57
1 Mai kaja ai amyu masha ni si nga ai, kadai mung n chye na ma ai, lanu lahku ai pyi n nga nga ai. Rai ti mung shanhte si ai shaloi, tsin-yam tsindam hpa mung shanhte hpe machyi shangun lu ai n rai.
2 Mai kaja ai asak hkrun lam hta hkawm sa ai ni gaw si hkrung si htan hta ngwi pyaw sim sa ai hte ban sa lu nga ai.
3 Yubak kap ai ni e, jeyang hkam na matu ndai shara de sa wa mi! Nanhte gaw hpyi shung shung ai ni, numshaw lashaw ai ni hte shawa num ni hta grau kaja nga myit dai n rai.
4 Nanhte gaw kadai hpe mani asawng nga myit ni? Masu magaw ai nanhte gaw kadai hpe mani jahpoi nga myit ni?
5 Nanhte gaw chyoi pra ai hpun npu hkan num la kanawn mazum ai amu galaw let mayat maya ai karai ni hpe nawku nga myit dai. Nanhte gaw hka shi hkaraw kadit hkan na lunghkrung lungpu ni hta tinang a kashu kasha ni hpe shagu hkungga nawng jau nga myit dai.
6 Nanhte gaw dai shara hkan na manen tsawm ai nlung ni hpe hta la nna dai ni hpe karai ni hku nawku myit dai. Nanhte gaw shanhte hpe shagu hkungga ni hpe zawn sabyi ru hkaw nna shadung hkungga ni hpe la sa ya nga myit dai. Ngai gaw ndai zawn re ai amu ni yawng hta awng sharawng nga nngai ngu nanhte myit nawn da myit ni?
7 Nanhte gaw tsaw ai bum ni de shagu hkungga ni nawng ai hte num la kanawn mazum na matu lung myit dai.
8 Nanhte gaw nta npan chyinghka a kata maga e nanhte a matsat shabat re ai hpara sumla ni hpe tawn da myit dai. Nanhte ngai hpe kau da manit dai; nanhte gaw hpun palawng raw kau nna tinang hte rau yup na matu jahpu jaw da sai tinang a sumtsaw ni hte rau dam ai yup ku ni hta lung myit dai. Dai yang e nanhte gaw dai ngang gayut ai amu hta myit dik nga myit dai.
9 Nanhte gaw tinang hkum hta manam hawm ai baw hte sau ni chya nhtawm Molek karai hpe nawku na matu sa wa myit dai. Karai ni hpe tam nna nawku na matu nga, nanhte gaw tsan ai shara, katsan ga du hkra pyi kasa ni hpe shangun nga myit dai.
10 Nanhte nan kaga karai ni hpe hkan tam let hki ba nga myit dai, rai ti mung nanhte galoi mung myit shayaw kau ai n rai. Matsat shabat re ai hpara sumla ni gaw nanhte hpe n-gun jaw nga ai ngu, nanhte myit nawn nga myit dai majaw nanhte galoi mung gawng kya nga myit dai n rai.
11 Dai Madu gaw, ?Nanhte ngai hpe masu magaw ga tsun nna ngai hpe tsep kawp malap kau na matu nanhte hpe hkrit shangun ai ndai karai ni gaw kadai ni rai nga ma ta? Ngai na na wa atsin sha nga nga nngai majaw nanhte ngai hpe shagrau sha-a nga ai amu hpe jahkring kau myit dai n rai ni?
12 Nanhte galaw ai amu gaw ding man nga ai ngu, myit nawn nga myit dai, rai ti mung na a sat lawat hpe ngai madun na nngai, nanhte a hpara sumla ni gaw nanhte hpe karum ya lu na ra ai n rai.
13 Karum la na matu nanhte jahtau ai shaloi, ndai nanhte a hpara sumla ni nanhte hpe hkye la mu ga! Nsa sa lai nbung gaw shanhte hpe shapoi kau na ra ai. Rai ti mung ngai hpe kam hpa ai ni gaw mungdan hta shanu nga lu nna ngai hpe nye a Nawku Htingnu hta nawku lu na mara ai,? ngu nna tsun ai.
14 Dai Madu gaw, ?Nye a amyu masha ni ngai hpang de nhtang wa mu ga. Shanhte a lam kaw na dingbai dingna shagu hpe seng kau ya mu! Nmaw lam galaw mu, dai hpe shajin da mu!
15 ?Ngai gaw htani htana agrin nga ai matsaw ntsa na chyoi pra ai Karai Kasang rai nga nngai. Ngai gaw tsaw nna chyoi pra ai shara hta nga nngai, rai ti mung ngai gaw shagrit shanem ai hte myit malai lu ai ni hte rau mung nga nngai, shaloi ngai gaw shanhte a kam hpa shara hte myit mada shara hpe bai jaw ya lu nngai.
16 Ngai gaw nye a amyu masha ni hpe asak jaw da ni ai, ngai gaw shanhte hpe matut nna mara shagun na n rai, shanhte hpe htani htana pawt sindawng na n rai.
17 Shanhte a yubak hte lawhpa myit a majaw ngai shanhte hpe masin pawt nngai, dai rai nna, ngai shanhte hpe ari jaw ai hte kau da nngai. Rai ti mung, shanhte gaw du ja nna shanhte a lam hku matut hkawm ma ai.
18 ?Shanhte gara hku shamu shamawt ai amu hpe ngai mu se ai, rai ti mung ngai shanhte hpe shamai shatsai na nngai. Ngai shanhte hpe woi awn na nngai, shanhte hpe karum na nngai, Sharung shayawt hkrum nga ai ni hpe ngai shalan shabran na nngai.
19 Ngai gaw ni ai, tsan ai shara hkan nga ai ni yawng hpe ngwi pyaw sim sa lam jaw na nngai! Ngai gaw nye a amyu masha ni hpe shamai shatsai na nngai. Ref 57:19: Ehp 2:17.
20 Rai ti mung n hkru ai masha ni gaw matsat shabat hte maza mala arai ni hpe woi tsawt sa wa nna galoi mung n sim ai panglai hka leng gumdin ni zawn rai nga ai.
21 Yubak kap ai ni a matu shim ai shara n nga nga ai,? ngu nna dai Madu tsun ai. Ref 57:21: Esa 48:22.