25
(Pru 35:4-9)
1 Dai Madu gaw Mawshe hpe,
2 ?Ngai hpe kumhpa nawng ya na matu, Israela amyu masha ni hpe tsun u. Jaw ya mayu ai masha shagu hta na kumhpa ni hpe hkap la da na rai myit dai.
3 Dai kumhpa ni gaw aja, gumhpraw hte magri mang;
4 mani tsawm ai lachyit sumpan, sawm tsit ai ri, shaba pu nsam pru ai ri hte hkyeng ai ri, bainam mun hte da ai sumpan;
5 jaw jahkyeng da ai sagu la hpyi, tsawm ai shanhpyi; shaji hpun;
6 wan shatu na matu sau, namman sau a matu namji namya hte manam pyaw ai baw a matu namji namya ni;
7 unuk lung seng hte Hkinjawng Kaba wa a hpa hkai lawng c 25:7: Hpa hkai lawng: Dai gaw grai hpu nna nsam hkum ai sumpan hte galaw da nga ai, dai hpe Hkinjawng Kaba wa hpun ai. hte shi a sinda magap hta hkrep na matu ja lung seng rai ni rai na rai nga ai.
8 Amyu masha ni mung nye a matu chyoi pra ai Sum langai galaw lu na rai ma ai, shaloi ngai shanhte hta shanu nga lu na nngai.
9 Ngai nang hpe madun dan na de ai kasi hte maren, dai Sumpan Sum hpe de a arai nlang ni hte galaw lu na rai myit dai.
(Pru 37:1-9)
10 ?Shaji hpun hte sumpu langai galaw na rai myit dai; dai gaw galu de yungnu 45, nda de yungnu 27, hte tsaw de yungnu 27 rai na rai nga ai.
11 Dai hpe kata, ntsa hta jet ai ja hte kayawp nna de a nten grup grup yawng hta aja hte shakau lu na rai myit dai.
12 Dai hpe hpai na matu, de a matu de ja shanghkawng mali galaw bang nna, lagaw mali shatut nhtawm maga mi de shanghkawng lahkawng hkawng rai na rai nga ai.
13 Dai hpe hpai na matu shaji hpun hte kandang ni galaw nna dai ni hpe ja hte sup na rai nga ai;
14 dai Sumpu a maga mi hte maga mi de shatut da ai shanghkawng ni hta kandang ni hpe dinghkrawn bang da na rai nga ai.
15 Dai kandang ni hpe sumpu a shanghkawng ni hta na n shaw kau ai sha, tut nawng dinghkrawn da na rai nga ai.
16 Dai hpang ngai nang hpe jaw na, dai hkang da ai ga ni hpe ka da ai lungpa lahkawng hpe Sumpu hta bang da na rai nga ai.
17 ?Yungnu 45 galu nna nda de yungnu 27 dam ai sumpu magap langai hpe ja jet hte galaw na rai nga ai. Ref 25:17: Heb 9:5.
18 Ja hte tawk ai singkaw tu ai hkrung kanu lahkawng mung galaw nna,
19 dai magap a matu maga mi hte maga mi hta dai hpe tawk galaw na rai ndai. Dai magap hta nan galaw shapraw lu na rai nga ai.
20 Dai singkaw tu ai hkrung kanu yan gaw shada da myi man hkrum rai nna, dai magap de myi man yawng let, shan a singkaw kahpyan nna dai hpe ka-up da na rai nga ai.
21 Lungpa lahkawng yan hpe mung Sumpu kata de bang nna dai hpe magap tawn da na rai nga ai.
22 Dai kaw e ngai gaw nang hte jahkrum nna, magap ntsa na singkaw tu ai hkrung kanu lahkawng a lapran hta, Israela amyu masha ni a matu nye a tara ni yawng, ngai nang hpe jaw ya na nngai.
(Pru 37: 10-16)
23 ?Shaji hpun hte galaw ai ku langai galaw na rai nga ai; dai gaw galu de yungnu 36, nda de yungnu 18, hte tsaw de yungnu 27 rai na rai nga ai.
24 Dai hpe ja jet hte kayawp nhtawm de a grup grup hpe ja hte shakau da na rai nga ai.
25 De a grup grup hta yungnu 3 dam ai matu galaw nna, dai matu grup grup hta ja hte shakau da na rai nga ai.
26 Dai hpe hpai na matu ja hte shanghkawng mali galaw nhtawm de a lagaw mali hta na jut mali hte hta dai shanghkawng ni shatut da na rai nga ai.
27 Dai ku hpai na matu kra nga ai matu makau e shanghkawng ni shatut nna, kandang dinghkrawn na shara rai na rai nga ai.
28 Shaji hpun hte galaw ai kandang ni hpe ja hte sup na rai nga ai.
29 Sabyi hkungga nawng jau yang lang ai ban, gawm, yam hte jarung ni hpe galaw nna, dai ni yawng hpe ja jet hte galaw lu na rai nga ai.
30 Dai ku hpe Ga Shaka Sumpu a man e tawn da na rai nga ai; dai ku a ntsa e mung, nye a matu nawng jau ai chyoi pra ai muk hpe tut nawng bang tawn da na rai nga ai. Ref 25:30: Jaw 24:5-8.
(Pru 37:17-24)
31 ?Pyengdin shadun langai hpe ja jet hte galaw na rai nga ai. Dai pyengdin shadun a htumpa hta ja hte dup ai madung; shatsawm da ai nampan ni hta lawm ai apu ni hte pu makawp ni hpe langai sha di nna dup na rai nga ai.
32 Dai madung hta na maga mi de lakying masum sum di nna, lakying kru pru na rai nga ai.
33 Pyengdin madung hta na pru ai lakying kru hta maga mi a lakying langai mi hta batan pu majawm hte de a pu makawp ni hte shatsawm da ai nampan pu zawn re ai nampan maka rai na rai nga ai.
34 Pyengdin shadun hta batan nampan pu zawn re ai pu majawm hte pu makawp ni hte shatsawm tawn ai nampan maka mali rawng na rai nga ai.
35 Dai lakying masum rawng ai npu shagu hta nampan pu majawm langai ngai rai na rai nga ai.
36 Dai pu majawm ni hte lakying ni hpe mung, pyengdin shadun ai hkum ting hpe mung ja jet hte dup na rai nga ai.
37 Pyengdin shadun hta shadun na pyengdin sanit mung galaw ra ai; dai ni gaw man maga de htoi nga na rai nga ai.
38 De a matu lakap hte ban ni hpe mung ja jet hte galaw na rai nga ai.
39 Dai pyengdin shadun hte de a arai mahkra hpe ja jet pawng sanit shi manga daram lang nna galaw na rai nga ai.
40 Ngai nang hpe bum ntsa e madun dan sai kasi hte maren, sadi sahka hte dai amu ni hpe galaw u. Ref 25:40: Kas 7:44; Heb 8:5.