2
(Mik 4:1-3)
1 Da ndai gaw Yuda mung hte Yerusalem hte seng nna Amot a kasha Esaia hpe Karai Kasang jaw ai mungga rai nga ai:
2 Du wa na nhtoi ni hta
Nawku Htingnu dung ai bum gaw
yawng hta grau tsaw htum ai bum tai na ra ai,
kawng ni yawng hta grau tsaw na ra ai.
Amyu baw ni law law dai shara de yan bang wa na mara ai,
3 shanhte a masha ni gaw, ?Anhte dai Madu a bum a 2:3: daiMadu a bum: Ziun Bum, Nawku Htingnu gaw gap da ai shara daw chyen mi ngu na Yerusalem hta nga ai kawng rai nga ai.\x* a de,
Israela a Karai Kasang a Nawku Htingnu nga ai shara de lung wa saga.
Shi gaw anhte hpe shi galaw shangun mayu ai lam sharin ya na ra ai;
anhte gaw shi lata da nu ai lam ni hta hkawm sa na ga ai.
Dai Madu a sharin ai ga Yerusalem kaw nna pru nhtawm;
shi gaw Ziun kaw nna shi a amyu masha ni hpe shaga nga ai.?
4 Shi gaw galu kaba ai masha amyu baw ni a lapran na ndang kalang lam ni hpe jeyang ya na ra ai.
Shanhte gaw shanhte a nhtu ni hpe najawn ni,
shanhte a nri ni hpe gadoi nhkyi ni dup kau na mara ai.
Amyu baw ni majan galoi mung bai baw na n rai,
majan a matu galoi mung bai hkyen na mara ai n rai. Ref 2:4: Yoe 3:10; Mik 4:3.
5 Ya chyawm gaw, Yaku a matu mara ni e, dai Madu anhte hpe jaw ai nhtoi hta anhte hkawm nga saga!
6 O Karai Kasang, nang gaw Yaku a matu mara ni ngu ai na a amyu masha ni hpe kau da nga nit hka! Dai lamu ga gaw Sinpraw mung hte Hpilisti masha ni kaw na mandan shaba wawt amu ni hte hpring nga ai. Amyu masha ni gaw maigan htung arawn alai hta hkan nang nga ma ai.
7 Shanhte a lamu ga gaw ja gumhpraw hte hpring nga nna, shanhte a sut gan ni htum ngu, n nga nga ai. Shanhte a lamu ga gaw gumra ni hte hpring nga ai, shanhte a gumra leng ni htum ngu, n nga nga ai.
8 Shanhte a lamu ga gaw hpara sumla ni hte hpring nga ai, shanhte gaw shanhte a lata ni hte nan galaw ai hkrang rai ni hpe nawku ma ai.
9 Masha shagu hte gaw shagrit kau ai hte sari jahpoi kau ai hkrum na mara ai. Madu e shanhte hpe mara hkum dat ya et!
10 Shanhte gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw na makoi lu na matu mung, lungrawk lunghkrung bum na lungpu hku ni hta mung, ga e nhkun htu nna mung, makoi gyem nga na mara ai. Ref 2:10: Shr 6:15; 2Ht 1:9.
11 Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.
12 Dai shani e, Chyahtum Chyalai N-gun rawng ai dai Madu gaw daru magam n-gun rawng ai masha shagu hpe mung, gumrawng gumtawng nna rai dum ai masha shagu hte hpe mung shagrit kau na ra ai.
13 Shi gaw Lebanon a tsaw ai arit hpun ni hte Bashan lamu ga hta tu ai wamyi hpun ni yawng hpe jahten kau na ra ai.
14 Shi gaw tsaw ai bum ni hte kawng ni hpe mung,
15 tsaw ai langchyi hte hpyen dap shagu na bunghku ni hpe madang shara kau na ra ai.
16 Shi gaw kaba htum ai hte tsawm dik htum ai sanghpaw li ni hpe pyi lup kau na ra ai.
17-18 Masha a gumrawng gumtawng ai gaw htum mat na ra ai, masha a myit tsaw myit dap ai gaw jahten kau ai hkrum na ra ai. Hpara sumla ni tsep kawp mat mat nna, dai Madu chyu sha dai shani e shagrau shatsaw ai hkrum na ra ai.
19 Shi gaw ginding aga hpe ashun awam dat na matu du sa ai shaloi, amyu masha ni gaw dai Madu a masin kahtet ai kaw nna lawt lu na matu mung, shi a daru magam n-gun hte hpung shingkang kaw nna myi man makoi lu na matu mung lungrawk lunghkrung bum na lungpu hku ni hta mung, ga e nhkun htu nna mung makoi gyem nga na mara ai.
20 Dai nhtoi du ai shaloi, shanhte gaw shanhte galaw ai aja gumhpraw hpara sumla ni hpe kabai kau nna dai ni hpe sharu ni hte patsip ni hpang de tawn kau da ya na ra ai.
21 Dai Madu gaw ginding aga hpe ashun awam dat na nga du sa ai shaloi, amyu masha ni gaw shi a masin kahtet ai kaw na lawt lu na matu mung, shi a daru magam n-gun hte hpung shingkang kaw nna mung myi man makoi lu hkra nga, ga nhkun ni hte lungrawk lunghkrung kawng ni hkan nga ai lungpu ni hkan makoi gyem na mara ai.
22 Si chye ai shinggyim masha ni hta hkum kam hpa nga et. Shanhte hpa tai nga ma ta?