22
(2Hl 18:2-27)
1 Israela hte Suri yan a lapran e lahkawng ning tup ngwi pyaw sim sa nga ai lam nga nga ti mung,
2 masum ning ngu na shaning hta Yuda Hkawhkam Yehoshahpat gaw Israela Hkawhkam Ahab hpang de sa yu wu ai.
3 Ahab gaw shi a du salang ni hpe, ?Suri hkawhkam a lata na Gilead mung na Ramot mare bai lu la na matu anhte hpa mung n galaw kau sagaw ai gaw hpa majaw rai nga a ta? Dai gaw anhte hte seng ai mare rai nga a hka!,? ngu nna san wu ai.
4 Ahab gaw Yehoshahpat hpe, ?Ramot mare hpe htim gasat na matu, nang ngai hte rau pru sa na ndai kun?,? ngu nna san wu ai.
Yehoshahpat mung, ?Nang jin jang, ngai mung jin nga nngai; ndai ni gaw nye a hpyenla ni hte nye a gumra dap ni rai nga ai.
5 Rai ti mung dai Madu hpe shawng naw san yu ga,? ngu nna htan wu ai.
6 Dai re ai majaw Ahab mung myihtoi mali tsa daram hpe shaga jahpawng tawn nhtawm shanhte hpe, ?Ramot mare hpe ngai sa htim gasat ang na kun?,? ngu nna san yu wu ai.
Shanhte mung, ?Dai mare hpe htim gasat manu; dai Madu gaw nang hpe awng padang jaw na ra ai,? ngu nna htan mu ai.
7 Rai ti mung Yehoshahpat chyawm gaw, ?Anhte dai Madu hpe san yu lu na lam, kaga myihtoi naw nga nga a ni?,? ngu nna san wu ai.
8 Ahab chyawm gaw, ?Imla a kasha Mihkaia langai mi naw nga nga ai. Rai ti mung shi chyawm gaw nye a matu mai kaja ai lam galoi mung myihtoi n htoi ya ai majaw ngai n dawng nngai. Lama mi hta ra ra sha arai nga ai,? ngu nna htan wu ai.
Yehoshahpat mung, ?Dai lam nang n tsun sanu ga law!,? ngu nna tsun htang wu ai.
9 Dai hpang Ahab gaw hkaw wang na du salang langai mi hpe shaga la nhtawm Mihkaia hpe kalang lata sa woi la na matu hkang dat wu ai.
10 Hkawhkam lahkawng yan gaw hkawhkam hpun palawng bu hpun let Samari mare chyinghka shinggan na chyarang pa e shan a tingnyang ni hta dung nga ma ai; myihtoi ni yawng mung shan a man e htoi shajang nga ma ai.
11 Shanhte hta na Hkenana a kasha Zedekia gaw hpri nrung ni hpe galaw la nna Ahab hpe, ?Da ndai gaw dai Madu tsun ai lam rai nga ai: ?Ndai nrung ni hte Suri masha ni hpe gasat u; shaloi shanhte hpe tsep kawp dang kau lu na ndai,?? ngu nna tsun wu ai.
12 Kaga myihtoi ni yawng mung dai hte maren tsun ma ai. Shanhte gaw, ?Ramot mare hpe lung gasat mu, dang la na ra ai; dai Madu mung nan hpe awng padang jaw ya na ra ai,? ngu nna tsun mu ai.
13 Dai aten hta, Mihkaia hpe sa shaga ai du salang wa gaw shi hpe, ?Kaga myihtoi ni yawng mung hkawhkam wa awng dang na lam htoi ya masai, nang mung dai hte maren sha htoi lu yang grau kaja nga ndai,? ngu nna tsun wu ai.
14 Rai ti mung Mihkaia mahtang, ?Ngai gaw shi e ngai hpe tsun ai hte sha ngai tsun na we ai gaw ahkrung nga ai dai Madu hta ngai ga sadi tawn da nngai!,? ngu nna htan wu ai.
15 Hkawhkam Ahab a man kaw shi pru wa jang, hkawhkam wa gaw shi hpe, ?Mihkaia e, Hkawhkam Yehoshahpat hte ngai Ramot mare hpe sa gasat mai na, n mai na kun?,? ngu nna san wu ai.
Mihkaia chyawm gaw, ?Htim gasat su! Nang teng teng dang la lu na ndai. Dai Madu mung nang hpe awng padang jaw ya na ra ai,? ngu nna htan wu ai.
16 Rai ti mung Ahab gaw, ?Dai Madu a mying ningsang hte nang ngai hpe ga shaga ndai shaloi teng man ai ga hpe tsun u! Dai lam ngai nang hpe gade lang tsun shadum ra na rai ta?,? ngu nna tsun htang wu ai.
17 Mihkaia gaw, ?Sagu rem wa n nga ai sagu ni zawn dai Israela hpyen luksuk ni kawng jinghkang hkan e bra ayai nga ma ai hpe ngai mu nngai. Dai Madu gaw, ?Ndai masha ni ningbaw n lu ma ai; tinang nang a nta de ngwi ngwi pyaw pyaw hte wa kau shangun mu,?? ngu tsun wu ai, nga nna htan wu ai.Ref 22:17: Mat 9:36; Mrk 6:34.
18 Ahab gaw Yehoshahpat hpe, ?Nye a matu kaja ai lam hpa mung shi galoi mung n htoi ya yu ai ngu nna, ngai nang hpe tsun ni ai n rai ni? Galoi mung n kaja ai hkrai rai nga ai!,? ngu nna tsun dan wu ai.
19 Mihkaia gaw ning ngu nna matut tsun wu ai: ?Dai Madu hpa tsun ai ga hpe ya madat u! Dai Madu gaw sumsing lamu na shi a tingnyang hta dung nga nna, shi a lamu kasa ni yawng mung shi a makau e tsap nga ma ai hpe ngai mu nngai.
20 Dai Madu gaw, ?Ramot mare de shi sa nna sat kau hkrum hkra, Ahab hpe kadai wa woi alau lu na rai ta?,? ngu nna san wu ai. Lamu kasa nkau mi mahtang ndai lam hku, bai kaga ni mahtang wora lam hku nga nna tsun shajang ma yang,
21 wenyi langai gaw dai Madu hpang de shanang sa wa nhtawm, ?Ngai shi hpe woi alau lu na we ai,? ngu nna tsun wu ai.
22 Dai Madu gaw, ?Kaning rai alau na law?,? ngu nna bai san wu ai. Dai wenyi gaw, ?Ngai sa nhtawm Ahab a myihtoi ni yawng hpe masu ga tsun shangun na we ai,? ngu nna tsun htang wu ai. Dai Madu gaw, ?Rai sa, shi hpe sa alau yu su; nang awng dang lu na ndai,?? ngu nna tsun wu ai.
23 Mihkaia mung, ?Byin lai wa sai lam gaw ndai hku rai nga ai. Dai Madu gaw ndai na a myihtoi ni hpe mahtang nang hpe masu hkalem kau shangun nu ai. Rai ti mung nang nan chyawm gaw ru yak tsin-yam tsindam hkrum kadup na ra ai lam shi nan daw dan nu ai!,? ngu nna tsun dan kau wu ai.
24 Dai hpang myihtoi Zedekia gaw Mihkaia hpang de sit lung wa nhtawm shi a myi man hpe kahpret ya let, ?Dai Madu a wenyi gaw ngai kaw nna pru mat wa nhtawm nang kaw galoi aten e sa shaga yu a ni?,? ngu nna san wu ai.
25 Mihkaia gaw, ?Shingdu gawk shara ra hta sa makoi nga na matu nang shang wa ndai shaloi mu lu na rin dai,? ngu nna tsun htang wu ai.
26 Dai hpang Hkawhkam Ahab gaw shi a du salang langai mi hpe, ?Mihkaia hpe rim la nna mare agyi Amon hte hkawhkam kasha Yoasha yan a lata de ap ya mu.
27 Ngai shim lum ai hte bai nhtang wa ai aten du hkra, shi hpe htawng sharen da nna, muk hte hka jaw lu jaw sha na lam shanhte hpe tsun u,? ngu nna hkang dat wu ai.
28 Mihkaia gaw, ?Nang shim lum ai hte bai nhtang wa lu ai rai yang, dai Madu gaw ngai hku nna ga shaga na nu ai n rai!,? ngu nna jahtau tsun wu ai.
Shi gaw, ?Masha shagu hte e, ngai hpe tsun ai ga hpe madat mu law!,? ngu nna jat tsun wu ai.
(2Hl 18: 28-34)
29 Israela Hkawhkam Ahab hte Yuda Hkawhkam Yehoshahpat yan gaw Gilead mung na Ramot hpe sa gasat na nga, pru sa wa ma ai.
30 Ahab gaw Yehoshahpat hpe, ?Nye a hkum hpe masu kau nhtawm majan ginra de pru sa na nngai; rai ti mung nang chyawm gaw na a hkawhkam hking ni hte bu hpun sumraw da na rai ndai. Shing rai Israela hkawhkam gaw shi a hkum hpe masu kau nhtawm majan pa de shang sa mat wa wu ai.
31 Suri hkawhkam gaw Israela hkawhkam wa hta kaga langai mi hpe mung n htim gasat lu na lam, gumra leng dap ni hpe up hkang nga ai up hkang du sumshi lahkawng hte hpe hkang da wu ai.
32 Dai rai nna Hkawhkam Yehoshahpat hpe shanhte mu jang, shi gaw Israela hkawhkam rai nga ai ngu, shanhte yawng myit nawn la nga ma ai majaw shi hpe gasat na nga, shanhte kayin htim ma ai. Rai ti mung shi marawn jahtau dat wu yang,
33 shi gaw Israela hkawhkam n rai taw nga ai hpe shanhte dum shajang wa ma ai rai nna shanhte a gasat gala ai lam hpe jahkring da mu ai.
34 Suri hpyenla wa pagawn mi gap dat ai pala langai mi gaw Hkawhkam Ahab a ninggang magap a hkrihkraw lapran ang ang e gap jung dat ya wu ai. Shi gaw shi a gumra leng gau ai wa hpe, ?Ngai hkala hkrum ni ai law! Kayin mat wa nhtawm majan pa kaw nna shapraw mat wa ya e!,? ngu nna tsun wu ai.
35 Dai majan gaw myit htum myit si gasat hkat nga yang, Hkawhkam Ahab gaw shi a gumra leng hta shanat nga let, Suri masha ni hpang de myi man yawng nga wu ai. Shi a ningma kaw na lwi hkrat wa ai asai gaw gumra leng hta e yun hkrat nna ing nga ai; shing rai shana de du jang si mat wa sai.
36 Ya jan shang ni wa jang, Israela arawng aya hku hkan nna aming pru wa nga ai: ?Masha shagu gaw shi a mung ga de mung, mare de mung nhtang mat wa lu sai!?
37 Shing rai Hkawhkam Ahab gaw si mat sai rai nna shi a moi mang hpe Samari mare de la wa nhtawm lup makoi da mu ai.
38 Shi a hpyen leng hpe Samari hka lawng e kashin kau ma ai rai nna, shi a asai hpe gwi ni mata lu ma ai; dai hku byin wa na lam dai Madu tsun da nu ai hte maren, shawa num ni mung shanhte a hkum shin ma ai.
39 Hkawhkam Ahab shi galaw nu ai lam magup shagu ngu na shi a hkawhkam htingnu hpe magwi kawng hte mawn shatsawm da ai mung, shi de da sai mare ni yawng a lam lawm hkra mung, Israela Hkawhkam ni a Labau Laika hta ka matsing da nga ai.
40 Shi si mat jang, shi a kasha Ahazia shi a hkang hta hkaw dung let hkawhkam tai wa sai.
(2Hl 20:31-21:1)
41 Israela Hkawhkam Ahab hkaw dung ai mali ning hta e, Asa a kasha Yehoshahpat mung Yuda mung a hkawhkam tai wa sai rai nna,
42 shi a asak sumshi manga ning hta Yerusalem mare e hkaw dung nna hkun manga ning tup up hkang nga ai. Shi a kanu gaw Shilahi a shayi sha Azuba rai nga ai.
43 Shi a kawa Asa zawn shi a man e, hkan hkawm nna dai Madu a man e, teng man ai amu hpe shi galaw nga ai; rai ti mung tara maigan masha ni a nawku shara ni hpe n jahten kau ya nga ai rai nna amyu masha ni dai yang hkan e shagu hkungga ni hpe matut nna nawng jau ya nhtawm manam pyaw ai baw hpe nat nawng ya nga ai.
44 Yehoshahpat gaw Israela hkawhkam hte ngwi pyaw sim sa lam galaw da nga wu ai.
45 Yehoshahpat galaw nu ai lam magup shagu ngu na, shi a share shagan ai daru magam n-gun yawng hte hpyen majan gasat ai lam ni hpe Yuda Hkawhkam ni a Labau Laika hta ka matsing da nga ai.
46 Shi a kawa Asa a lak htak kaw nna tara maigan ni a tawn hkungri ni hta daw jau nna naw ngam nga ai shawa la shawa num ni yawng hpe shi yeng seng kau wu ai.
47 Dai aten e Edom mung hta hkawhkam n nga ai; Yuda hkawhkam wa san da ai dat kasa wa chyu sha up hkang nga ai.
48 Hkawhkam Yehoshahpat gaw nammukdara ntsa hkawm ai sanghpaw li ni hpe shachyaw nhtawm Ohpira mung na ja sa htaw la na nga pru sa wa wu ai; rai ti mung Eziongebera shara e daw agrawp mat nna, galoi mung n pru sa lu nga sai.
49 Dai shaloi Israela Hkawhkam Ahazia gaw shi a masha ni hte Yehoshahpat a masha ni hte rau li jawn shangun na lajin wu ai, rai ti mung Yehoshahpat dai hpe ningdang kau ya wu ai.
50 Yehoshahpat si mat sai rai nna Dawi a Mare na Hkawhkam ni a lupwa hta lup makoi da mu ai; dai hpang shi a kasha Yehoram gaw shi a hkang hta hkawhkam tai wa sai.
51 Yuda Hkawhkam Yehoshahpat hkaw dung ai shi sanit ning hta Ahab a kasha Ahazia mahtang Israela hkawhkam tai wa sai rai nna Samari mare hta lahkawng ning up nga ai.
52 Shi gaw dai Madu hpe shut hpyit wu ai rai nna Israela masha ni hpe yubak lam de woi sa mat wa ai shi a kawa Ahab hte kanu Yezebela yan, Hkawhkam Yeroboam a n hkru n shawp ai kasi hta hkan nga wu ai.
53 Shi gaw shi a kawa zawn Bala hpe nawku daw jau wu ai rai nna dai Madu Israela a Karai Kasang a myit kahtet ai hpe kabrawng ya nga ai.