14
1 Lani mi na aten hta Samson gaw Timna de yu wa nna Hpilisti numsha langai mi hpe yu matsing da wu ai.
2 Shi gaw nta de nhtang wa nhtawm shi a kanu yan kawa hpe, ?Nye a myit gang la kau ya lu ai Hpilisti numsha langai Timna mare e nga nga ai. Shi hpe nye a matu hpyi ya mi; ngai shi hpe hkungran la mayu nngai,? ngu nna tsun wu ai.
3 Rai ti mung shi a kanu yan kawa chyawm gaw shi hpe, ?Nang gaw hpa majaw madu jan langai lu la na matu tara maigan amyu Hpilisti masha ni kaw sa ra nga n ni? Nang gaw anhte a lakung lama hta na mung, anhte a amyu masha ni yawng hta na numsha langai mi hpe mung n mu tam lu sani?,? ngu nna san wu ai.
Rai ti mung Samson gaw shi a kawa hpe, ?Nye a matu nan hpyi ya na ngai ra sharawng ai gaw shi langai sha rai nga ai. Ngai shi hpe ra nngai,? ngu nna tsun wu ai.
4 Dai Madu gaw Hpilisti masha ni hpe gasat kau na lam tam nga ai hpe kanu yan kawa n chye ma ai; Dai amu hpe Samson galaw na matu, dai Madu woi awn nga ai. Ndai aten hta Hpilisti masha ni Israela hpe up nga ma ai.
5 Shaloi Samson gaw shi a kanu yan kawa hte rau Timna mare de yu wa ma ai. Shanhte gaw dai yang e nga ai sabyi sun hku lai yu wa nga ma yang hkanghkyi uram langai shabam nga ai hpe shi na wu ai.
6 Dai Madu a daru magam n-gun gaw Samson hpe akajawng sha n-gun shaja dat ya ai rai nna bainam kasha langai hpe zawn shi a lata kaman hte dai hkanghkyi hpe gang je kau wu ai. Rai ti mung shi gaw shi hpa galaw kau nu ai lam shi a kanu yan kawa hpe n tsun dan wu ai.
7 Dai hpang shi sa nna dai mahkawn numsha hpe ga shaga ai hte shi gaw dai numsha hpe ra sharawng mat wu ai.
8 Dai hpang kade n na yang, dai numsha hpe hkungran la na nga Samson bai nhtang sa wa wu ai. Shi sat tawn da ai hkanghkyi hpe sa yu na nga lam numshe de shang mat wa ai shaloi lagat ni gamawng jawng nga nna si mang kata e lagat ntsin rawng nga ai hpe mu nna kajawng mau mat wu ai.
9 Shaloi shi gaw lagat ntsin hpe shi a lata hta ahkut la nhtawm shi sa wa ai lam dingyang dai hpe sha wu ai. Dai hpang shi gaw kanu yan kawa hpang de sa wa nhtawm shan hpe nkau mi jaw wu ai. Shan dai hpe sha ma ti mung, hkanghkyi a si mang kaw na la wa ya ai lam shan hpe Samson n tsun dan wu ai.
10 Shi a kawa mung dai numsha a nta de sa ai hte Samson gaw dai yang e lusha poi galaw jaw nga ai. Dai gaw shabrang ni hta galaw ai htung langai rai nga ai.
11 Hpilisti masha ni shi hpe mu ma ai shaloi, shi kaw poi shang lawm na shabrang sumshi shangun dat ya ma ai.
12-13 Samson gaw shanhte hpe, ?Ngai nanhte hpe gumwai ga langai san yu made ga; ndai hkungran poi galaw ai sanit ya garai n lai mat wa ai laman, nanhte ngai hpe de a lachyum n tsun dan lu myit dai rai yang, mani tsawm ai lachyit sumpan hte tsawm ai hpun palawng nanhte ngai hpe jaw na rai myit dai; nanhte tsun dan lu ai rai yang, ngai mahtang nanhte hpe jaw na nngai,? ngu nna tsun wu ai.
14 Shi gaw,
?Sha chye ai wa kaw na shahpa lama ma;
N-gun ja ai wa kaw na dwi ai lama ma pru nga ai,? ngu nna tsun wu ai.
Masum ya na ai hpang rai tim, shanhte gaw dai gumwai ga a lachyum hpe garai n lu htai da nga ma ai.
15 Ya mali ya nhtoi hta, shanhte gaw Samson a madu jan hpe, ?Dai gumwai ga a lachyum hpa rai nga ai gaw anhte hpe tsun dan lu hkra, na a madu wa hpe hpaji daw yu u. Dai hku nang n galaw ai rai yang, nang hte hpawn na a nwa a nta hpe anhte nat kau ya na ga ai. Anhte hpe hpya kau lu myit ga nga, nan lahkawng anhte hpe saw shaga myit dai n rai ni?,? ngu nna tsun ma ai.
16 Dai majaw Samson a madu jan gaw hkrap let shi kaw sa nhtawm, ?Nang ngai hpe n tsaw ra ndai! Ngai hpe n dawng ai she rai nga ndai! Nye a manang ni hpe gumwai ga langai san da nhtawm de a lachyum hpa rai nga ai mung ngai hpe n tsun dan ndai!,? ngu nna tsun wu ai.
Shi gaw, ?Yu u, nye nu yan wa hpe pyi ngai n tsun yu nngai. Nang hpe hpa majaw ngai tsun ang na rai ta?,? ngu nna tsun wu ai.
17 Dai numsha gaw poi galaw ai sanit ya tup de a matu hkrap nga ai. Rai ti mung sanit ya shani e chyawm gaw shi nau aput shatsang ai majaw de a lachyum hpa rai nga ai lam shi hpe tsun dan wu ai. Dai hpang shi mung Hpilisti masha ni hpe tsun dan wu ai.
18 Dai rai nna sanit ya shani, Samson yup gawk de garai n shang yang, mare na lasha ni gaw shi hpe,
?Lagat ntsin hta grau dwi ai gaw hpa rai lu na ta?
Hkanghkyi langai hta grau n-gun rawng ai gaw hpa rai lu na ta?,? ngu nna tsun mu ai.
Samson gaw,
?Nye a dumsu kanu hte n shawt kau myit dai rai yang,
dai mahtai hpe nanhte ya jang chye na myit dai n rai,? ngu nna bai htan dat wu ai.
19 Dai Madua daru magam n-gun gaw shi hpe akajawng sha n-gun shaja ya ai rai nna, shi gaw Ashkelon mare de yu wa nhtawm lasha sumshi hte hpe sat kau wu ai. Shanhte a mani tsawm ai hpun palawng ni hpe raw sharun la nhtawm gumwai ga htai lu ai lasha ni hpe jaw kau wu ai. Dai hpang byin lai wa sai lam a majaw masin kahtet ai hte nta de nhtang mat wa wu ai;
20 shi a madu jan hpe chyawm gaw hkungran poi shani e shi a la nnan manang wa hpe ya sha kau wu ai.