20
(Mat 21:23-27; Mrk 11:27-33)
1 Lani mi hta Yesu gaw, Nawku Htingnu hta masha ni hpe sharin shaga nga ai hte Kabu Gara Shiga hkaw tsun nga yang, hkinjawng agyi ni, Tara sara ni hte agyi salang ni gaw shi hpang de sa ma ai.
2 Shanhte gaw, ?Nang gaw hpa ahkang hte ndai amu ni hpe galaw nga nta? Ndai ahkang nang hpe kadai wa jaw a ta?,? nga nna shi hpe san ma ai.
3 Yesu gaw, ?Ya ngai mung nanhte hpe ga san langai mi san yu made ga, nanhte htan ya yu mi.
4 Yawhan a hkalup jaw na ahkang aya gaw, Karai Kasang kaw na rai ni? Shing n rai, masha kaw na rai ni?,? ngu nna shanhte hpe san mu ai.
5 Shanhte gaw, shanhte a kata e tsun htai lai nna, anhte kaning ngu tsun na rai ta? Lamu de na re ai anhte ngu yang mung, dai rai yang gaw hpa rai Yawhan hpe n kam myit ta?, nga nna shi tsun na ra ai.
6 Bai masha hta na re ai, ngu yang mung, ya nang e nga ai shawa masha ni yawng, anhte hpe nlung hte kabai sat na mara ai, hpa majaw nga yang, shanhte gaw, Yawhan gaw myihtoi re ai,? nga nna kam nga ma ai.Ref 20:6: Luk 7:29; Mat 14:5; 21:26.
7 Dai majaw shanhte gaw, ?Kanang na re ai gaw anhte n chye ga ai,? ngu nna htan mu ai.
8 Yesu gaw, ?Ndai amu ni hpe ahkang hte ngai galaw nngai gaw, ngai mung nanhte hpe n tsun dan na nngai,? ngu nna shanhte hpe tsun mu ai.
(Mat 21:33-46; Mrk 12:1-12)
9 Dai shaloi Yesu gaw, masha ni hpe ndai ga shadawn tsun mu ai gaw, ?Kalang mi na masha langai mi gaw, sabyi sun langai mi hkai lajang da nna, sun galaw sha ai ni hpe shap ya da nhtawm, na na wa pru sa mat wa ai.Ref 20:9: Mat 21:33; Mrk 12:1.
10 Sabyi si di ai aten du jang, shi gaw mayam langai mi hpe, sabyi sun shap galaw sha ai ni kaw dat dat nna, sabyi mangai hta na shi lu la ang ai hkambum jaw manit, ngu nna sa hpyi shangun wu ai. Rai ti mung sun galaw ai ni gaw, dai mayam hpe anu kayat nna, kaman dat dat mu ai.
11 Bai mayam kaga hpe shangun dat wu ai, dai wa hpe mung shanhte anu kayat nna, kaya kahpa di zingri nhtawm, kaman dat dat mu ai.
12 Dai hpang, masum ngu na mayam hpe bai shangun dat wu ai, dai wa hpe mung ahpye alam nma kap hkra di nna shinggan de kabai shapraw kau mu ai.
13 Shaloi sabyi sun madu wa gaw, ?Ngai kaning di na i? Ngai tsaw ra ai ngai sha hpe ngai shangun dat yu na we ai. Kaja wa shi hpe gaw shanhte hkrit hkungga na ma ai nhten!,? nga nna tsun ai.
14 Rai ti mung, sun galaw ai ni dai kasha wa hpe mu jang, ?Ndai wa gaw sun madu a kasha rai nna, sali wunli dagraw na wa rai nga ai. Dai sali wunli anhte lu la ya hkra, shi hpe sat kau ga,? nga nna shada da bawng la nhtawm,
15 sun madu a kasha hpe shinggan de shapraw nhtawm sat kau mu ai.
?Dai majaw, sabyi sun madu gaw, shanhte hpe kaning di na wu ta?,? ngu nna shanhte hpe Yesu san mu ai.
16 ?Shi sa nna dai sun galaw ai ni hpe sat kau nhtawm, dai sun hpe masha kaga a lata de bai htawt shap ya na ru ai,? ngu mu ai.
Dai ga na ai ni gaw, ?Dai hku n rai u ga,? nga ma ai.
17 Yesu shanhte hpe mada yu let,
?Dai rai yang gaw, wahpang gaw ai ni lata kau ai nlung gaw,
njut shahtum na nlung tai wa sai,? nga nna ka da ai chyum ga gaw hpa nga ai rai ta?Ref 20:17: Shk 118:22; Mat 21:42.
18 Dai nlung ntsa hta hkrat ai wa kadai mung, ashin ashan rai hkra daw hten mani mat na ra ai, gade a ntsa e rai ti mung dai nlung hkrat bun yang gaw, dai wa gaw shingmun shingmaw ayun mani mat na ra ai,? ngu nna tsun mu ai.
(Mat 22:15-22; Mrk 12:13-17)
19 Dai ga shadawn hpe tara sara ni hte hkinjawng agyi ni hpe sha-ang nna tsun ai re hpe shanhte chye ma ai majaw, dai ahkying hta pyi shi hpe rim la na maw ma ai; rai ti mung shanhte shawa masha ni hpe hkrit da mu ai.
20 Dai majaw shanhte gaw ahkaw ahkang ginjang langai mi tam ma ai. Shanhte gaw madu a ga hta mara tam nhtawm, Madu hpe ahkang aya atsam lu ai Roma munggyi a lata de ap kau lu na matu ding man hpyi hpun masu ai kin-yu masha ni hpe mayun kumhpa jaw nna Madu hpang de shangun dat ma ai.
21 Dai kin-yu ni gaw, ?Sara e, nang tsun sharin shaga ai lam ni gaw teng man nga ai hpe anhte chye ga ai. Nang gaw masha langai mi a arawng aya madang hpe myi man n tau ai sha, masha a matu Karai Kasang a myit ra ai lam hpe teng man ai hku sharin shaga ndai gaw anhte chye ga ai.
22 Anhte gaw Roma hkawseng wa kaw hkanse mai bang ga ni? N mai bang ga ni? Bang yang anhte a jep ai Tara hte anhte a matu nhtan shai a ni?, tsun dan mi,? ngu nna shi hpe san yu mu ai.
23 Rai ti mung Yesu gaw, shanhte a myit magaw hpaji daw ai lam hpe mu chye ya mu ai rai nna shanhte hpe,
24 ?Gumhpraw lap mi ngai hpe madun yu mi: gade a myi man hte mying kap nga a ta?,? ngu nna san mu ai. Shanhte gaw, ?Kehta a re nga ai,? ngu mu ai.
25 Dai majaw Yesu gaw, ?Rai sa, dai rai yang gaw, hkawseng hte seng ai hpe hkawseng hpe jaw mu; Karai Kasang hte seng ai hpe Karai Kasang hpe jaw mu,? ngu nna shanhte hpe tsun mu ai.
26 Shanhte gaw dai shara kaw mung masha ni a man e shi a ga hta na mara n mu ma ai hte shi htan ai ga majaw, mau nna atsin sha nga ma ai.
(Mat 22:23-33; Mrk 12:18-27)
27 Dai shaloi, masha gaw si ai kaw na bai hkrung rawt wa na n rai, nga nna kam ai hte tsun ai Saduke m 20:27: Saduke (Sadducees): Law malawng hkinjawng ni lawm ai hku hpaw da ai hpung kaji sha rai tim grai dan hkung ai nawku htung hte seng ai hpung langai mi re. Shanhte a kam sham ai lam hpe (Torah) ngu ai Tara Laika Manga hta maju jung tawn ma ai. Shanhte gaw, (1) Bai hkrung rawt ai lam hpe mung, (2) si ai hpang akyu hkam la na shing n rai ari hkrum na ngu ai makam masham masa (theory) hpe n hkap la ma ai. Shanhte gaw Roma asuya a lam masa (Policies) ni hpe hkap la ai ni (Asuya hpe madi shadaw ai hkinjawng party) rai ma ai.* nkau mi gaw Yesu kaw sa du nna,Ref 20:27: Mat 22:23; Mrk 12:18; Kas 23:6,8.
28 ?Sara e, ?num lu ai kahpu wa, kashu kasha n kap ai si mat wa yang gaw, kahpu a gaida hpe kanau wa hta nna kahpu a matu mara shachyaw u ga,? nga nna Mawshe gaw anhte a matu ka da ya mani ai.Ref 20:28: Trj 25:5.
29 Kalang mi na ning re ai yan nau ni marai sanit nga ma ai, kahpu kaba wa num la nna matu mara n kap ai, si mat wa ai.
30 Hpang na wa mung, masum ngu na wa mung dai kahpu a gaida hpe hta ma ai.
31 Dai zawn marai sanit du hkra, matu mara n kap ai hkrai, si mat wa ma ai.
32 Hpang jahtum num dai mung si mat wa ai.
33 Dai rai nna, dai si ai kaw na bai hkrung rawt ai shani, dai numsha gaw dai ni hta na gade a madu jan mahtang tai na rai ta? Hpa majaw nga yang, marai sanit a madu jan tai yu sai,? ngu nna shi hpe san yu mu ai.
34 Yesu gaw, ?Ndai dinghta ga na masha ni gaw hkungran nna htinggaw rawn ai hte num la num ya rai ma ai.
35 Rai ti mung, si ai kaw na bai hkrung rawt wa nna sumsing lamu Mungdan de shang na gingdan ai masha ni gaw, htinggaw rawn ai hte num la num ya ngu ai n nga ma ai.
36 Shanhte gaw lamu kasa ni hte bung na mara ai rai nna, si hkrung si htan ngu ai shanhte hta nga sana n rai. Shanhte gaw si ai kaw na Karai Kasang e jahkrung sharawt la hkrum ai re ai majaw, Karai Kasang a kasha ni rai nga ma ai.
37 Mawshe gaw, si mat sai ni bai hkrung rawt wa ai lam dan dan leng leng sakse madun nga ai. Wan hkru nga ai singwum a lam ka da ai hta, shi gaw Madu hpe, ?Abraham a Karai Kasang, Isak a Karai Kasang, Yaku a Karai Kasang,? nga nna tsun nga ai.Ref 20:37: Pru 3:6.
38 Karai Kasang gaw si nga ai ni a Karai Kasang n rai, hkrung nga ai ni a Karai Kasang she rai nga ai, yawng mayawng hte gaw shi hta e ahkrung nga ma ai,? ngu nna shanhte hpe htan mu ai.
39 Shaloi Tara sara nkau mi gaw, ?Sara e, nang htan ai ga gaw grai jaw ai mahtai rai la sai!,? nga nna tsun pru wa ma ai.
40 Hpa majaw nga yang, dai ni gaw Madu hpe hpa ga san mung bai n san wam mat ma ai.
(Mat 22:41-46; Mrk 12:35-37)
41 Yesu gaw shanhte hpe, ?Meshia gaw Dawi a kasha rai nga ai nga nna shanhte kaning rai tsun lu nga ma ta?
42 Hpa majaw nga yang, Dawi shi nan, Shakawn Kungdawn laika hta,
?Dai Madu nye a Madu hpe tsun wu ai gaw,
43 na a hpyen ni hpe, na a lagaw nhpang e lagaw kabye lahkum ngai shatai kau ai du hkra,
nye a hkra maga de dung nga u, nga ai,? ngu nna tsun mu ai.Ref 20:43: Shk 110:1; Kas 2:34.
44 Dawi gaw, Meshia hpe, ?Madu? ngu ai rai yang, shi a kashu kasha kaning rai nna me rai lu na a ta?,? ngu nna tsun mu ai.
(Mat 23:1-36; Mrk 12:38-40)
45 Madu gaw, shawa masha ni yawng shi tsun ai hpe madat nga ma yang, shi a sape ni hpe,
46 Tara Sara ni hpe sadi nga mu, shanhte palawng galu bu hpun let hkawm sa mayu nna, gat hkan hkungga let shachyen shaga la na hpe ra ma ai hte tara jawng hkan na reng grau ai dung shara ni hte lusha poi hta kaja htum ai shara ni hta dung na sharawng ai hta n ga,
47 gaida gaina ni a dum nta arung arai ni hpe mya lu mya sha nna, hpyi hpun ai hte galu galang akyu hpyi ma ai! Shanhte hkam la na ari gaw laja lana sawng ai hkrai rai na mara ai,? ngu wu ai.