5
1 Nanhte gaw Karai Kasang a tsaw ra ai kasha ni rai nga manit dai majaw, shi
hte bung pre wa hkra shakut shaja lu
na rai myit dai.
2 Hkristu gaw anhte hpe tsaw ra ai hte anhte a matu shi a hkum hpe Karai Kasang
sharawng awng ai manam pyaw ai shagu
hkungga shatai nna nawng kau nu ai zawn,
nanhte mung tsaw ra myit e hkang ai
kata hta ahkawm nga mu.Ref 5:2: Jaw 1:9; Yhn 13:34; 2Ko 2:15; Heb 7:27; 1Yh 3:11,23.
3 Nanhte gaw Karai Kasang a amyu masha ni rai nga myit dai majaw, hpye ai amu,
n san n seng ai yawng hte hte nammak
lawhpa ai hte seng ai lam ni nanhte hta
e ga hte pyi n tsun myit ga,
4 n san n seng ai ga kinsha, awu asin yuk jahtuk nga ai ga, zai ai ga re ai ni hpe
n tsun ai sha, Karai Kasang hpe chyeju shakawn ai ga sha tsun nga mu ga.
5 Hpye ai wa, kaya n chye sari n rawng ai wa, nammak lawhpa ai wa, kadai rai ti mung,
Hkristu hte Karai Kasang yan a mungdan hta
sali kamhtaw galoi mung hkam la lu na n re
ai hpe nanhte hkrak chye nga myit dai.
(Hpa majaw nga yang nammak lawhpa ai lam
gaw, sumla nawku ai lam amyu mi rai nga
ai)
6 Kadai mung kaman lila ga ni hte nanhte hpe hkum hkalem hkalau shangun nga myit;
hpa majaw nga yang dai lam ni nan a majaw
Karai Kasang a pawt sindawng ai gaw n madat
n mara ai ni a ntsa e du na ra ai.
Ref 5:6: Mat 24:4; Rom 1:18; Kol 2:4,8; 2Ht 2:3.
7 Dai re ai majaw, dai zawn re ai masha ni hte kachyi mi pyi hkum hkan sharau nang
nga myit.
8 Moi shawng de nanhte mung ningsin hta nga lai wa yu manit dai; rai ti mung ya e Madu
a masha ni tai wa manit dai rai nna
nhtoi de du shang manit dai. Dai re ai majaw,
nanhte gaw nhtoi a kashu kasha ni zawn hkan
galaw nga mu.
9 Hpa majaw nga yang dai nhtoi gaw mai kaja ai lam amyu myu, ding hpring ai hte teng man
ai lam ni hpe shabyin ya nga ai.
10 Madu sharawng awng ai hpa rai nga ai hpe shakut sharang let sharin la
mu.
11 Nsin hta hkawm sa nga ai masha ni galaw ai akyu n rawng ai nsin hte seng ai bungli
ni hpa mung n hkan galaw ai sha, dai amu ni
hpe nhtoi de shadan dan nga mu.
12 (Hpa majaw nga yang, shanhte mayun mayoi e galaw ai amu ni gaw kaja wa tsun na pyi
gaw nachying kaya kahpa rai nga ai.)
13 Dai lam ni nga manga hte hpe nhtoi de shapraw shadan dat ai shaloi, shanhte
a lai kyang madung majing gaw dan dawng
wa ai.
14 Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw,
?Yup pyaw ai wa e rawt u,
si ai kaw na bai rawt wa nu;
Hkristu gaw nang hpe jahtoi jaw na ra ai,? nga nna tsun ai.
15 Dai re majaw nanhte gara hku sak hkrung hkawm sa nga myit dai gaw atsawm sha yu
nga mu. Hpaji n rawng ai angawk angak
masha ni zawn n re ai sha, hpaji rawng
ai masha ni zawn hkawm nga mu.
16 Ya na nhtoi ladaw ni gaw n shawp nga ai majaw, nanhte lu ai ahkaw ahkang shagu
hpe atsawm sha akyu rawng hkra jai lang
mu.Ref 5:16: Hpj 12:1; Yhn 12:35; Gal 6:10; Kol 4:5.
17 Dai rai nna angawk angak re ai ni hkum tai myit; dai Madu a myit ra ai lam hpa
rai nga ai gaw tam shakut nga
mu.
18 Chyaru hkum nang mu; dai gaw nang hpe jahten shabya kau na ra ai. Wenyi hte
hpring tsup nga mu.
19 Nanhte shada da shakawn kungdawn mahkawn mangoi ga, Wenyi makam masham hte seng ai
laka ga hte tsun shaga hkat nga let, nanhte
a kraw lawang kata hta Madu hpe
mahkawn mangoi nna shakawn kungdawn nga
mu.Ref 5:19: Kas 16:25; 1Ko 14:26; Kol 3:6; Yak 5:13.
20 Anhte a Madu Yesu Hkristu a mying ningsang gang nna lam shagu a matu Kawa Karai Kasang
a chyeju hpe tut nawng e shakawn kungdawn
nga mu.
21 Nanhte a Hkristu hpe hkrit kamyin ai myit a majaw shada da a npu e ataw nga mu.
22 Madu jan ni e, nanhte gaw Madu a up hkang ai hpe hkam la nga myit dai hte
maren, madu wa a up hkang ai hpe hkam la
mu.Ref 5:22: Eph 6:5; 1Ko 14:34; Kol 3:18; 1Pe 3:1.
23 Hkristu gaw dai hpung a ntsa e ahkang aya lu nga ai zawn dai madu wa mung
madu jan a ntsa e ahkang aya
lu nga ai. Hkristu shi nan shi a hkum
hkrang rai nga ai dai hpung a Hkye Hkrang
la ai Madu mung rai nga ai.
24 Dai hpung gaw Hkristu a up hkang ai hpe hkam la ai zawn, madu jan ni mung lam
shagu hta madu wa ni a up hkang ai hpe
tsep kawp hkam la na rai myit dai.
25 Madu wa ni e, Hkristu gaw dai hpung hpe tsaw ra nna de a matu asak nawng ya
kau wu ai zawn, nanhte a madu jan ni hpe
tsaw ra nga mu.Ref 5:25: Kas 20:28; Gal 1:4; Kol 3:19; 1Pe 3:7.
26 Madu shi a asak hpe nawng kau ai lam gaw, dai hpung hpe hka hte jasan jaseng kashin
kau nhtawm, shi a mungga hte Karai Kasang
kaw nawng jau ai hte
27 dai hpung gaw shi hkum nan a matu ap nawng kau ai shaloi e shi a nga manga hta agang
chyalang hte kapum kapam re ai hpa mung n lawm
ai sha, chyoi pra ai mara n rawng nna hpung
shingkang rawng ai hte tsawm htap na matu
rai nga ai.
28 Dai rai nna madu wa ni gaw, tinang a hkum hpe tsaw ra nga ai zawn tinang a madu jan
ni hpe tsaw ra nga na mai nga ai. Tinang
a madu jan hpe tsaw ra ai wa gaw, tinang
a hkum hpe mung tsaw ra nga ai.
29 (Hpa majaw nga yang, kadai mung tinang hkum hpe n dawng n yawt ai gaw
n nga ga ai, shing rai na malai, Hkristu
gaw dai hpung hpe bau maka wu ai.
30 Hpa majaw nga yang, shi a hkum hkrang a daw shan ni rai nga ga ai.)
31 Dai Chyum laika hta tsun ai hte maren, ?Ndai lam a majaw lasha gaw shi a kanu
kawa hpe kau da nhtawm shi a madu jan hte
kanawn manoi nga na rai nna shan lahkawng
gaw hkum shan langai sha tai lu na mara
ai.?Ref 5:31: Nin 2:24; Mat 19:5; Mrk 10:7-8; 1Ko 6:16.
32 Ndai lam gaw Chyum Laika hta shadan dan ai sung htum ai teng man lam langai mi rai nna
Hkristu hte hpung hpe lakap nna tsun ai ga
re ngu nna ngai chye na we ai.
33 Rai ti mung dai gaw nanhte hte mung seng nga ai. Madu wa shagu gaw shi a madu jan
hpe tsaw ra lu na rai nna Madu jan shagu
mung tinang madu wa hpe tsaw ra lu na rai
nga ai.