31
1 Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.
2 Shi gaw shi hpa galaw nga ai hpe chye nga a hka! Shi gaw tsin-yam tsindam dat dat nga ai. Shi gaw n hkru ai amyu masha ni hte shanhte hpe makawp maga ai ni hpe ari jaw na matu jahkrit sharim nga ai.
3 Egutu masha ni gaw karai ni n rai ma ai-shanhte gaw shinggyim masha sha rai ma ai. Shanhte a gumra ni gaw shingra tara hta grau ai wenyi n rai ma ai. Dai Madu amu galaw ai shaloi, n-gun ja ai masha amyu baw gaw hpyai rai mat na ra ai, karum la hkrum ai n-gun kya ai masha amyu baw mung di hkrat mat na ra ai. Shan gaw jahten kau ai hkrum na mara ai.
4 Dai Madu gaw ngai hpe, ?Sagu rem ni kade daram jahtau jahkrit tim, shanhte gaw ashan kawa sat da ai dusat kaw na hkanghkyi hpe jahkrit kau lu ma ai n rai; dai hte maren, Ziun Bum hpe makawp maga nga ai Chyahtum Chyalai N-gun rawng ai dai Madu ngai hpe shingdang lu ai hpa mung nga ai n rai.
5 U gaw shi a tsip ntsa e pyen kayin nna u hkalung ni hpe makawp maga ai zawn Chyahtum Chyalai N-gun rawng ai dai Madu Ngai mung Yerusalem hpe makawp maga nna dai hpe shadaw shangang na nngai.
6 Karai Kasang gaw, ?Israela amyu masha ni e, nanhte gaw ngai hpe yubak galaw ai hte ngai hte nhtan shai nga myit dai. Rai ti mung ya chyawm gaw, ngai hpang de nhtang wa marit!
7 Ja gumhpraw hte nanhte galaw ai yubak kap ai hpara sumla ni hpe nanhte yawng kabai kau na ra ai aten du wa nga ai.
8 Asuri gaw masha a n-gun hte n re ai sha, majan hta jahten kau hkrum na mara ai. Dai Asuri masha ni gaw majan ginra kaw na hprawng htaw mat wa na mara ai, shanhte a la shabrang ni mayam shatai hkrum na mara ai.
9 Shanhte a hkawseng wa gaw hkrit gari ai hte hprawng mat wa na ra ai, du salang ni mung grai hkrit kajawng mat ma ai majaw shanhte a majan dawnghkawn ni hpe kabai kau da na mara ai,? ngu nna tsun ai. Dai Madu gaw ning nga tsun nu ai-dai Madu gaw Yerusalem hta nawku daw jau hkrum ai hte dai yang e shagu hkungga ni a matu wan nat hkungga nawng jau ya ai hkrum nga ai.