30
(Pru 37:25-28)
1 ?Manam pyaw ai baw nat nawng na matu, tawn hkungri langai hpe shaji hpun hte galaw na rai nga ai.
2 Dai gaw man mali maga maren rai nna, galu maga yungnu 18, nda de yungnu 18 hte tsaw de yungnu 36 rai na rai nga ai. Jut mali hta nga ai nrung ni gaw dai hte langai sha rai na rai nga ai.
3 Dai hpe ntsa maga de mung, man mali maga de mung, nrung ni hta mung, ja jet hte kayawp nna de a matu grup grup hta ja hte shakau ai ntsa htinggawt dat da na rai nga ai.
4 Dai hpe hpai na matu shanghkawng lahkawng hpe ja hte galaw nna dai htinggawt a lawu hkawt, hkungri a maga mi hte maga mi de na jut hta shatut da ai rai nna dai gaw hpai na matu kandang dinghkrawn na shara rai na rai nga ai.
5 Dai kandang yan hpe shaji hpun hte galaw nna ja hte sup na rai nga ai.
6 Dai tawn hkungri hpe Ga Shaka Sumpu a man e grang ai nba grang a shinggan e tawn da na rai nga ai; ngai gaw dai shara hta nang hte hkrum na nngai.
7 Arun gaw dai pyengdin hpe jin jin lajang da ai shaloi, de a ntsa e manam pyaw ai baw nat na rai wu ai.
8 Shi gaw shana de pyengdin shatu ai shaloi, jahpawt e galaw ai hte maren galaw na rai wu ai. Ndai manam pyaw ai baw nat nawng ai amu hpe prat dingsa a galaw nga na rai myit dai.
9 Ndai tawn hkungri hta hkum shadang da ai manam pyaw ai baw mung, yam nga hkungga hpa rai ti mung, shadung hkungga hpe mung nawng jau lu na myit dai n rai. De a ntsa hta sabyi jahku hkungga nawng jau ya lu na n rai.
10 Arun gaw laning mi hta kalang yubak mara a matu nawng jau ya ai yam nga asai hpe tawn hkungri a nrung mali hta chya nhtawm tawn hkungri jasan jaseng na rai wu ai. Ndai amu hpe shaning shagu prat mi hte prat mi galaw na rai nga ai. Dai tawn hkungri gaw tsep kawp chyoi pra mat nna, nye a matu ap nawng da na rai nga ai,? ngu nna tsun wu ai.
11 Dai Madu gaw Mawshe hpe,
12 ?Israela amyu masha ni hpe jahpan la ai shaloi ru yak tsin-yam tsindam hpa mung n du lu mu ga, lasha shagu gaw tinang a asak a matu ngai hpe manu jahpu jaw lu na rai ma ai.
13 Jahpan hta lawm sai masha shagu gaw tara shang tawn da ai joi jang hte maren, hpyi da ai gumhpraw yawng hpawn shen nna jaw ya na rai nga ai. Kadai mung dai hkungga ngai hpe jaw lu na rai ma ai. Ref 30:13: Pru 38:25-26; Mat 17:24.
14 Jahpan hta hti lawm sai hkun ning hte dai hta jan ai ni kadai mung ngai hpe dai kumhpa sak jaw lu na rai ma ai.
15 Shanhte a asak a matu dai manu jahpu hpe jaw ya ai shaloi sut su ai wa jan lu na n rai; matsan mayan wa mung shayawm lu na n rai.
16 Israela amyu masha ni kaw na dai gumhpraw lahkawn shinggyin la nna nye a hpung shingkang shanu nga ai Sum hpe bai gram lajang ai hta jai lang na rai myit dai. Dai gaw shanhte a asak a matu jaw ya ai manu jahpu tai nga ai hte ngai mung shanhte hpe makawp maga la na matu dum nga na nngai,? ngu nna tsun wu ai.
17 Dai Madu gaw Mawshe hpe,
18 ?Magri mang jarung langai hte hpawn shadun na magri mang ku langai mi mung galaw na rai ndai. Dai hpe Sum hte tawn hkungri lapran hta tawn da nna, hka ja bang na rai nga ai. Ref 30:18: Pru 38:8.
19 Arun hte shi a shadang sha ni gaw shanhte a lagaw lata shin na hka lang na rai ma ai;
20 shanhte gaw Sum kata de garai n shang yang mung, lusha hkungga nawng jau na matu tawn hkungri de garai n shanang sa yang mung lang na rai ma ai. Shaloi shanhte sat kau ai hkrum na ma ai n rai.
21 Shanhte a lagaw lata ni hpe shin lu na rai ma ai, shaloi shanhte si mat na mara ai n rai. Dai gaw shanhte hte shanhte a amyu matu ni htani htana hkan sa galaw na tara rai nga ai,? ngu nna tsun wu ai.
22 Dai Madu gaw Mawshe hpe, Ref 30:22-38: Pru 37:29.
23 ?Kaja htum ai manam pyaw ai baw namji namya, mura sau pawng 12, manam pyaw ai baw hpun maza hpyi pawng 6, manam pyaw ai baw ri pawng 6,
24 hpun shanam pawng 12 (Ndai ni yawng hpe tara shang lang ai joi jang hta bang nna shen la na rai nga ai.) Tsanlun sau galan langai jat bang nhtawm,
25 chyoi pra ai aya dang ya ai sau byin hkra manam pyaw ai baw hte kayau na rai nga ai.
26 Dai ni hpe lang nna nye a hpung shingkang shanu nga ai Sum hpe mung, Ga Shaka Sumpu hpe mung,
27 ku hte de a arung arai ni yawng hpe mung, pyengdin shadun hte de a arung arai ni yawng hpe mung, manam pyaw ai baw nat nawng ai tawn hkungri hpe mung,
28 wan nat hkungga a tawn hkungri hte de a arung arai ni yawng hpe mung, lata shin jarung hte de a shadun ku ni hpe mung chya ya na rai ndai.
29 Ndai hku nna dai amu ni hpe ap nawng galaw ai hte dai ni mung tsep kawp chyoi pra mat na mara ai; dai ni hpe ahtawk hkra ai wa mung, ahtawk hkra ai arai hpa mung de a chyoi pra ai daru magam hpung shingkang n-gun a majaw machyi tsin-yam hkrum na rai ma ai.
30 Dai hpang Arun hte shi a shadang sha ni hpe namman sau chya ya nhtawm, nye a amu hta hkinjawng amu gun hpai nga na matu shanhte hpe aya dang ya na rai nga ai.
31 Israela amyu masha ni hpe, ?Ndai chyoi pra ai aya dang ya ai namman sau gaw nye a amu hta prat mi hte prat mi alang nga na matu rai nga ai.
32 Dai hpe yu maya masha ni a hkum hta ru bun lu na n rai; mi na kasi raw hte bung ai hku hpa hte mung kayau lang lu na myit dai n rai. Dai gaw chyoi pra nga ai rai nna dai hpe chyoi pra ai hku lang na rai myit dai.
33 Dai hte shabung nna galaw ai wa kadai mung, hkinjawng n re ai wa hpe ru bun na matu lang ai wa kadai mung, nye a amyu masha ni hta na sumri dan kau ai hkrum na rai wu ai,?? ngu nna tsun wu ai.
34 Dai Madu gaw Mawshe hpe, ?Manam pyaw ai baw ngu ai natap naw, Onihka, Galaban, manam pyaw ai baw hte jet ai lawban amyu ni hpe maren ren sha shen la na rai ndai.
35 Manam pyaw ai baw galaw na matu dai ni hpe lang nna manam pyaw hkra kayau na rai nga ai. Dai ni hpe mung jet ai hte chyoi pra ai manam pyaw ai baw tai nga na matu jum jat bang na rai nga ai.
36 Dai hta na nkau mi hpe htu mani la nhtawm nye a hpung shingkang shanu nga ai Sum kata de la sa nhtawm Ga Shaka Sumpu a man e dai hpe gat na rai nga ai. Dai gaw tsep kawp chyoi pra nga nna manam pyaw na rai nga ai.
37 Nanhte a matu dai hte bung ai kasi hte maren manam pyaw ai baw hpe mung nanhte galaw lang lu na myit dai n rai; dai hpe nye a matu ap nawng da sai chyoi pra ai arai langai zawn lang lu na rai nga ai.
38 Dai hpe manam pyaw na matu dai hte shabung nna lang ai wa kadai mung nye a amyu masha ni hta na sumri dan kau ai hkrum na rai nga ai,? ngu nna tsun wu ai.