chyam hkra hkawm sa nna shinggyim masha amyu baw shagu hpe, dai Kabu Gara Shiga hkaw dan mu.Ref 16:15: Mat 28:19; Yhn 15:16; Kol 1:23.
16 Kam sham nna hkalup hkam la ai wa kadai mung hkye hkrang la ai hkrum na ra ai. N kam n sham ai wa kadai mung daw dan kau ai hkrum na ra ai.
17 Kam sham ai ni hpe lamik kumla ni galaw na atsam jaw ya na ra ai; shanhte gaw nye a mying ningsang hte nat ni hpe shaden kau lu na mara ai; shanhte gaw laklai ai ga ni tsun shaga na mara ai.
18 Shanhte gaw lapu ni hpe hta jum ma ti mung shing n rai hpa baw gung lu ma timung, shanhte hta hpa n hkrum na ma ai; machyi makaw hkrum ai ni a ntsa e shanhte lata ni hpe mara ya nna mai tsai wa shangun na mara ai. ngu nna matsun dat mu ai.?
(Luk 24:50-53; Kas 1:9-11)
19 Shing rai Madu gaw, shanhte hpe ga tsun da ai hpang, sumsing lamu de shalun la ai hkrum nna, Karai Kasang a hkra maga de dung nga ai.Ref 16:19: Shk 110:1; Luk 24:51; Kas 1:2,3; 7:55.
20 Sape ni mung pru sa nna shara shagu hkaw tsun ma ai. Dai Madu mung, shanhte hte rau amu galaw nna shanhte hkaw tsun ai mungga teng man nga ai lam sakse madun na matu shanhte hpe, lamik kumla ni galaw lu na atsam jaw da mu ai.]
9 [Numsha ni gaw Petru hte shi a manang ni kaw sa nna shanhte hpe tsun dan sai lam ni yawng hte hpe kadun ai hku hkai dan mu ai.
10 Dai hpang Yesu gaw, shi a sape ni hku nna shi a htani htana hkye hkrang la ai hte chyoi pra ai hte agrin nga ai Kabu Gara Shiga hpe sinpraw sinna shara shagu de shachyam shabra dat wu ai.]