33
1 Dai Madu gaw Mawshe hpe, ?Nang hte Egutu mung na nang woi wa ai amyu masha ni ndai shara kaw na pru sa wa nhtawm, Abraham, Isak, Yaku hte shanhte a amyu matu ni hpe jaw na ngu nna ngai ga sadi jaw da ai ga de sa wa masu. Ref 33:1: Nin 12:7.
2 Ngai gaw nanhte hpe lam woi na matu lamu kasa langai shangun dat ya nna Hkanan, Amori, Hiti, Hperizi, Hiwi hte Yebusi masha ni hpe gawt shapraw kau ya na made ai.
3 Nanhte gaw ngamu ngamai ai sut hte ningru ningja ai ga de sa wa na rai myit dai. Rai ti mung, ngai hkum nan chyawm gaw nanhte hte rau sa lawm na n rai; nanhte gaw du ja ai amyu masha ni rai myit dai majaw hkrun lam e ngai nanhte hpe jahten kau mai nga nngai,? ngu nna tsun wu ai.
4 Amyu masha ni dai ga na ma ai shaloi, sharung shayawt hpang wa ma ai hte ja lung seng kadai mung n sumli shajang nga masai.
5 Shanhte hpe ning ngu tsun na matu dai Madu gaw Mawshe hpe hkang da nu ai: ?Nanhte gaw du ja ai amyu masha ni rai nga myit dai. Nanhte hte rau hkring mi sha pyi ngai hkawm ai rai yang, nanhte hpe atsai awai shamyit kau na mawe ai. Dai re ai majaw nanhte hpe kaning di na ngai daw dan lu n ga, ya jang, dai nanhte a ja lung seng ni raw kau mu.
6 Shing rai Israela amyu masha ni gaw Sina Bum kaw na pru mat wa ai hpang, Israela amyu masha ni gaw ja lung seng ni hpe kachyi mi pyi n sumli mat ma ai.
7 Israela amyu masha ni dap jung ma ai shaloi, Mawshe gaw dai chyoi pra ai sum hpe la nna dap hte tsawmra mi tsan ai shara hta dai hpe tawn da wu ai. Dai hpe dai Madu a hpung shingkang shanu nga ai Sum ngu nna shamying wu ai. Dai Madu hte bawng ban jahkrup mayu ai ni kadai mung de a shinggan de pru sa na rai ma ai.
8 Mawshe dai shara de pru sa wa ai aten shagu hta amyu masha ni shanhte a Sum chyinghka lam hta rawt tsap let dai Sum kata de Mawshe shang wa ai aten du hkra shi hpe hkan yu nga ma ai.
9 Mawshe dai Sum kata de shang mat wa ai hpang, sumwi shadaw yu hkrat wa nna Sum chyinghka lam hta nga nga yang, dai Madu gaw Mawshe hpe dai sumwi kaw na ga tsun wu ai.
10 Dai Sum chyinghka lam e sumwi shadaw nga nga ai hpe amyu masha ni mu ai hte rau shanhte gum dagup ma ai.
11 Dai Madu gaw jinghku shada da tsun shaga hkat ai zawn Mawshe hte myi man hkrum rai nna shaga wu ai. Dai hpang Mawshe mung dap de bai nhtang mat wa wu ai. Rai ti mung, shi hpe karum ai shabrang ngu na Nun a shadang sha Yawshu chyawm gaw Sum kata e naw nga nga ai.
12 Mawshe gaw dai Madu hpe, ?Ndai amyu masha ni hpe dai mung de woi wa na, nang ngai hpe tsun ai gaw teng nga ai; rai ti mung ngai hte rau kadai hpe nang shangun ya na gaw ngai hpe n tsun yu ndai. Nang ngai hpe kaja wa chye nna yu sharawng nga ndai hpe gaw nang tsun nit dai.
13 Ya chyawm gaw, na a yaw shada ai lam ni ngai hpe tsun dan nga ndai rai nna, nang hpe ngai daw jau na nngai. Ndai amyu masha ni hpe na a amyu masha majing hku nna nang lata la nit dai hpe mung dum nga u law.
14 Dai Madu gaw, ?Ngai nang hte rau sa na nngai, ngai nang hpe awng padang jaw na de ai,? ngu nna tsun wu ai.
15 Mawshe gaw, ?Anhte hte rau nang n hkan sa na rai yang gaw ndai shara kaw na anhte hpe hkum pru sa shangun mi.
16 Nang anhte hte rau n hkan sa ai rai yang, na a amyu masha ni hte mung, ngai hte mung nang kaning rai awng sharawng nga ai hpe kadai wa chye lu na rai nga a ta? Anhte hte rau nga nga ai na a hpung shingkang gaw ginding aga ntsa e nga ai kaga masha ni hta na anhte hpe garan ginhka da na rai nga ndai,? ngu nna htan wu ai.
17 Dai Madu gaw Mawshe hpe, ?Ngai nang hpe kaja wa grai chye ai hte nang hpe awng sharawng nga nngai majaw nang hpyi lajin ai hte maren ngai hkan galaw na nngai,? ngu nna tsun wu ai.
18 Dai hpang Mawshe gaw, ?Chyeju hte na a htoi kabrim ai hpung shingkang hpe ngai mu lu n ga law,? ngu nna hpyi wu ai.
19 Dai Madu gaw, ?Nang hte na a man e nye a hkik hkam ai hpung shingkang nhtoi yawng hpe ngai shalai dat nna, nye a chyoi pra ai amying hpe ngai shapraw na we ai. Ngai gaw dai Madu rai nga nngai rai nna ngai lata la ai ni hpe matsan dum ai wa hpe matsan dum ai myit ngai madun dan na nngai. Ref 33:19: Rom 9:15.
20 Ngai hpe mu lu ai wa kadai mung hkrung nga lu na n rai: dai majaw ngai nang hpe nye a myi man mu shangun na we ai n rai;
21 rai ti mung, ndai yang na nye a makau e shara langai nga nga ai; dai lunghkrung ntsa e nang tsap nga lu na rai ndai.
22 Dai htoi kabrim ai nye a hpung shingkang lai wa ai shaloi, lunghkrung lungkran e ngai nang hpe bang da nna ngai lai mat wa ai aten du hkra nye a lata hte magap da na we ai.
23 Dai hpang nye a lata hpe la kau ai hte nye a shingma hpe nang mu lu na ndai; rai ti mung, nye a myi man hpe chyawm gaw mu lu na n rai,? ngu nna htan wu ai.