47
1 Egutu hkawhkam wa gaw Gaza mare hpe garai n shang gasat kau yang, Hpilisti masha ni hte seng nna dai Madu ngai hpe ning ngu tsun wu ai. Ref 47:1-7: Esa 14:29-31; Eze 25:15-17; Yoe 3:4-8; Amo 1:6-8; Zep 2:4-7; Zeh 9:5-7.
2 Shi gaw,
?Yu mu! Dingdung shara hta hka ni rawt tung nga ai, dai gaw
hka nu hpungtun zawn agre yu wa na ra ai.
Dai gaw mungdan hpe mung, dai hta rawng marawng ni hpe mung,
mare ni hte dai mung hta shanu nga ai amyu masha ni hpe mung ka-up kau na ra ai.
Amyu masha ni mung karum la na matu tsun jahtau na mara ai;
ginding aga ntsa na masha shagu hte gaw ahkup ahka nga hkra hkrap na mara ai.
3 Shanhte gaw gumra lahkru ngoi ai nsen hpe mung,
hpyen leng ni a wu kadu ai nsen hpe mung,
leng dingsen ni a ngoi garu ai nsen hpe mung na na mara ai.
Kanu kawa ni gaw shanhte a kashu kasha ni hpe karum na matu bai kayin wa lu na mara ai n rai;
shanhte a lata ni n-gun yawm ai hte kya noi taw nga na mara ai.
4 Hpilisti hpe shamyit kau na matu mung,
Turu mung hte Sidon mung kaw na naw ngam nga ai karum la lam yawng hpe
dan di kau na aten gaw du nga sai.
Dai Madu ngai nan Hpilisti masha ni hpe mung,
Kreti zunlawng hka kau hkan na du sa ai ni yawng hpe mung, jahten shaza kau na nngai.
5 Yawn hkyen kaba gaw Gaza mare masha ni hpang de du nga sai,
Ashkelon a mare masha ni atsin sha nga nga ma ai.
Ngam nga ai Hpilisti masha ni galoi aten du hkra yawn madai nga na mu ni?
6 Nang gaw, ?Madu a nhtu e,
Kade na hkra kahtam nga na kun?
Na a nhtu nhku de bai shang wa u, dai hta azim rai nga u!,? ngu nna jahtau u.
7 Rai ti mung, dai amu hpe ngai galaw wa ai shaloi,
dai gaw kaning rai sim lu na rai nga a ta?
Ngai gaw Ashkelon hte hkin-gau ntsa hta nga ai masha ni hpe
htim gasat na matu hkang da ni ai.?