18
Bildad
1-2 Yoba e, masha ni gaw nang zawn galoi mung atsin sha nga lu ma ni?
Nang n-gup pat da ai rai yang, anhte nang hpe shaga lu na ga ai.
3 Anhte gaw dusat matse zawn myit n su ga ai ngu nang hpe hpa lam a majaw myit nawn shangun nga a ta?
4 Nang gaw na a hkum hpe masin pawt ai hte sha machyi nga ndai.
Nang masin pawt nga ndai majaw, ginding aga hpe kau da na rai nga a ni?
Nang hpe myit shadik ya lu hkra, Karai Kasang gaw bum ni hpe htawt sit kau na rai wu ni?
5 N hkru ai wa a nhtoi gaw naw nip mat wa na ra ai;
de a wan shinglet gaw galoi mung bai hkru wa lu na n rai.
6 Shanhte a sum kata na pyengdin gaw sin mat na ra ai.
7 Shanhte a lagaw lahkam ni ngang kang timung ya chyawm gaw shanhte ahtu kataw nga ma ai;
shanhte daw ai hpaji tsin-yam a majaw shanhte hkrat sum nga ma ai.
8 Shanhte gaw sumgawn kata de kabye shang mat wa nna shanhte a lagaw ahkang la nga ma ai;
9 dai mahkam gaw shanhte a lahtin hpe ahkang ya nna magra jum da lu nga ai.
10 Ga hta e mahkam up da nga ai;
shanhte lai sa wa na lam hta mahkam hkam da nga ai.
11 Shanhte a grup grup mahkra hta hkrit hpa lam ala nga ai;
dai gaw shanhte a lahkam shagu hta hkan nang nga ai.
12 Shanhte gaw sut su ai ni zawn rai nga ma ai, rai ti mung ya chyawm gaw shanhte kawsi ma ai;
Tsin-yam tsindam gaw tsap nga ai hte shanhte a makau e ala nga ai.
13 Si shangun lu ai ana ahkya gaw shanhte a hkum ting hta hpra nga ai;
shanhte a lata lahpum hte lagaw ni hpe shatsam kau ya nga ai.
14 Shanhte gaw shim lum ai hte nga nga ai shara kaw na shaden kau hkrum nga ma ai,
Si hkrung si htan a Hkawhkam wa a man de garawt woi wa ai hkrum nga ai.
15 Ya chyawm gaw shanhte a sum hta kadai mung mai shanu nga ai;
dai de n kap hkra u ga, kan hpe gat ayai da nga ai.
16 Shanhte a aru hte lakung lakying ni nyui mat nna hkraw mat na ra ai.
17 Shanhte a dan hkung ai gaw nta hta mung, sumtsan shara hta mung mat mat nna,
shanhte hpe galoi mung adum nga na mara ai n rai.
18 Shanhte gaw asak hkrung nga ai dinghta ga kaw nna gawt shapraw kau ai hkrum nna
nhtoi kaw nna nsin de gau bang ai hkrum na mara ai.
19 Shanhte gaw amyu matu n lu ma ai, asak hkrung ai ni n nga nga ai.
20 Sinpraw kaw nna sinna de du hkra shanhte a hpang jahtum na lam hpe
na ai ni yawng hkrit gari nga ma ai.
21 Dai gaw Karai Kasang hpe hpa zawn n nawn ai ni
hte n hkru ai masha ni a hpang jahtum na lam rai nga ai.